S-400 zenit-raket sistemi, arxiv şəkli

Türkiyə S-400 zenit-raket kompleksini sınaqdan keçirir

62
(Yenilənib 17:42 16.10.2020)
Türkiyə oktyabrın 13-dən 17-ə kimi Qara dəniz bölgəsindəki Sinop şəhərində artilleriya təlimlərinin keçiriləcəyini bəyan edib.

BAKI, 16 oktyabr — Sputnik. Türk mediası Qara dəniz bölgəsindəki Sinop şəhərində raketin buraxıldığı anın videosunu yayıb. Videodakı görüntülərin S-400 zenit-raket kompleksinin sınaqdan keçirilməsi ilə əlaqədar olduğu bildirilir.

Sputnik Azərbaycan-ın RİA Novosti-yə istinadən yaydığı xəbərə görə, Türkiyə beynəlxalq NAVTEX bildirişində oktyabrın 13-dən 17-ə kimi Qara dəniz bölgəsindəki Sinop şəhərində artilleriya təlimlərinin keçiriləcəyini bəyan edib.

Raketin buraxıldığı anın videosunu Türkiyənin "M5" hərbi jurnalı yayıb. Videoya əlavə olunmuş məlumatda Sinopda S-400 zenit-raket sistemlərinin sınaqdan keçirildiyi qeyd olunur.

Bir qədər bundan əvvəl Sputnik Türkiyə Rusiya istehsalı S-400 hava müdafiə sistemlərinin Qara dənizin Samsun vilayətinə yerləşdirdiyi barədə məlumat vermişdi. Agentlik S-400 komponentlərini daşıyan hərbi maşın karvanının görüntülərini də yaymışdı.

Türkiyə hakimiyyəti hələlik bu barədə rəsmi açıqlama verməyib.

Qeyd edək ki, Türkiyənin ABŞ-la münasibətlərində böhrana səbəb olan Rusiya istehsalı S-400 hava müdafiə sistemlərinin tədarükü 2019-cu ilin iyul ayından başlayıb. Bundan sonra Vaşinqton ABŞ-ın F-35 qırıcılarının Türkiyəyə satışını təxirə salacağını bəyan edib. ABŞ Türkiyəni sanksiyalar tətbiq etməklə hədələyərək Rusiya ilə sazişdən imtina etməsini və bunun əvəzində Amerikadan "Patriot" sistemlərinin alınmasını istəyib. Türkiyə tərəfi isə S-400 zenit-raket kompleksinin növbəti partiyasının alınması ilə bağlı danışıqları davam etdirib.

62
Rio-de-Janeyroda karnaval, arxiv şəkli

Koronavirus bu əyləncəni əlimizdən aldı

7
(Yenilənib 00:26 23.01.2021)
"Mən heç vaxt bu mədəniyyət hadisəsinə marağımı və onun iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm".

BAKI, 23 yanvar — Sputnik. Braziliyanın Rio-de-Janeyro şəhər rəhbərliyi 2021-ci ildə məşhur karnavalın keçirilməsini təxirə salıb. RİA Novosti bildirir ki, bu barədə şəhərin meri Eduardu Pais Twitter-də məlumat verib.

Qeyd edək ki, sentyabr ayında Rio-de-Janeyro karnavalının təşkilatçıları koronavirus səbəbindən tədbirin 2021-ci ilin fevral ayınadək təxirə salınması ilə bağlı qərar qəbul etmişdi. Noyabr ayında isə Samba Məktəbləri Liqası təklif etmişdi ki, əgər əhalinin peyvənd olunması sahəsində irəliləyiş əldə olunarsa, karnaval iyulda keçirilsin.

"Mən heç vaxt karnavala marağımı və bu mədəniyyət hadisəsinin iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm. Bununla belə, hazırda iyul ayında karnavalı keçirə biləcəyimizi düşünməyin heç bir mənası yoxdur", – deyə Pais yazıb.

Rio-de-Janeyro merinin sözlərinə görə, karnaval böyük hazırlıq işi tələb edir ki, indi bunu reallaşdırmaq mümkün deyil.

Rio karnavalı hər samba məktəbinin öz kompozisiyası ilə çıxış etdiyi rəngarəng keçid paradıdır. Karnavalı çempionlar paradı tamamlayır. Tədbir çərçivəsində gözəllik müsabiqələri, maskaradlar və əlbisə yarışları da keçirilir.

Qeyd edək ki, dünyada Braziliya COVID-19 pandemiyasından ən çox əziyyət çəkmiş ölkələrdən biridir. Son məlumatlara əsasən, bu ölkədə 8 milyon 697 min 368 yoluxma halı qeydə alınıb, 214 min 147 nəfər isə dünyasını dəyişib.

7
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

16
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

16
Teqlər:
Pentaqon, ABŞ
Tibb işçisi Dövlət Gömrük Komitəsinin hospitalında, arxiv şəkli

Koronavirusun ağciyərlərə düşməsinin yeni yolu aşkarlandı

0
(Yenilənib 00:40 23.01.2021)
Çin alimləri laboratoriya şəraitində xəstələrin yoluxmuş orqan hüceyrələrindəki 22 zülal səviyyəsini ölçərək virusun reseptorlarla hansı yolla birləşdiyini müəyyən ediblər.

BAKI, 23 yanvar — Sputnik. Elm adamları koronavirusun ağciyərlərə düşməsinin yeni metodunu müəyyənləşdiriblər. Sputnik Azərbaycan RİA Novosti-yə istinadla xəbər verir ki, tədqiqatın nəticəsi "Cell Research" jurnalında dərc olunub. Çin alimləri laboratoriya şəraitində xəstələrin yoluxmuş orqan hüceyrələrindəki 22 zülal səviyyəsini ölçərək virusun reseptorlarla hansı yolla birləşdiyini müəyyən ediblər.

Tədqiqat zamanı koronavirusun insan bədəninə düşməsi üçün əsas "giriş qapısı" sayılan ACE2 ekspressiyasının ağciyər və traxeyanın bütün hüceyrə xətlərində aşağı, böyrəklərdə və həzm sistemi orqanlarında isə daha aktiv olduğu ortaya çıxıb.

Bununla belə, elm adamları başqa bir zülal – UFO (AXL) tirozin-protein kinaz reseptoru da aşkarlayıblar ki, onun tənəffüs sistemində həddən artıq olması SARS-CoV-2 virusunun hüceyrələrin daxilinə nüfuz etməsini sürətləndirir. Qeyd olunur ki, bu ferment bir sıra fizioloji proseslərə cavabdehdir.

Əldə olunan nəticələr əsasında alimlər bu qərara gəliblər ki, həmin reseptorları söndürərək, ağciyərlərdə virus konsentrasiyasını əhəmiyyətli dərəcədə azaltmaq mümkündür.

0
Teqlər:
Koronavirus, epidemiya, COVID-19