Ay, arxiv şəkli

Ayla bağlı planlar: biri şəhər salmamış o biri yanacaq zavodu tikir

46
(Yenilənib 00:42 08.10.2020)
Yapon alim Kodayra qeyd edib ki, bununla belə, Ayda aşkarlanan şaquli mağaralar ("lava boruları") radiasiya təhlükəsi ilə bağlı vəziyyəti dəyişib

BAKI, 8 oktyabr — Sputnik. Yapon alimləri Ayda şəhər salmağın yolunu tapıblar. Sputnik Azərbaycan-ın RİA Novosti-yə istinadən xəbərinə görə, bu barədə Yaponiyanın Radioloji Tədqiqatlar İnstitutunun alimi Satosi Kodayra məlumat verib. Onun sözlərinə görə, Aydakı şaquli lava tunelləri yalnız insanların uzun müddət orada qalmasına imkan verən bazaların yaradılmasını deyil, həm də şəhərlərin inşasını reallığa çevirə bilər.

S.Kodayra bu yaxınlarda öz həmkarları ilə birlikdə yeni bir elmi-tədqiqat üzərində işi yekunlaşdırıb. Həmin tədqiqatın nəticəsinə görə, Ayda vulkan püskürmələrindən sonra yaranan lava tunelləri radiasiyadan və meteoritlərdən müdafiə olunmağa imkan verir.

"Aparılan son elmi müşahidələrə görə, Ayın səthində radiasiya səviyyəsi Beynəlxalq Kosmik Stansiyada (ISS) olduğundan daha yüksəkdir. Düşünürəm ki, bu, yalnız insanlar üçün deyil, həm də avadanlıqlar üçün problem yaradır, orada uzunmüddətli fəaliyyətə mane olur və bəzi hallarda bunu mümkünsüz edir", – deyə alim qeyd edib.

Onun sözlərinə görə, açıq kosmik məkanda hər tərəfdən radioaktiv təzyiqə məruz qalmaq mümkündür və bu zaman radiasiya təhlükəsi NASA-nın nəhəng Gateway platformasındakından daha çox olur.

Daha öncə xəbər verildiyi kimi, ABŞ Ayətrafı orbitdə Gateway stansiyası tikməyi planlaşdırır və ISS üzrə tərəfdaşlarını bu layihədə iştiraka dəvət edib. Artıq Yaponiya sözügedən layihədə iştirak etməkdə maraqlı olduğunu açıqlayıb.

Ay, arxiv şəkli
© Sputnik / Murad Orujov

Kodayra qeyd edib ki, bununla belə, Ayda aşkarlanan şaquli mağaralar ("lava boruları") radiasiya təhlükəsi ilə bağlı vəziyyəti dəyişib. Belə ki, lava boruları yalnız radiasiyadan və kiçik meteoritlərdən qorumur, həm də sabit temperatur rejimini mühafizə edir ki, bu da orada uzunmüddətli insan fəaliyyətini reallığa çevirir.

Yaponiyalı alim onu da xatırladıb ki, 2017-ci ildə JAXA Aerokosmik Agentliyi "lava mağara"sının eninin ən az 100 metr olduğu, dərinliyinin isə 50 kilometrə çatdığı barədə məlumat yayıb.

Qeyd edək ki, Kyodo Xəbər Agentliyinin JAXA-ya istinadən verdiyi xəbərə görə, Yaponiya 2035-ci ilə qədər Ayda yanacaq zavodu tikməyi planlaşdırır. Bu zavoddan Yerin peykinin genişmiqyaslı tədqiqatlarında istifadə olunması nəzərdə tutulur.

JAXA mütəxəssislərinin sözlərinə görə, Ayda tikiləcək zavoddan əldə olunacaq hidrogen və oksigendən enerji istehsalı, raket yanacağı və Ay səthində enerji mənbəyi kimi istifadə olunması nəzərdə tutulur.

46
Əlaqədar
Ulduzlara yaxın: Yerin müxtəlif yerlərindən gecə səmasının inanılmaz görüntüləri
Yerə doğru "nəsə" yaxınlaşır: alimlər onun təbiiliyinə şübhə edirlər
Sovet İttifaqının Ayla bağlı gizli planları açıqlandı
Venera planetində həyat var?!
Alimlər Ay səthində ağıllarına gəlməyəcək maddə tapdılar
Gürcüstan bayrağı, arxiv şəkli

Gürcüstanda mandat yarışı: "Gürcü arzusu" liderdir, Saakaşvili isə qalib "VMH"-dir deyir

10
(Yenilənib 23:18 31.10.2020)
Gürcüstanın hakim "Gürcü arzusu" Partiyası bu gün keçirilən parlament seçkilərində qələbə qazandığını bildirib. Partiya Tbilisidəki qərargahı qarşısında qələbəni qeyd edir.

