İranın Müdafiə naziri Əmir Hatami

İranın Müdafiə naziri Azərbaycan Ermənistana xəbərdarlıq etdi

300
(Yenilənib 18:00 06.10.2020)
Əmir Hatami münaqişə tərəflərinin İranın narahatlığını nəzərə alacağına əminliyini ifadə edib: "Əks halda, İran əlavə tədbirlər görəcək".

BAKI, 6 oktyabr — Sputnik. İran ərazisinin atəşə tutulması yolverilməzdir. Sputnik Azərbaycan "İRNA"-ya istinadən xəbər verir ki, bunu İranın Müdafiə naziri Əmir Hatami bildirib.

O qeyd edib ki, Qarabağda gedən döyüşlər zamanı İranın sərhədyanı əraziləri təsadüfən artilleriya zərbələrinə məruz qalıb.

Hatami vurğulayıb ki, İran sərhədləri bu ölkənin Silahlı Qüvvələri üçün həyati əhəmiyyətə malikdir.

İranın Müdafiə nazirinin dediyinə görə, bu cür səhvlər yolverilməzdir və hər iki tərəfə bununla bağlı xəbərdarlıq edilib.

O, münaqişə tərəflərinin İranın narahatlığını nəzərə alacağına əminliyini ifadə edib: "Əks halda, İran əlavə tədbirlər görəcək".

Nazir qeyd edib ki, İran, hətta səhvən olsa belə, öz vətəndaşlarına hər hansı bir zərərin dəyməsini qəbul edə bilməz.

300
Tibbi maskada olan həkim, arxiv şəkli

Koronavirusdan da betər epidemiya yayılıb - Myasnikov

5
(Yenilənib 21:24 16.01.2021)
Məşhur rus həkimin fikrincə, koronavirusla müqayisədə piylənmənin fəsadlarının ölüm göstəricisi daha yüksəkdir

BAKI, 16 yanvar - Sputnik. Tanınmış rus hıkim və teleaparıcı Aleksandr Myasnikov deyib ki, dünya özü də bilmədən başqa bir epidemiyanın əlində əsirdir. Bu, koronavirusdan daha təhlükəli olan piylənmədir.  

Sputnik Azərbaycan bildirir ki, bu barədə Myasnikov "Rossiya-1" telekanalının efrində deyib.

"İl ərzində COVID-19-un ömrünə son qoyduğu 1,5 milyon insanla yanaşı, 10 milyon adam da aclıqdan ölüb. Daha maraqlısı budur ki, piylənmənin yaratdığı problemlərdən ölənlərin sayı 20 milyondan çoxdur", - mütəxəssis deyib.

Həkimin sözlərinə görə, dünya əhalisinin 40%-dən çoxu artıq çəkidən əziyyət çəkir. 

Myasnikov vurğulayıb ki, piylənmə sonradan diabet, infarkt, insult və onkoloji xəstəliklərə səbəb olur. Koronavirusla müqayisədə, həkimin fikrincə, piylənmənin ölüm göstəricisi daha yüksəkdir. 

Köklüyə meyllilik valideynlərdən də qaynaqlana bilər. Myasnikov deyir ki, əgər ailədə valideynlərdən birində bu cür problem varsa, o zaman uşaq ömrü boyu kökəlməyə meylli olacaq. Daha bir amil anada diabetin olmasıdır. 

5
Teqlər:
piylənmə, Koronavirus, epidemiya, COVID-19
Tehran şəhərinə mənzərə, arxiv şəkli

Tehran Vaşinqtona nota verdi

6
(Yenilənib 20:53 16.01.2021)
Xətibzadə konkret misal çəkməsə də, ABŞ-ın iranlı diplomatları və onların ailə üzvlərini beynəlxalq təşkilatlarda, eləcə də Amerika ərazisində çoxdan sıxışdırdığını deyib. 

BAKI, 16 yanvar - Sputnik. Tehran "iranlı diplomatlara qarşı fəaliyyətinə" görə ABŞ-ı beynəlxalq məhkəməyə verməklə hədələyib.

Sputnik Azərbaycan bildirir ki, bu barədə İran XİN-in rəsmi nümayəndəsi Səid Xətibzadənin bəyanatlnda deyilir. 

"Əgər ABŞ BMT, Dünya Bankı, Beynəlxalq Valyuta Fondu kimi beynəlxalq təşkilatlardakı iranlı diplomatlara qarşı qanunsuz əməllərini dayandırmasa, İran bu ölkəni Beynəlxalq məhkəməyə verəcək", - məlumatda qeyd olunur.

Notanı ABŞ-a İsveçrənin Tehrandakı səfirliyi vasitəsilə çatdırıblar. Bu diplomatik korpus Vaşinqtonun İrandakı maraqlarını təmsil edir. 

Xətibzadə konkret misal çəkməsə də, ABŞ-ın iranlı diplomatları və onların ailə üzvlərini beynəlxalq təşkilatlarda, eləcə də Amerika ərazisində çoxdan sıxışdırdığını deyib.

6
Teqlər:
nota, ABŞ, İran
Astarada həsir toxuyanlar

Qədimdən gələn ənənə: bir həsir, bir Məmmədnəsir olsaq da... - FOTO

0
(Yenilənib 20:42 16.01.2021)
Əvvəllər soyuducu olmayanda insanlar bütün qidalarını həsir zənbildə saxlayırdılar. Zənbil bütün qidaları keyfiyyətini pozmadan saxlaya bilir. İndi isə həsir başqa bir ehtiyaca görə mazata minib

İradə Cəlilova, Sputnik Azərbaycan

BAKI, 16 yanvar — Sputnik. Azərbaycanda bu ildən polietilen torbaların satışı qadağan edilir.

