Koronavirusа qarşı peyvənd, arxiv şəkli

Amerikanın vaksinə pulu çatmayıb?

60
(Yenilənib 20:12 12.10.2020)
ABŞ vaksin üçün 50, hətta 100 milyard dollar ödəsəydi də bu, heç nəyi dəyişməzdi: bəzi vəzifələr sadəcə yalnız pulun köməyi ilə həll edilə bilməz

BAKI, 12 oktyabr — Sputnik, İrina Alksnis. ABŞ Milli Əks-Kəşfiyyat və Təhlükəsizlik Mərkəzinin (NCSC) direktoru Uilyam Evanina keçən həftəsonu Rusiya, Çin və İranı Amerikanın COVID-19 peyvəndini əldə etmək cəhdlərinə mane olmaqda günahlandırıb.

Amerikalı əks-kəşfiyyatçı açıqlamaları Donald Trampın bəyanatı ilə eyni vaxtda səsləndirib. Belə ki, Tramp ABŞ-da koronavirus peyvəndinin yalnız prezident seçkisindən sonra peyda olacağını etiraf edib.

Lakin o, bunu xarici siyasi rəqiblərin məkrli intriqaları ilə deyil, hansısa daxili siyasi fikir ayrılıqları ilə izah edib.

"İnanıram ki, o, (vaksin – red.) seçkidən əvvəl olmalıdır, lakin burada siyasət müdaxilə edir. Yaxşı. Onlar öz oyunlarını oynamaq istəyirlər. O, seçkidən dərhal sonra olacaq", — Tramp bildirib.

Kompensasiya olaraq prezident xəstəlik zamanı özünün qəbul etdiyi COVID-19 preparatlarını amerikalılara pulsuz təqdim edəcəyini vəd edib. Bu, ABŞ səhiyyə sistemi üçün çox güclü bir təşəbbüsdür. Buna baxmayaraq, Trampın son bəyanatını həqiqətən piar anlamında kompensasiya kimi qəbul etmək lazımdır, çünki hələ seçkidən əvvəl vaksin məsələsi onun seçkiqabağı kampaniyasının mühüm hissəsi olub.

Ağ Ev preparatın hazırlanmasına təxminən 12 milyard dollar vəsait ayırıb ki, bu da müvafiq yerli və xarici təşkilatlar arasında bölüşdürülüb. Məsələn, Amerikanın "Novavax" biotexnologiya şirkəti 1,6 milyard dollar alıb.

Lakin ABŞ administrasiyası – həm də digərləri – əsas ümidlərini "AstraZeneca" Britaniya-İsveç farmakoloji şirkətinin Oksford Universiteti ilə birgə yaratdığı vaksinə bağlamışdı. Lakin elə ən böyük məyusluq da bu şirkətlə bağlı olub, çünki yaradılan preparatın təhlükəsizliyinə dair suallar ortaya çıxıb.

Məlum olduğu kimi, hələ yaydan etibarən ABŞ, Böyük Britaniya və Kanada Moskvanı hazırlanan vaksinlərlə bağlı məlumatların oğurlanması məqsədilə kiberhücumlarda ittiham edib. İndi isə Evaninanın çıxışına əsasən, konsepsiya dəyişib və Rusiyanın aparılan işlərə mane olmaq üçün sabotajı ön plana çıxıb.

Koronavirus vaksini, arxiv şəkli
© REUTERS / Dado Ruvic / Illustration / File Photo

NCSC direktoru hətta bildirib ki, ümumiyyətlə rusların heç bir vaksini yoxdur. Lakin görünür, Amerika tərəfinin hələ də Rusiyanın ikinci vaksini ("Vektor" mərkəzindən) qeydiyyatdan keçirəcəyinə dair xəbəri yoxdur.

Qlobal peyvənd yarışında qalib gəlmək təkcə Donald Trampın seçkiqabağı kampaniyasının bir hissəsi kimi deyil, həm də Birləşmiş Ştatların dünyada yenilməz hegemonluğunun rəmzi kimi vacib idi.

Maliyyə amili ənənəvi olaraq ABŞ-ın qlobal lider kimi statusunda mühüm rol oynayıb. Vaşinqtonun bütün dünya üzrə şirkətlərə peyvəndin hazırlanması üçün yatırdığı son dərəcə səxavətli maliyyə iki, üç, hətta on dəfə çox ola bilərdi. Amerikalılar həqiqətən də bu məbləği ödəyə bilərdilər.

Lakin bu, bir tərəfdən heyran edici olsa da, digər tərəfdən yalnız uğursuzluğun miqyasını vurğulayır. Çünki bu halda nə 50, nə də hətta 100 milyard dollar heç nəyi dəyişməzdi: bəzi vəzifələr sadəcə yalnız pulun köməyi ilə həll edilə bilməz.

Son illər ABŞ onun dünya dominantlığını təmin edən adi alətlərin artıq işə yaramadığını aşkar edir. Amerikalıların xarici siyasətdəki tərəfdaşları və beynəlxalq təşkilatlar onun nəzarətindən çıxır. Bəzi texnologiyalar effektivliyini itirir.

İndi isə artıq dollar əvvəlki gücünü itirib.

60
Teqlər:
ABŞ, vaksin, Koronavirus, epidemiya, COVID-19
Əlaqədar
Epidemik vəziyyət gərginləşməkdədir - TƏBİB
ABŞ Rusiyanın koronavirusa qarşı peyvənd hazırladığına inanmır
Vaksin nə qədər təhlükəlidir: ABŞ cavab tələb edir
Səhiyyə Nazirliyindən xəbərdarlıq - immunitetinizi möhkəmləndirin, xəstəliklər gəlir
COVID-19-la bağlı dəhşətli proqnoz: iki milyon insan ölə bilər
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

12
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

12
Aleksey Navalnıy, arxiv şəkli

G7 ölkələrinin Navalnı tələbi

13
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

13
Teqlər:
Rusiya, azadlıq, tələb, nazirlər, G7, Aleksey Navalni