Ukrayna Prezidenti Vladimir Zelenski, arxiv şəkli

Zelenski Belarusa getməkdən imtina etdi: Lukaşenkonu tanımır

14
(Yenilənib 17:13 24.09.2020)
Ukrayna prezidenti Vladimir Zelenski avropalı tərəfdaşları ilə həmrəylik nümayiş etdirərək Belarus Prezidenti Aleksandr Lukaşenkonun legitimliyini tanımadığını bəyan edib.

BAKI, 24 sentyabr — Sputnik. Ukrayna Prezidenti Vladimir Zelenskinin Belarusa nəzərdə tutulan rəsmi səfəri ləğv olunub.

Sputnik Azərbaycan-ın məlumatına görə, bu barədə Belarusun Ukraynadakı səfiri məlumat verib.

Qeyd edək ki, Ukrayna Belarus Prezidenti Aleksandr Lukaşenkonun legitimliyini tanımadığını bəyan edib.

Ukrayna Prezidenti Vladimir Zelenski hakimiyyətin xalqla dialoqa getməyəcəyi təqdirdə, Belarusun siyasi sisteminin iflasa uğrayacağını proqnozlaşdırmışdı.

"Əgər hakimiyyət bu hərəkətlərini, xüsusilə də hüquq – mühafizə orqanlarının öz xalqına qarşı yönəlmiş hərəkətlərini dayandırmasa, onlar çox güclü nəticə əldə edəcəklər – xalqdan cavab alacaqlar", - deyə Zelenski bildirib.

O, Ukraynanın Belarus xalqına dəstək verəcəyini vurğulayıb.

"Əgər hakimiyyət öz doğmaları ilə dialoq imkanı tapmasa, bu, hakimiyyət olmayacaq. Burada Ukrayna həmişə tərəfdaşlarını dəstəkləyəcək və biz bu məsələdə Avropanın bütün ölkələri ilə həmfikirik", – deyə Ukrayna prezidenti qeyd edib.

Qeyd edək ki, avqustun 9–da Belarusda prezident seçkilərindən dərhal sonra ölkəni tətil və etiraz aksiyaları bürüyüb. MSK həmin seçkidə hazırkı dövlət başçısı Aleksandr Lukaşenkonun 80,1% səs toplayaraq qalib gəldiyini elan edib. Onun rəqibi Svetlana Tixanovskaya isə rəsmi məlumatlara görə, 10,1% səslə ikinci yeri tutub.

14
Əlaqədar
Prezidentin bir ili: Zelenski oliqarxlardan və reytinqini itirməkdən qorxur
Zelenski Putinə zəng edib
Zelenski: "Kiyev və Bakı arasında mövcud tərəfdaşlıq münasibətlərinə dəyər verirəm"
Zelenski ailəsində koronavirus
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

33
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

33
Xoruz

Xoruz polis şefini öldürdü

34
(Yenilənib 23:34 28.10.2020)
Filippində polislər xoruz döyüşlərinə qarşı reydlər keçiriblər. Bu zaman döyüş xoruzu yerli polis şefini öldürüb.

BAKI, 28 oktyabr — Sputnik. Filippində olduqca qəribə qətl hadisəsi baş verib. Belə ki, xoruz yerli polis şefini öldürüb. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Filippində polislər xoruz döyüşlərinə qarşı reydlər keçiriblər. Belə reydlərdən biri zamanı döyüş xoruzu yerli polis şefini öldürüb. Belə ki, xoruzun caynağına ülgüc bağlanıbmış.

34
Teqlər:
Filippin
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0