Rusiyanın BMT yanında daimi nümayəndəsi Vasili Nebenzya

Bəşər Əsədin öz xalqına qarşı kimyəvi silah işlətməsi gündəmə gətirildi

64
Rusiyanın BMT yanında daimi nümayəndəsi Vasili Nebenzya bildirib ki, Kimyəvi Silahların Qadağan Edilməsi Təşkilatının birinci rəhbəri Joze Bustaniyə çıxış etməyə imkan verməmiş Qərb ölkələrinin nümayəndələri onun səsləndirə biləcəyi ifşalardan qorxublar.

BAKI, 6 oktyabr — Sputnik. Birləşmiş Millətlər Təşkilatının Təhlükəsizlik Şurasında (TŞ) Kimyəvi Silahların Qadağan Edilməsi Təşkilatının birinci rəhbəri Joze Bustaniyə çıxış etməyə imkan verməmiş Qərb ölkələrinin nümayəndələri onun səsləndirə biləcəyi ifşalardan qorxublar.

Sputnik Azərbaycan RİA Novosti-yə istinadən xəbər verir ki, bu barədə Rusiyanın BMT yanında daimi nümayəndəsi Vasili Nebenzya bildirib.

Bazar ertəsi Böyük Britaniya, Belçika, Estoniya, Fransa, Almaniya və ABŞ nümayəndələri Bustaninin BMT TŞ-də çıxışına qarşı səs veriblər. Onlar Bustaninin təşkilatı Suriya dosyesinin açılmasından əvvəl tərk etməsini buna əsas kimi gətiriblər.

Joze Bustani 1997-2002-ci illərdə Kimyəvi Silahların Qadağan Edilməsi üzrə Təşkilata rəhbərlik edib. Onun gedişi Vaşinqtonun təşəbbüsü ilə vaxtından əvvəl baş verib. Bustaninin İraqı təşkilata dəvət etməsindən sonra ABŞ onun işindən narazılığını dilə gətirib. Müşahidəçilərin fikrincə, Bağdadın bu təşkilata üzv olması ABŞ-ın Səddam Hüseyni devirmək planlarına mane ola bilərdi.

Nəticədə, təşkilatın keçmiş rəhbərinin bəyanatını Nebenzya oxuyub.

"Mən şübhələnirəm ki, bu gün onlar Kimyəvi Silahların Qadağan Edilməsi Təşkilatının keçmiş baş direktoru Joze Bustaninin iclasda aça biləcəyi ifşadan elə qorxurdular ki, onlar sadəcə (Bustaninin iştirakından – red.) imtina etməyə üstünlük veriblər", – Nebenzya bazar ertəsi BMT TŞ iclasından sonra deyib.

Nebenzya ümidvar olduğunu bildirib ki, Kimyəvi Silahların Qadağan Edilməsi Təşkilatının hazırkı rəhbəri, nəhayət ki Təhlükəsizlik Şurasının qarşısında açıq çıxış edəcək.

Ötən həftə Rusiya BMT Təhlükəsizlik Şurasının ("Arria formulu" üzrə) qeyri-formal iclasını təşkil edib. Orada Kimyəvi Silahların Qadağan Edilməsi Təşkilatının keçmiş müfəttişi Yan Henderson çıxış edib. Vaxtilə o, Suriyanın Duma şəhərində baş vermiş insidentin rəsmi versiyası ilə razılaşmayıb. BMT TŞ-nin qeyri-rəsmi iclasında Henderson qeyd edib ki, 2018-ci ilin aprelində Dumada baş vermiş insidentin araşdırılmasının nəticələri barədə məruzənin son versiyasını Suriyadan kənarda olmuş insanlar yazıb, buna görə də "təqdim olunan nəticələr real vəziyyəti əks etdirməyə bilər".

Məruzəçilərin mövzu ilə bağlı arqumentlərinə, o cümlədən peyk şəkilləri ilə bağlı arqumentlərə cavab olaraq, ABŞ, Böyük Britaniya və Almaniya nümayəndələri yenidən Suriya və Rusiyaya qarşı ittihamlar səsləndiriblər.

Qərb Dəməşqi Duma şəhərinə kimyəvi hücumda günahlandırır. Rusiya və Suriya Kimyəvi Silahların Qadağan Edilməsi Təşkilatını baş vermiş hadisənin təhqiqatının qərəzli olmasında günahlandırıb və təşkilatın texniki katibliyinin nəticələrini şübhə altına alıblar. Dəməşq heç zaman dinc vətəndaşlara və terrorçulara qarşı kimyəvi silahdan istifadə etmədiyini və ölkənin bütün kimyəvi arsenalının Kimyəvi Silahların Qadağan Edilməsi Təşkilatının nəzarəti altında Suriyadan çıxarıldığını iddia edib.

