BAKI, 23 oktyabr — Sputnik. Parisdə, Yelisey sarayında Fransa və Ermənistan Prezidentləri Emmanuel Makron və Armen Sarkisyan arasında görüş baş tutub. Sputnik Ermənistan xəbər verir ki, görüş zamanı hər iki ölkənin başçıları Azərbaycanın işğal altında olan torpaqları – Dağlıq qarabağdakı vəziyyəti müzakirə ediblər.
Məlumatda qeyd olunur ki, Sarkisyan Fransanın və şəxsən prezident Makronun münaqişənin nizamlanmasında rolunu yüksək qiymətləndirib. Fransa lideri isə öz növbəsində davam edən hərbi əməliyyatlarla bağlı narahatlığını ifadə edib.
Hər iki lider münaqişənin sülh yolu ilə həllinə alternativin olmadığını qeyd edib. Onlar, həmçinin humanitar atəşkəs rejiminə riayət olunmasının vacibliyini qeyd ediblər.
