İranda epdimioloji vəziyyət, arxiv şəkli

Bir gündə qonşu ölkədə yüzdən çox şəxs öldü

8
(Yenilənib 16:58 16.09.2020)
Son 24 saat ərzində koronavirusa 2981 yoluxma halı qeydə alınıb ki, bununla da ölkədə virusa yoluxanların sayı 410334-ə çatıb

 

BAKI, 16 sentyabr — Sputnik. İranda koronavirusa yoluxanların sayı bir gün ərzində 2981 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

"Son 24 saat ərzində koronavirusa 2981 yoluxma halı qeydə alınıb ki, bununla da ölkədə virusa yoluxanların sayı 410334-ə çatıb. Bir gün ərzində 179 nəfər virusdan ölüb, bununla da ölkədə koronavirusdan ölənlərin sayı 23632-yə çatıb", - deyə məlumatda bildirilib.

O, həmçinin qeyd edib ki, virusa yoluxan 410334 şəxsdən 352019 nəfəri sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 29,5 milyonu keçib, 930 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

8
Teqlər:
İran, epidemiya, Koronavirus, COVID-19
Mövzu:
Dünyanı cənginə almış bəla (479)
Əlaqədar
Şimal qonşumuzda vəziyyət gərginləşir – Yoluxma sayı artdı
Sağalanlar iyirmi milyonu keçdi, ölənlər bir milyona yaxınlaşır
ÜST COVID-19 vaksinin təsdiqlənməsi şərtlərini açıqladı
Google-un köməyilə koronavirusun harada “partladığını” bilmək olar
Alman virusoloq: “Həyatın dayanmasına imkan vermək olmaz”
Aleksey Navalnı, arxiv şəkli

Navalnı tam sağalıb xəstəxanadan evə buraxılıb

5
(Yenilənib 12:21 23.09.2020)
"Charite"-dən vurğulanıb ki, onu müalicə edən həkimlər Navalnının tam sağalması imkanını da qəbul edir. Onlara görə, hər hansı bir "ağır zəhərlənmənin ayrı-ayrı nəticələri" barədə fikir bildirmək mümkün deyil.

BAKI, 23 sentyabr — Sputnik. Aleksey Navalnı bu gün Berlinin "Charite" klinikasından ev buraxılıb. Sputnik Azərbaycan xəbər verir ki, bu barədə Tibb Müəssisəsinin yaydığı bəyanatda bildirilir.

"Pasiyentin sağlamlığı o səviyyədə yaxşılaşıb ki, təxirəsalınmaz müalicəni dayandırmaq mümkün idi. Aleksey Navalnı "Charite"-də 32 gün müalicə alıb ki, onlardan 24 günü – reanimasiyada idi", - deyə bəyanatda bildirilir.

"Charite"-dən vurğulanıb ki, onu müalicə edən həkimlər Navalnının tam sağalması imkanını da qəbul edir. Onlara görə, hər hansı bir "ağır zəhərlənmənin ayrı-ayrı nəticələri" barədə fikir bildirmək mümkün deyil.

Navalnı avqustun 20-də təyyarədə uçarkən özünü pis hiss edib və Omskda xəstəxanaya aparılıb. Araşdırmaların nəticələrinə görə, omsklu həkimlər onun qanında şəkərin kəskin dəyişməsinə səbəb olmuş maddələr mübadiləsi pozğunluğunu əsas diaqnoz kimi göstəriblər. Bunun səbəbi hələ də aydın deyil, amma Omsk həkimlərinin dediyinə görə, onun qanında və sidiyində zəhər tapılmayıb. Bundan sonra Navalnı təyyarə ilə Almaniyaya aparılıb. Almaniya hakimiyyəti isə hərbi həkimlərə istinadən bildirib ki, Navalnı "Noviçok" zəhərləyici maddələr qrupuna aid substansiya ilə zəhərlənib.

Moskva Berlin laboratoriyasında aparılan analizlərin nəticələrinə dair daha ətraflı məlumat verilməsini xahiş edib, lakin buna cavab almayıb.

