Türkiyə Prezidenti Rəcəb Tayyib Ərdoğan, arxiv şəkli

Ərdoğan rəqib-dövlətlərə Osmanlının möhtəşəm dəniz qələbəsini xatırladıb

12
(Yenilənib 14:27 26.09.2020)
"Dünyada hərbi gəmilərini milli imkanları ilə inşa edən və saxlaya bilən 10 ölkədən biri olaraq Aralıq Dənizini qorumaq, dostlarımızın təhlükəsizliyini təmin etmək və haqlarımıza göz dikənləri çəkindirmək üçün Dəniz Qüvvələrimizi gücləndirməyə davam edirik"

BAKI, 26 sentyabr — Sputnik. Türkiyə Prezidenti Rəcəb Tayyib Ərdoğan Preveze dəniz qələbəsinin ildönümü və Dəniz Qüvvələri Günü münasibətilə açıqlama verib.

Sputnik Azərbaycan "Anadolu" agentliyinə istinadla xəbər verir ki, Ərdoğan, Xeyrəddin Barbarossanın komandanlığı altında Osmanlı donanmasının 1538-ci ildə dənizdəki Preveze döyüşündə xaçlı donanmasına qarşı qazandığı zəfərin Türk dəniz tarixinin ən əhəmiyyətli dönüş nöqtələrindən biri olduğunu söyləyib.

Ərdoğan Preveze dəniz qələbəsi ilə Osmanlı imperiyasının Aralıq dənizindəki hakimiyyətini gücləndirdiyini və türk donanmasının gücünü bütün dünyaya göstərdiyini vurğulayıb.

O bildirib ki, tarix dənizçilərimizin hökm sürdüyü bütün dənizlərdə sülhün, əmin-amanlığın və ədalətin hökm sürdüyünü qeyd edib: "Preveza dəniz qələbəsi kimi şərəfli qələbələrlə dolu bir tarixə sahib olan Dəniz Qüvvələrimizin bu böyük irsi möhkəmləndirərək gələcəyə daşıması ilə qürur duyuruq. Dünyada və xüsusilə Aralıq dənizində baş verən son hadisələr bizə göstərir ki, hər sahədə olduğu kimi dənizlərdə də daha güclü olmalıyıq. Aralıq Dənizini qorumağın nə qədər vacib olduğunu bildiyimiz üçün güclü iradə və sarsılmaz inamla dənizlərimizdə hüquq və maraqlarımızı qorumağa davam edirik".

"Bu gün dünyada öz hərbi gəmilərini milli imkanları ilə dizayn, inşa edən və saxlaya bilən 10 ölkədən biri olaraq Aralıq Dənizini qorumaq, dostlarımızın təhlükəsizliyini təmin etmək və haqlarımıza göz dikənləri çəkindirmək üçün Dəniz Qüvvələrimizi gücləndirməyə davam edirik"-deyə Ərdoğan bildirib.

Qeyd edək ki, Preveze dəniz döyüşü — 28 sentyabr 1538-ci ildə Yunanıstanın şimal-qərbindəki Prevezedə Osmanlı donanması və Papa III Pavelin səyləri ilə toplanan səlib donanması arasında baş vermiş dəniz döyüşüdür. Döyüşdə Xeyrəddin Barbarossanın əmrindəki Osmanlı donanması, admiral Andrea Dorianın əmrindəki səlib donanmasını məhv etdi. Bu dəniz müharibəsi nəticəsində Aralıq dənizində Osmanlı donanmasına müqavimət göstərə biləcək donanma qalmadı və Aralıq dənizində türk hakimiyyəti başlamış oldu.

12
S-400 kompleksləri, arxiv şəkli

Türkiyə S-400 zenit-raket kompleksini sınaqdan keçirdiyini təsdiqlədi

2
"Sınaqlar – satınalma proqramının bir hissəsidir və tamamilə texniki fəaliyyətdir ", – deyə rəsmi Ankara məsələyə münasibət bildirib.

BAKI, 22 oktyabr — Sputnik. Türkiyə Rusiya istehsalı S-400 zenit-raket kompleksinin Qara dəniz bölgəsindəki Sinop şəhərində sınaqdan keçirildiyini təsdiqləyib. Sputnik Azərbaycan-ın "RİA Novosti"yə istinadən verdiyi xəbərə görə, bu barədə Türkiyənin Müdafiə naziri Hulusi Akar məlumat verib. Nazir bildirib ki, sınaqlar plana uyğun şəkildə həyata keçirilib.

"Müdafiə sənayesi məhsullarının alınması bağlı bütün müqavilələrə onların sınaqdan keçirilməsi də daxildir. Bunlar satınalma proqramının bir hissəsidir və tamamilə texniki fəaliyyətdir", – deyə rəsmi Ankara məsələyə münasibət bildirib.

Qeyd edək ki, bir neçə gün bundan əvvəl türk mediası Sinop şəhərində S-400 zenit-raket kompleksinin sınaqdan keçirilməsi ilə bağlı video yaymış, Türkiyə hakimiyyəti isə bu barədə rəsmi açıqlama verməsə də, beynəlxalq NAVTEX bildirişində oktyabrın 13-dən 17-nə kimi Qara dəniz bölgəsindəki Sinop şəhərində artilleriya təlimlərinin keçiriləcəyini bəyan etmişdi.

Türkiyənin ABŞ-la münasibətlərində böhrana səbəb olan Rusiya istehsalı S-400 hava müdafiə sistemlərinin tədarükü 2019-cu ilin iyul ayından başlayıb. Bundan sonra Vaşinqton ABŞ-ın "F-35" qırıcı-təyyarələrinin Türkiyəyə satışını təxirə salacağını bəyan edib. ABŞ Türkiyəni sanksiyalar tətbiq etməklə hədələyərək Rusiya ilə sazişdən imtina etməsini və bunun əvəzində Amerikadan "Patriot" sistemlərinin alınmasını istəyib. Türkiyə tərəfi isə Rusiyadan S-400 zenit-raket kompleksinin növbəti partiyasının alınması ilə bağlı danışıqları davam etdirib.

2
COVİD-19 xəstəsi, arxiv şəkli

Ermənistanda koronavirusa yoluxanların sayı kəskin artdı

18
Ermənistan Respublikasında son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb.

BAKI, 22 oktyabr — Sputnik. Ermənistanda koronavirusa yoluxanların sayı 70836-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2306 nəfər artıb.

Ermənistanda son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb. Xəstəlikdən sağalanların sayı 49787 nəfər olub. Hazırda bu ölkədə 19591 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41 milyonu keçib, 1,13 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

18
Mövzu:
Dünyanı cənginə almış bəla