Yenidən dədə-babalarımızın daim istifadə etdiyi, qiyməti ucuz, keyfiyyəti yüksək, qamışdan hazırlanmış həsir zənbillər dəbə düşəcək.

  • Astarada həsir toxuyanlar
    © Sputnik / Irade JELIL
  • Astarada həsir toxuyanlar
    © Sputnik / Irade JELIL
  • Qamışdan həsir və zənbil toxuyan Rüfət Rzayev
    © Sputnik / Irade JELIL
1 / 3
© Sputnik / Irade JELIL
Astarada həsir toxuyanlar

Yadıma gəlir, hələ uşaq olanda Bakı kəndlərində bir çox evlərdə bu zənbillərdən istifadə edilirdi.

Evin kişisi bazarlığa gedəndə zənbili əlinə alıb, yola düşərdi.

Həsir zənbillərin istifadəsinə "Şərikli çörək", "Bizim Cəbiş müəllim" kimi filmlərdə də rast gəlmişik.

Ancaq müasirləşən dünyada həsir zənbillər tarixə qovuşmuşdu. Hamı onun sağlamlıq üçün təhlükəsiz, istifadə üçün uzunömürlü olduğunu belə unutmuşdu.

Həsir zənbillərin müxtəlif formalarından sadəcə dəb üçün istifadə edilirdi.

© Sputnik / Irade JELIL
Qamışdan həsir və zənbil toxuyan Rüfət Rzayev

Azərbaycanda həsir zənbillər cənub bölgəsində, xüsusilə də Astara rayonunda toxunsa da, alıcıları az idi. Düzdür, ABAD bu sənətkralara bacardığı qədər şərait yaratsa da, qeyd etdiyimiz kimi onların işinə o qədər də dəyər verən yox idi.

Sputnik Azərbaycan həsir zənbil toxuyan sənətkarla görüşmək üçün Astara rayonunun Kakalos kəndinə üz tutub.

Qamışdan həsir və zənbil toxuyan Rüfət Rzayev Kakalos kənd Mədəniyyət evində metodist vəzifəsində çalışır. Bakıdan gələcəyimizi bilib, havanın yağışlı olmasına baxmayaraq, bizi həyətdə gözləyən, mehriban, səmimi, ürəkləri sözlə dolu olan sənətkarlarla görüşüb, işləri ilə tanış oluruq.

İlk həmsöhbətimiz, Kakalos kəndinin canlı tarixi Fərbiyə Şabanova olur (onun haqqında digər yazıda ətraflı danışacağıq). F.Şabanova bizə kəndin tarixindən danışır. Tarix muzeyi ilə, gördüyü işlərlə tanış edir.

© Sputnik / Irade JELIL
Həsir

Həsir və zənbillərin ustası Rüfət Rzayev isə bizə bu sənət haqqında məlumat verir. Onun sözlərinə görə, müasir dünya həsir zənbilləri qəbul etməsə də, bu sənətlə də maraqlananlar az olmayıb.

R.Rzayev özü 1995-ci ildən bu işlə məşğul olur. Deyir ki, iş çətin olsa da, gətirdiyi gəlir o qədər də çox olmur:

"Əvvəllər soyuducu olmayanda insanlar bütün qidalarını zənbildə saxlayırdılar. Yəni zənbillər bütün qidaları keyfiyyətini pozmadan saxlaya bilir. Zənbillər qamışdan hörülür. Qamış isə iki cür olur. Onlar "lığ" və "püzə" adlanır. Əsasən onları may ayında toplayırıq. Sonra quruduruq və həsir, zənbil, asılqan, süfrə, ayaqaltı və s. hörürük".

R.Rzayevin sözlərinə görə, zənbillər ölçülərinə görə müxtəlif qiymətlərə satılır. Kiçik ölçülü zənbillər 3, böyüklər isə 10-15 manata satılır.

Həsir zənbil ustası deyir ki, cənub bölgəsi qış aylarında nəmişlik, rütubət olduğu üçün xüsusi qamışdan hazırlanmış həsir döşəməyə salınır. Bu isə rütubətin qarşısını alır.

"Zənbil keşidən toxunur. Televizora baxa-baxa keşini toxuyuram. 5-6 metr hazırlayıram. Sonra zənbili toxumaq asan olur. Məsələn, bir balaca zənbili bir saata toxuya bilirəm. Böyük zənbillər isə bir günə hazır olur", - deyən R Rzayev bildirir ki, gənclər qamış toxuculuğuna maraq göstərirlər, amma qazanclı olmadığı üçün çoxu bu işlə məşğul olmur.

© Sputnik / Irade JELIL
Qamışdan həsir və zənbil toxuyan Rüfət Rzayev

Ustanın sözlərinə görə, həsir palazların toxunması bir qədər çox zaman alır. Məsələn 1,5 metrlik həsirlər 2-3 günə başa gəlir və müxtəlif qiymətlərə satılır.

Rüfət Rzayev, demək olar ki, bu sənətin ustadıdır. O, mədəniyyət evində təkcə həsirçiliklə məşğul olmur, bəzən tamaşalarda da rol alır. Dediyinə görə, onun tamaşaları əsasən talış dilində olur və bu tamaşalara talışlar çox maraqla baxırlar.

Ömrünün 68-ci ilini yaşayan Rüfət Rzayev bundan sonra yaşayacağı həyatı öz sənətinə həsr edəcəyini deyir.

0
Mövzu:
Sözlə deyə bilmədiklərimizin izharı - sənət