Qırğızıstanın sabiq prezidenti Almazbek Atambayev, arxiv şəkli

Qırğızıstanda hökumət binası ələ keçirildi, Atambayev azadlığa buraxıldı

74
(Yenilənib 10:13 06.10.2020)
Çərşənbə axşamına keçən gecə etirazçılar ölkə Prezidentinin iqamətgahına daxil olub. Daha sonra onlar ölkənin sabiq Prezidenti Almazbek Atambayevi Dövlət Təhlükəsizlik Xidmətinin İstintaq Təcridxanasından azad ediblər.

BAKI, 6 oktyabr — Sputnik. Qırğızıstanda etirazçılar hökumət binasını ələ keçirib. Sputnik Azərbaycan xəbər verir ki, bunu "RİA Novosti"-yə bu ölkənin Nazirlər Kabinetinin nümayəndəsi bildirib.

"Biz iş yerinə daxil ola bilmirik. Binada naməlum şəxslər var, onlar bizi binaya buraxmırlar", - deyə adı çəkilməyən şəxs agentliyə bildirib.

O, həmin şəxsin etirazçı ola biləcəyini bildirib.

Mənbə əlavə edib iki, binada hər hansı qarət və dağıntılar yoxdur.

Qeyd edək ki, bazar günü Qırğızıstanda respublika parlamentinə seçkilər keçirilib. Seçicilər 12 saat ərzində – saat 08:00-dan (Bakı vaxtı ilə 06:00) 20:00-dək (18:00) səs veriblər. parlamentdə yerlərə 16 partiya iddia edib. Seçicilərin yekun fəallığı 56,2 faizi ötüb.

Məntəqələrin 97 faizində bülletenlərin emalından sonra səsvermənin ilkin nəticələrinə görə, parlamentə dörd partiya daxil olur. Belə ki, "Birimdika" ("Birlik") 24,44 faiz, "Mekenim Kırqızıstan" ("Yurdum Qırğızıstan") 23,95 faiz, "Qırğızıstan" partiyası 8,78 faiz və "Butun Kırqızıstan" ("Bütün Qırğızıstan") 7,09 faiz səs toplayıb.

Mərkəzi Seçki Komissiyası seçkinin rəsmi nəticələrini səsvermə günündən ən geci 20 gün ərzində açıqlamalıdır.

Seçkilərdə məğlub olan partiyanın nümayəndələri küçələrə çıxıblar. Onlardan birinə - "Qırğızıstanın sosial-demokratları" Partiyasına sabiq Prezident Almazbek Atambayevin oğlu, Sayitbek Atambnayev rəhbərlik edir. Etirazçılar seçkilərin ləğvini və təkrar seçkilərin keçirilməsini tələb edib. Bazar ertəsi axşam Bişkekdə qarşıdurma baş verib. Ölkənin Səhiyyə Nazirliyinin məlumatına görə, nəticədə 590 nəfər yaralanıb, bir nəfər ölüb.

Çərşənbə axşamına keçən gecə etirazçılar ölkə Prezidentinin iqamətgahına daxil olub. Daha sonra onlar ölkənin sabiq Prezidenti Almazbek Atambayevi Dövlət Təhlükəsizlik Xidmətinin İstintaq Təcridxanasından azad ediblər.

74
Teqlər:
Qırğızıstan prezidenti, Qırğızıstan, Almazbek Atambayev
Əlaqədar
Bişkekdə Atambayev tərəfdarlarının mitinqi başlayıb
Atambayev barədə xüsusi qərar qəbul olundu
Onun günahı nədir? Məhkəmə Atambayev haqqında danışdı
Almazbek Atambayev saxlanıldı - Mənbə
Bankada dollarlar, arxiv şəkli

Financial Times: "Dolları taxtdan salacaqlar"

13
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

13
Teqlər:
"The Financial Times", Avropa Komissiyası, Avropa Şurası, dollar
Mayk Pompeo, arxiv şəkli

Pompeodan dünyanı çalxalayacaq bəyanat

47
(Yenilənib 22:17 16.01.2021)
Pompeo qeyd edib ki, hələ 2019-cu ilin yayında Uhanın virusologiya institutunda bir neçə əməkdaş koronavirusa bənzəyən xəstəliyə yoluxub

BAKI, 16 yanvar - Sputnik. ABŞ-ın Dövlət katibi Mayk Pompeo koronavirusun Çinin dövlət laboratoriyalarında hazırlandığını təsdiq edən sənəd yayıb.

Sputnik Azərbaycan bildirir ki, bu barədə Dövlət Departamentinin saytındakı yazılı bəyanatda deyilir. 

"Bu həftə Çinə gələn ÜST-ün istintaq qrupunun həyati vacib fəaliyyətinə kömək etmək üçün Amerika Birləşmiş Ştatlarının hökuməti bu gün Çinin dövlət laboratoriyalarının 2019-cu ildəki fəaliyyəti barədə yeni informasiyanı paylaşır", - bəyanatda deyilir.

Pompeo qeyd edib ki, hələ 2019-cu ilin payızında Uhanın virusologiya institutunda bir neçə əməkdaş koronavirusa bənzəyən xəstəliyə yoluxub. 

Dövlət katibi həmçinin bildirib ki, yarasaların RaTG13 koronavirusu SARS-CoV-19 ilə 96% identikdir.

Xatırladaq ki, pandemiya başlayandan dünyada 94 milyon insan koronavirusa yoluxub, 2 milyondan çox insan COVID-19 xəstəliyindən dünasını dəyişib.

47
Teqlər:
Mayk Pompeo, ABŞ, laboratoriya, Çin, Uhan, Koronavirus, epidemiya, COVID-19
Mövzu:
Yeni tip koronavirus pandemiyası
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

22
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

22
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət