Asteroid

Yerə doğru "nəsə" yaxınlaşır: alimlər onun təbiiliyinə şübhə edirlər

404
Bir müddət əvvəl astronomlar Yer istiqamətində hərəkət edən 2020 SO adlı yeni obyekt aşkarlayıblar. Hesablamalara görə, o, 2020-ci ilin oktyabr ayına qədər çatacaq və 2021-ci ilin may ayına qədər qalacaq.

BAKI, 22 sentyabr — Sputnik. Ay Yerin ən böyük, ancaq tək peyki deyil.

Sputnik Azərbaycan xarici mətbuata istinadla xəbər verir ki, zaman-zaman planetə cazibə qüvvəsi ilə tutulan, bir neçə ay və ya illər ərzində orbitdə fırlanan kiçik asteroidlər yaxınlaşır.

Bütün müşahidə dövründə iki belə mikropeykin - 2006 RH120 (2006-2007) və 2020 CD3 (2018-2020) mövcudluğu isə rəsmi olaraq təsdiqlənib.

Bir müddət əvvəl isə astronomlar Yer istiqamətində hərəkət edən 2020 SO adlı yeni obyekt aşkarlayıblar. Hesablamalara görə, o, 2020-ci ilin oktyabr ayına qədər çatacaq və 2021-ci ilin may ayına qədər qalacaq.

Bundan sonra obyekt yenidən səyahətə davam edəcək.

Alimlər hesab edirlər ki, 2020 SO-nun bəzi xüsusiyyətləri asteroidə deyil, süni bir cismə uyğun gəlir.

Onun orbiti Yerin orbitinə bənzəyir və Günəş ətrafında fırlanma dövrü bir Yer ilindən bir az çoxdur. Ekssentrisiteti (orbit şəklinin ideal bir dairədən kənarlaşması) Yerdən yalnız bir qədər çoxdur. Obyektin sürəti adi asteroiddən xeyli aşağıdır.

2020 SO-nun həqiqətən kosmik zibil olması mümkündür. Tədqiqatçıların fikrincə, bu, 1966-cı ildə buraxılan Atlas-Sentavr raketinin pillələri ola bilər. O, Aya insansız bir vasitə göndərməli idi, ancaq qəza baş verdi.

NASA-nın məlumatına görə, obyektin uzunluğu 6,4 ilə 14 metr, Sentavr pilləsi isə 12,68 metr idi.

Alimlərin fikrincə, belə dağıntıların kosmosda hərəkəti gözlənilməzdir, çünki onlar eyni zamanda bir neçə amildən təsirlənir.

2020 SO–nun 2020-ci ilin dekabrın 1-də Yerdən təxminən 50000 kilometr məsafədən keçəcəyi və 2 fevral 2021-ci ildə 220000 km yüksəklikdə uçacağı qeyd edilir.

404
Teqlər:
obyekt, süni, asteroid, kosmos
Əlaqədar
Biz Aya salavat çevirəndə baxırıq, onlar təbii peykdə davranış qaydaları hazırlayırlar
Venera planetində həyat var?!
Kosmosda təhlükə: stansiyadan hava sızır
Mars parçası evinə qaytarılır
Əlli milyon illik rekordu haqlasaq, heç kim üçün yaxşı olmayacaq
Türkiyə Prezidenti Rəcəb Tayyib Ərdoğan, arxiv şəkli

Ərdoğan: "Azərbaycanın yanında olduğumuz üçün günahlandırıldıq"

59
“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var".

BAKI, 25 oktyabr - Sputnik. “Qafqazda öz ərazilərini müdafiə edən azərbaycanlı qardaşlarımızın yanında olduğumuz üçün suçlandırıldıq”.

Sputnik Azərbaycan “Report”a istinadla xəbər verir ki, bu sözləri Türkiyə Prezidenti Rəcəb Tayyib Ərdoğan deyib.

“İndi eşidirəm ki, bəzi amerikalılar çıxıb İlham qardaşıma zəng edib deyir ki, biz sizin yanınızda kimin olduğunu bilirik, Ərdoğan var, Türkiyə var. Və? Biz Türkiyəyə də, yeri gələrsə, sanksiya tətbiq edəcəyik. Sən kiminlə rəqs etdiyinin fərqində deyilsən! Sanksiyan nədirsə, gecikmə, et!”, - o vurğulayıb.

59
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

25
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

25

İlham Əliyev: "Ermənistan ərazisinə keçmək fikrimiz olsaydı, bunu çoxdan edərdik"

0
(Yenilənib 21:31 25.10.2020)
Ali Baş Komandan: "Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur".

BAKI, 25 oktyabr - Sputnik. Biz təkbaşına vuruşuruq, təkbaşına!

Sputnik Azərbaycan xəbər verir ki, bu sözləri Müzəffər Ali Baş Komandan, Prezident İlham Əliyev Müdafiə Nazirliyinin Mərkəzi Komanda Məntəqəsində keçirdiyi operativ müşavirədə deyib.

"Mən bunları deyirəm ki, ilk növbədə, Azərbaycan xalqı real vəziyyəti bilsin. Bilsin ki, biz torpaqlarımızı nəyin bahasına işğalçılardan azad edirik. Bilsin ki, əgər Ermənistana bu 27-28 il ərzində maliyyə, hərbi, siyasi yardım göstərilməsəydi, çoxdan torpaqlarımız işğalçılardan azad olunardı, özü də sülh yolu ilə. İndi baxın, erməni əsgərləri döyüş meydanından necə qaçır. Bütün bu görüntülər var. İndi bu görüntülərin bir hissəsi, sadəcə olaraq, mətbuatda öz əksini tapır. Amma bu, çox geniş bir videoməlumatdır. Əgər bu silahlar olmasaydı, bu siyasi dəstək olmasaydı, Ermənistan bizim torpaqlarımızı işğal altında saxlaya bilərdimi! Əlbəttə ki, yox", - deyə Prezident bildirib.

İlham Əliyev bəyan edib ki, Azərbaycan öz torpaqlarında vuruşur və Ermənistan ərazisinə keçməyib:

"Mən demişəm, biz onları qovuruq və qovacağıq. Azərbaycanın qarşısında heç kim dura bilməz. Biz haqlıyıq, biz öz torpağımızda vuruşuruq, öz ərazi bütövlüyümüzü bərpa edirik, Ermənistan ərazisinə keçməmişik, belə fikrimiz yoxdur. Belə fikir olsaydı çoxdan bunu edərdik. Bunu etmək üçün o qədər böyük səy göstərmək də lazım deyil".

Xatırladaq ki, oktyabrın 25-də Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Müdafiə Nazirliyinin Mərkəzi Komanda Məntəqəsində Müdafiə Nazirliyinin rəhbər heyəti və cəbhə bölgəsində yerləşən birlik komandirlərinin iştirakı ilə operativ müşavirə keçirilib.

0
Əlaqədar
Ali Baş Komandanın rəhbərliyi ilə operativ müşavirə keçirilib
Prezident Azərbaycan xalqını əmin etdi: "Haqq yolumuzdan dönməyəcəyik!"