BAKI, 31 oktyabr - Sputnik. Gürcüstanda parlament seçkiləri yekunlaşıb. İlkin məlumatlara əsasən, bugünkü parlament seçkilərində seçici fəallığı 56,11% təşkil edib.

Sputnik Gürcüstan-ın məlumatına görə, Mərkəzi Seçki Komissiyasının mətbuat katibi Ana Mikeladze səsverməyə 1 970 540 seçicinin qatıldığını deyib. 

Ən yüksək seçici fəallığı 63,8% olmaqla Raça-Leçxumi və Svaneti, ən aşağı fəallıq isə 51% olmaqla azərbaycanlıların yığcam yaşadıqları Kvemo Kartli bölgəsində qeydə alınıb.

Gürcüstanın hakim "Gürcü arzusu" Partiyası bu gün keçirilən parlament seçkilərində qələbə qazandığını bildirib. Partiya Tbilisidəki qərargahı qarşısında qələbəni qeyd edir.

İştirakçılar qarşısında çıxış edən partiyanın rəhbəri Bidzina İvanişvili bildirib ki, Gürcüstan bu gün layiqli seçim edib. O, seçicilərə minnətdarlıq ifadə edib.

Gürcüstanın sabiq prezidenti Mixeil Saakaşvili "Mtavari" telekanalına müsahibəsində "Gürcü arzusu"nun parlament seçkilərini uduzduğunu deyib. Onun sözlərinə görə, Vahid Milli Hərəkat (VMH) və digər müxalifət partiyaları mütləq səs çoxluğu əldə ediblər.

"Gürcüstanda hakimiyyət dəyişir, ölkə irəli getməkdə davam edəcək", deyə Saakaşvili bildirib.

VMH-nin liderləri və tərəfdarları Tbilisidə parlament binası qarşısında aksiya keçirirlər. Partiya nümayəndələri seçkilərdə qalib gəldiklərini bildirirlər.

10
Teqlər:
"Gürcü arzusu", Gürcü arzusu partiyası, Bidzina İvanişvili, Parlament seçkiləri, seçkilər, Mixeil Saakaşvili, Gürcüstan
Əlaqədar
Ekspert: “Gürcüstan azərbaycanlıları parlament seçkilərində aktiv iştirak edəcəklər”
Gürcüstanda parlament seçkiləri: Giorgi Qaxaria "ölkənin demokratik inkişafına" səs verib
Türkiyə Prezidenti Rəcəb Tayyib Ərdoğan, arxiv şəkli

Ərdoğan İzmir fəlakətindən danışarkən İlham Əliyevin ona dəstək təklif etdiyi bildirib

17
(Yenilənib 22:19 31.10.2020)
Ərdoğan təbii fəlakət nəticəsində dəyən zərərin ödənilməsi üçün başda Azərbaycan Prezidenti İlham Əliyev olmaqla bir çox ölkələrdən dəstək təklifi, o cümlədən 88 ölkədən “keçmiş olsun” mesajı aldığını bildirib.

BAKI, 31 oktyabr - Sputnik. Hazırda İzmirdəki zəlzələdə həyatını itirənlərin sayı 37 nəfərə çatıb, xəsarət alanlar 885 nəfərdir.

Sputnik Türkiyə xəbər verir ki, bu barədə Türkiyə Prezidenti Rəcəb Tayyib Ərdoğan İzmirdəki təbii fəlakətin nəticələri ilə daha yaxından tanış olmaq üçün Seferhisar rayonuna gedərkən bildirib. 

O qeyd edib ki, yaralılardan 667-si evə buraxılıb, 218-nin isə müalicəsi davam edir. Dağıntılar altında qalan 103 nəfər xilas edilib.

Türkiyə Prezidenti deyib ki, zəlzələdən zərər çəkənlərin yaşayış və qida ehtiyaclarının ödənməsi üçün lazımi tədbirlər görülür. Bununla yanaşı, o, təbii fəlakət nəticəsində dəyən zərərin ödənilməsi üçün başda Azərbaycan Prezidenti İlham Əliyev olmaqla bir çox ölkələrdən dəstək təklifi, o cümlədən 88 ölkədən “keçmiş olsun” mesajı aldığını bildirib.

17
Teqlər:
İzmir şəhəri, İzmir, Türkiyə Prezidenti Rəcəb Tayyib Ərdoğan, Rəcəb Tayyib Ərdoğan, İlham Əliyev