Türkiyə Prezidenti Rəcəb Tayyib Ərdoğan, arxiv şəkli

Ərdoğan Türkiyədə yaşayan ermənilərlə bağlı tapşırıq verdi

485
(Yenilənib 17:33 01.10.2020)
Prezident Ərdoğan türkləri qardaş ölkədə yaşayan erməni əsilli vətəndaşlara qarşı ayıq-sayıq olmağa çağıraraq narahatlıq yaradacaq hər hansı bir təşəbbüsə yol verilməməsinin vacibliyini vurğulayıb

BAKI, 1 okt — Sputnik. Türkiyə Prezidenti Rəcəb Təyyib Ərdoğanın rəhbərliyi ilə AKP Mərkəzi İdarə Heyətinin bu gün keçirilən iclasında və bundan sonra bəzi partiya nümayəndələri ilə baş tutan görüşdə son günlər Azərbaycanla Ermənistan arasında yaşanan gərginlik geniş müzakirə olunub.

Sputnik Azərbaycan-ın Türkiyənin "Milliyyət" qəzetinə istinadən verdiyi məlumata görə, təxminən iki saat davam edən müzakirələrdə vurğulanıb ki, Türkiyə və Azərbaycan arasında 2010-cu ildə imzalanmış "Strateji tərəfdaşlıq" müqaviləsi çərçivəsində Azərbaycan tərəfi Türkiyəyə hərbi yardım üçün müraciət etsə, bu, təmin olunacaq. Eyni zamanda, iclasda indiyə kimi Azərbaycan-Türkiyə hərbi tərəfdaşlığı çərçivəsində Azərbaycanda iki ölkənin hərbçilərinin birgə hərbi təlimlərinin keçirildiyi vurğulanaraq bildirilib ki, bununla belə, hazırda Azərbaycana hərbi və texniki təchizat sahəsində dəstəyin göstərilməsi məsələsi müzakirə olunmur.

Görüşdə bir daha Dağlıq Qarabağın Azərbaycan torpağı olduğu qeyd olunub və Ermənistan işğalçı siyasətinə son qoymayana qədər Azərbaycanın hazırda təhlükədə olan torpaqlarının toxunulmazlığının ən yüksək formada müdafiə olunacağı bildirilib.

Prezident Ərdoğan türkləri qardaş ölkədə yaşayan erməni əsilli vətəndaşlara qarşı ayıq-sayıq olmağa çağıraraq narahatlıq yaradacaq hər hansı bir təşəbbüsə yol verilməməsinin vacibliyini vurğulayıb.

485
Teqlər:
Rəcəb Tayyib Ərdoğan, ermənilər, Türkiyə, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə (1184)
Əlaqədar
Rəsmi Bakıdan "Le Monde" qəzetinin iki jurnalistinin yaralanması ilə bağlı açıqlama
Tərtərdə ölümlə nəticələnən mərmi yağışı – hadisə yerindən dəhşətli kadrlar 18+
Ermənilər Cocuq Mərcanlını atəşə tutdular, çox sayda evə zərər dəyib
Ərdoğan Qarabağdakı döyüşlərdən danışdı: "İndi nəticə əldə etmək zamanıdır
Putin, Tramp və Makron Qarabağla bağlı vəziyyətə dair bəyanat veriblər
Donald Tramp, arxiv şəkli

Trampın gedəcəyi günü gözləmədilər

6
(Yenilənib 14:12 16.01.2021)
Donald Trampın "Facebook" hesabında son postları silinib. Belə ki, sosial şəbəkə administrasiyasının fikrincə, Tramp o postlarında etiraz aksiyalarını dəstəkləyir.

BAKI, 16 yanvar — Sputnik. Birləşmiş Ştatlar Prezidenti Donald Trampın "Facebook" və "Instagram" sosial şəbəkələrindəki hesabları bərpa olunub. Bu barədə Sputnik Azərbaycan xəbər verir.

Belə ki, Donald Trampın "Facebook" hesabında son postları silinib. Sosial şəbəkə administrasiyasının fikrincə, Tramp o postlarında etiraz aksiyalarını dəstəkləyir.

Qeyd edək ki, daha əvvəl "Facebook" bəyan edirdi ki, Trampın səlahiyyət müddəti bitənə qədər onun sosial şəbəkələrə girişi məhdudlaşdırılacaq.

Xatırladaq ki, yanvarın 7-si sosial şəbəkələr ABŞ Prezidenti Donald Trampın öz hesablarına girişi məhdudlaşdırmışdı.

Qeyd edək ki, yanvarın 6-da Kapitoli binasında Donald Trampın tərəfdarları ilə polis əməkdaşları arasında toqquşmalar baş verib. Nəticədə hüquq-mühafizə orqanlarının əməkdaşları etirazçılara qarşı gözyaşardıcı qaz tətbiq ediblər. Hadisə zamanı bir neçə nəfər də gözündən xəsarət alıb.

Toqquşmalarla əlaqədar ABŞ Senatı iclasını yarımçıq dayandırıb. Daha sonra Nümayəndələr Palatası iclasını yarımçıq kəsib. Hər iki palatanın üzvləri binadan təxliyə ediliblər. Etirazçılar isə binadan çıxarılıblar. Toqquşmalarla əlaqədar 20 etirazçı saxlanılıb.

ABŞ-ın paytaxtı Vaşinqtonda baş verən qarışıqlıqlar zamanı 4 nəfər həlak olub. Kapitolidə baş vermiş atışma zamanı azı 5 nəfər xəsarət alıb. ABŞ-da baş verən toqquşmalar yalnız paytaxt Vaşinqtonu əhatə etməyib. Birləşmiş Ştatların hazırkı prezidenti Donald Trampın tərəfdarları Los-Ancelesdə də qarşıdurmalar yaradıblar. 

6
Reza Deqati

Dünya şöhrətli fotoqraf Fransa telekanalında erməni vandalizmindən danışıb - VİDEO

9
(Yenilənib 13:51 16.01.2021)
Fransa mediasının bütün jurnalistləri müharibə zamanı Ermənistan tərəfinə getdilər. Təxminən yüzə yaxın fransız jurnalist münaqişəni Ermənistan tərəfindən işıqlandırırdı.

BAKI, 16 yanvar — Sputnik. Məşhur fotoqraf Reza Deqati Fransanın TV5MONDE televiziya kanalının qonağı olub. O, verilişdə Şuşa şəhərinin tarixindən danışıb, onun əsasının Qarabağ xanı Pənahəli xan tərəfindən qoyulduğunu diqqətə çatdırıb.

Sputnik Azərbaycan xəbər verir ki, Reza Deqati vurğulayıb ki, Şuşa Azərbaycanın mədəniyyət mərkəzidir. Şuşa məşhur bəstəkarlar, musiqiçilər, şairlər, yazıçılar yetişdirib. Veriliş zamanı Şuşa şəhərinin tarixi mərkəzini əhatə edən qala divarları nümayiş etdirilib. Şəhərin 30 illik erməni işğalından azad olunduğu bildirilib.

Məşhur fotoqraf İkinci Qarabağ müharibəsi zamanı Fransa mediasının nümayiş etdirdiyi qərəzdən də bəhs edib. O deyib ki, Fransa mediasının bütün jurnalistləri müharibə zamanı Ermənistan tərəfinə getdilər. Təxminən yüzə yaxın fransız jurnalist münaqişəni Ermənistan tərəfindən işıqlandırırdı. "Azərbaycan tərəfində isə mən Fransadan olan yeganə jurnalist idim. Mən adətim üzrə münaqişə zonalarına gedərək insanların çəkdikləri iztirabları işıqlandırmağa çalışıram. Birinci Qarabağ müharibəsi zamanı - 1992-ci ildə də mən Azərbaycan tərəfində idim. Mən Ermənistan silahlı qüvvələri tərəfindən törədilmiş kütləvi qırğını, Azərbaycan xalqının əzablarını gördüm və bütün bunları lentə alaraq yaymağa çalışdım", - deyə o qeyd edib.

Reza Deqati verilişdə Ermənistanın döyüş zonalarından uzaqda yerləşən Azərbaycan şəhərlərini, mülki əhalini kasetli bombalarla hədəfə almasından da danışıb. O, Bərdə şəhərinin Ermənistan tərəfindən raket atəşinə məruz qaldığını, mülki əhalinin qətlə yetirildiyini qeyd edib.

 Fotoqraf erməni bombardmanının qurbanı olmuş Bərdə sakininin dəfn mərasimini əks etdirən şəkli göstərərək, müharibə zamanı Ermənistanın mülki əhalini qətlə yetirdiyini diqqətə çatdırıb. O vurğulayıb ki, kasetli bombaların Cenevrə Konvensiyaları ilə qadağan olunmasına baxmayaraq, Ermənistan bu silahlardan istifadə etdi və təkcə Bərdədə 20-dən çox mülki şəxs həlak oldu.

Fotojurnalist bildirib ki, o, yalnız müharibədən əziyyət çəkən mülki insanların əzabını dünyaya çatdırmaq istəyir.

Reza Deqati veriliş zamanı Azərbaycandakı multikulturalizmdən də bəhs edib, bununla bağlı çəkdiyi fotoları nümayiş etdirib. O, Azərbaycanda müxtəlif dini icmaların birgə mehriban şəraitdə yaşadıqlarını vurğulayıb. Fotojurnalist Azərbaycanın dini tolerantlığı ilə həmişə diqqəti cəlb etdiyini bildirib. O vurğulayıb ki, Azərbaycan dini tolerantlıq baxımından dünya dövlətlərinə nümunədir və hətta Avropa ölkələrində də bu cür tolerantlıq yoxdur.

9
Sinovac CoronaVac peyvəndi, arxiv şəkli

Peyvənddən yayınanlar cəzalanacaqlar?

0
(Yenilənib 16:05 16.01.2021)
Azərbaycanda risk qruplarının vaksinasiyasına yanvarın 18-dən başlanılacaq. Peyvəndləmə iki mərhələdə aparılacaq.

BAKI, 16 yanvar — Sputnik. Xəbər verdiyimiz kimi, Azərbaycanda koronavirusa qarşı peyvəndlənmə könüllü olacaq. Sputnik Azərbaycan-ın məlumatına görə, Tibbi Ərazi Bölmələrini İdarəetmə Birliyindən (TƏBİB) bununla bağlı rəsmi açıqlama verilib.

Qeyd edilib ki, vaksinasiya könüllülük prinsipinə əsaslandığı üçün imtina olunacağı təqdirdə hər hansı inzibati tədbirin həyata keçirilməsi nəzərdə tutulmayıb.

Xatırladaq ki, risk qruplarının vaksinasiyasına yanvarın 18-dən başlanılacaq. Peyvəndləmə iki mərhələdə aparılacaq. Öncə səhiyyə işçiləri və 65 yaşdan yuxarı şəxslərə vaksin vurulacaq.

0
Teqlər:
Sinovac Biotech, vaksinasiya, vaksin, Koronavirus, epidemiya, COVID-19
Mövzu:
Azərbaycanda COVID-19 əleyhinə vaksinasiya