Malayziya bayrağı, arxiv şəkli

Azərbaycana daha bir dəstək Malayziyadan gəldi

104
(Yenilənib 18:09 02.10.2020)
Mohd Azmi Abdul Hamid yazılı açıqlamasında bildirib ki, ermənilərin bölgədə vəziyyəti daha da pisləşdirməsinə icazə verilməməlidir

BAKI, 2 oktyabr — Sputnik. Malayziya İslam Təşkilatı (MAPIM) Məsləhət Şurası Ermənistanın Azərbaycan ərazilərindəki mülki şəxsləri hədəf alan, beynəlxalq hüquqa və Dağlıq Qarabağdakı atəşkəs rejiminə zidd hücumlarını pisləyib.

Sputnik Azərbaycan-ın Türkiyənin Anadolu Xəbər Agentliyinə istinadən verdiyi məlumata görə, MAPIM prezidenti Mohd Azmi Abdul Hamid yazılı açıqlamasında Azərbaycan və Ermənistan arasındakı münaqişənin beynəlxalq konsensus yolu ilə həll edilməli olduğunu vurğulayaraq deyib:

"Dinc əhaliyə zərər verəcək hərbi münaqişələrdən çox, sülh danışıqlarının aparılmasının vacibliyinə inanırıq. Qarabağdakı işğala cavab olaraq, xeyli sayda azərbaycanlının yaşadığı torpaqları zəbt edən erməni silahlılarının vəziyyəti daha da pisləşdirməsinə icazə verilməməlidir!"

Ermənistanın bölgədə ən az 30 min insanın ölümünə və yüz minlərlə insanın evlərindən qovulmasına səbəb olduğunu vurğulayan Mohd Azmi 1994-cü ildə beynəlxalq səylər nəticəsində əldə edilən atəşkəsin yenidən bərpa olunmasının vacibliyini vurğulayıb. O, tərəfləri maksimum təmkinli olmağa çağırıb.

104
Teqlər:
Qarabağ, Ermənistan, Malayziya
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

14
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

14
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

18
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

18

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0