64
Rio-de-Janeyroda karnaval, arxiv şəkli

Koronavirus bu əyləncəni əlimizdən aldı

9
(Yenilənib 00:26 23.01.2021)
"Mən heç vaxt bu mədəniyyət hadisəsinə marağımı və onun iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm".

BAKI, 23 yanvar — Sputnik. Braziliyanın Rio-de-Janeyro şəhər rəhbərliyi 2021-ci ildə məşhur karnavalın keçirilməsini təxirə salıb. RİA Novosti bildirir ki, bu barədə şəhərin meri Eduardu Pais Twitter-də məlumat verib.

Qeyd edək ki, sentyabr ayında Rio-de-Janeyro karnavalının təşkilatçıları koronavirus səbəbindən tədbirin 2021-ci ilin fevral ayınadək təxirə salınması ilə bağlı qərar qəbul etmişdi. Noyabr ayında isə Samba Məktəbləri Liqası təklif etmişdi ki, əgər əhalinin peyvənd olunması sahəsində irəliləyiş əldə olunarsa, karnaval iyulda keçirilsin.

"Mən heç vaxt karnavala marağımı və bu mədəniyyət hadisəsinin iqtisadi baxımdan şəhərimiz üçün nə qədər əhəmiyyət daşıdığına olan inamımı gizlətməmişəm. Bununla belə, hazırda iyul ayında karnavalı keçirə biləcəyimizi düşünməyin heç bir mənası yoxdur", – deyə Pais yazıb.

Rio-de-Janeyro merinin sözlərinə görə, karnaval böyük hazırlıq işi tələb edir ki, indi bunu reallaşdırmaq mümkün deyil.

Rio karnavalı hər samba məktəbinin öz kompozisiyası ilə çıxış etdiyi rəngarəng keçid paradıdır. Karnavalı çempionlar paradı tamamlayır. Tədbir çərçivəsində gözəllik müsabiqələri, maskaradlar və əlbisə yarışları da keçirilir.

Qeyd edək ki, dünyada Braziliya COVID-19 pandemiyasından ən çox əziyyət çəkmiş ölkələrdən biridir. Son məlumatlara əsasən, bu ölkədə 8 milyon 697 min 368 yoluxma halı qeydə alınıb, 214 min 147 nəfər isə dünyasını dəyişib.

9
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

17
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

17
Teqlər:
Pentaqon, ABŞ
Cəlil Cavanşir, yazar

Müsabiqələri boykot edən Cəlil Cavanşir: Həmişə ən yüksək yerləri tanış-bilişə verirdilər

5
(Yenilənib 00:23 23.01.2021)
Elçin Mirzəbəyli: "Dostum Rəşad Məcid şeirimin bir hissəsini sosial şəbəkədə paylaşmışdı. Rəylərin birində bir nəfər Mədəniyyət Nazirliyinin yeni müsabiqə təşkil etdiyini dedi. Məsləhət gördülər ki, həmin şeir müsabiqədə iştirak etsin".

Şahpəri Abbasova, Sputnik Azərbaycan

BAKI, 23 yanvar — Sputnik. Mədəniyyət Nazirliyinin elan etdiyi "Vətənvərpərlik mövzusunda ədəbiyyat müsabiqəsi"nin qalibləri müəyyənləşib.

Müsabiqəyə 321 əsər təqdim edilib. Sözügedən müsabiqədə Sputnik Azərbaycan-ın köşə yazarı Cəlil Cavanşir "Nostalgiyanın sonu: Biz qayıdırıq" əsəri ilə qaliblər sırasındadır. Əməkdaşımız təəssüratlarını bizimlə bölüşüb:

"Əslində bu yazını müsabiqə üçün yazmamışdım, Sputnik Azərbaycan üçün yazmışdım. Şuşa zəfərindən bir neçə gün sonra yazdım, göndərdim. Yazının çapı ləngidi. Bir müddət sonra müsabiqə ilə bağlı elan gördüm. Bəxtimi sınamaq qərarına gəldim. Yazının keyfiyyətindən əmin idim. Yazıda dünya ədəbiyyatı və mifologiya ilə bağlantı qurduğuma görə düşündüm ki, yer tuta bilər. Müsabiqənin şərtləri də məni qane etmişdi".

"Əvvəlki müsabiqələrdə yazının müəllifi bəlli olduğundan həmişə ən yüksək yerləri tanış-bilişə verirdilər", - deyir yazar. Bu dəfə isə yazılarda müəllifin adı qeyd olunmadığından, onu rahat şəkildə müsabiqə təqdim edib. 

"On il bundan qabaq "Milli kitab" müsabiqəsi keçiriləndə müsabiqədə mükafatları tanış-bilişə verəndə mən Azərbaycanda keçirilən müsabiqələri boykot eləmişdim. Məndə bir ruh düşkünlüyü yaranmışdı ki, ümumiyyətlə Azərbaycan ədəbi mühitində tapşırıq, tanışlıq işə keçir. 2020-ci ildən etibarən bir az fikrimi dəyişdim. Ümumiyyətlə, müsabiqələr yaradıcı insan üçün stimuldur, motivasiyadır. Udsaq da, uduzsaq da mütləq müsabiqələrdə iştirak etməliyik".

Müsabiqənin qaliblərindən biri də Əməkdar jurnalist, şair Elçin Mirzəbəylidir.

VII съезд азербайджанских журналистов
© Sputnik / Murad Orujov
VII съезд азербайджанских журналистов

Mirzəbəyli "Azərbaycan əsgəri" şeiri ilə müsabiqəyə qatılıb:

"Bu əsərin yaranma tarixi 44 günlük müharibə dövrünə təsadüf edir. Ən təsirli məqam Prezident İlham Əliyevə "Şuşaya nə qədər yaxınsınız?" sualı veriləndə Ali Baş Komandanımızın "Şuşaya bir nəfəs qədər yaxınıq" deməsi olmuşdur. Şeir Azərbaycan əsgərinə həsr olunub. Elə şeirin ilk misrası da belə başlayır: "Sən böyük qələbəyə bir nəfəs qədər yaxın". Şeir noyabrın 6-7-si gecə saatlarında ərsəyə gəlib. 1-2 gündən sonra qələbəyə bir nəfəs qədər yaxın olduq".

Həmsöhbətimiz deyir ki, ömründə ilk dəfədir müsabiqədə iştirak edir: "Müsabiqənin keçirilməyindən ümumiyyətlə xəbərim yox idi. Dostum Rəşad Məcid mənim şeirimin bir hissəsini sosial şəbəkədə paylaşmışdı. Rəylərin birində bir nəfər Mədəniyyət Nazirliyinin yeni müsabiqə təşkil etdiyini dedi. Məsləhət gördülər ki, həmin şeir müsabiqədə iştirak etsin. Mən də şeiri müsabiqəyə göndərdim".

Əməkdar jurnalist bu tipli müsabiqələrin çox olmasını arzuladığını dedi:

"Vətən müharibəsi mövzusunda kino ssenarilərinin, dramaturji əsərlərin yaranmasını arzu edirəm. Çünki buna çox ehtiyac var. Azərbaycanın "Azadlıq marşı"nı yazanda mənim 21 yaşım var idi. Düşünürəm ki, bu gün marşlarla, elmi-publisistik əsərlərlə, bədii əsərlərlə dünya arenasına çıxacaq istedadlı gənclərimiz var. Yetər ki, yaratsınlar, çox potensiallı gənclərimiz var".

Qeyd edək ki, müsabiqədə "Peşəkar yaradıcı şəxslər" kateqoriyası üzrə 50, "Həvəskar yaradıcı şəxslər" kateqoriyası üzrə 193, "10-15 yaş arası uşaqlar" kateqoriyası üzrə 25 əsər iştirak edib. 268 əsərdən 67-si esse janrı üzrə, 75-i hekayə janrı üzrə, 126-sı poeziya janrı üzrə iştirakçı olub.

Müsabiqədə obyektivliyi və şəffaflığı təmin etmək üçün təqdim olunan bütün əsərlər və onların müəllifləri xüsusi ştrix ilə şifrələnib.

Komissiyanın 9 üzvü tərəfindən 268 əsərin mövzu, bədii və peşəkar yaradıcılıq baxımından dəyərləndirilməsi aparılıb və mətnlərə müəyyən edilmiş qiymətləndirmə cədvəlinə müvafiq olaraq qiymət verilib.

53 əsər müsabiqə qaydalarına cavab vermədiyi üçün (bir müəllifin bir neçə janr və müxtəlif kateqoriya üzrə göndərdiyi əsərlər, məqalələr, publisistik yazılar, rus dilində olan ədəbi mətnlər və s.) qəbul olunmayıb.

5