5
Əlaqədar
Aleksey Navalnı xəstəxanaya yerləşdirilib
Rusiya Berlinin Navalnı ilə bağlı vəziyyətə yanaşmasını “qeyri-konstruktiv” sayır
Navalnı nəfəs ala bildiyini deyib: "Çox xoşuma gəldi"
Rəcəb Tayyib Ərdoğan, arxiv şəkli

Ərdoğan Avropaya barmaq silkələdi: "Türkiyənin hüquqlarını pozmağa imkan verməyəcək!"

46
(Yenilənib 11:51 23.09.2020)
Türkiyə lideri vurğulayıb ki, ölkəsi heç kimin haqqına iddia etmir, lakin eyni zamanda öz hüquqlarını da pozmağa imkan verməyəcək.

BAKI, 23 sentyabr — Sputnik. Aralıq dənizinin şərqində gərginliyin səbəbi Türkiyənin və Kipr türklərinin hüquqlarının nəzərə alınmasıdır. Sputnik Azərbaycan "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan fransalı həmkarı Emmanuel Makronla telefon danışığı zamanı bildirib.

Məlumata əsasən tərəflər Türkiyənin Fransa və Avropa İttifaqı ilə münasibətlərini, həmçinin regional məsələləri müzakirə edəcək.

Ərdoğan qeyd edib ki, Fransanın gərginliyin artmasına töhfə verən Yunanıstanın və Kiprin maksimalist iddiaları və addımlarına dəstək verməsi təəccüb doğurur.

Türkiyə lideri vurğulayıb ki, ölkəsi heç kimin haqqına iddia etmir, lakin eyni zamanda öz hüquqlarını da pozmağa imkan verməyəcək. Rəsmi Ankara əvvəllər olduğu kimi indi də fikir ayrılıqlarının dialoq və əməkdaşlıq vasitəsilə həllindən çıxış edir.

Türkiyə Prezidenti eyni zamanda qeyd edib ki, Ankara Fransadan prosesə konstruktiv yanaşma gözləyir. Eyni zamanda o, Türkiyə ilə Fransa arasındakı məsləhətləşmələr və təmaslar mexanizmindən davamlı istifadənin vacibliyini qeyd edib.

Türkiyə lideri qarşıdan gələn Avropa sammitində Ankara ilə konstruktiv dialoq və əməkdaşlığa yönəlmiş bir mövqenin inkişafının regional problemlərin həlli üçün imkanlar yaratmaq baxımından əhəmiyyətli olduğunu vurğuladı.

Bu arada BMT Baş Assambleyasının 75-ci sessiyasında videomüraciətlə çıxışı zamanı Fransa Prezidenti Emmanuel Makron isə qeyd edib ki, Avropa Şərqi Aralıq dənizi ilə bağlı Türkiyə ilə dialoqa hazırdır: "Biz Türkiyəyə hörmət edirik. Biz dialoqa hazırıq. Lakin biz gözləyirik ki, Türkiyə Avropanın suverenliyi və beynəlxalq hüquqa hörmət edəcək və Liviya və Suriyada fəaliyyətinə dair izah təqdim edəcək. Bizim beynəlxalq hüquqa və müttəfiqlər arasında hörmətə ehtiyacımız var".

46
Əlaqədar
Ərdoğan Yunanıstan qəzetini məhkəməyə verdi
Ərdoğan: "Ankara regionda səhnəarxası oyunlardan yorulub"
Azərbaycan Milli Elmlər Akademiyasının binası, arxiv şəkli

AMEA-nın saytının baş redaktoru istefa verdi

0
(Yenilənib 12:25 23.09.2020)
AMEA-nın prezidenti Ramiz Mehdiyevin yazıları ilə populyarlaşan saytın baş redaktoru Nərgiz Qəhrəmanova öz ərizəsi ilə işdən çxıb.

BAKI, 23 sentyabr — Sputnik. Azərbaycan Milli Elmlər Akademiyasının (AMEA) Rəyasət Heyəti Aparatının İctimaiyyətlə əlaqələr, mətbuat və informasiya şöbəsinin Elektron informasiya sektorunun müdiri, AMEA-nın saytının (http://science.gov.az/) Baş redaktoru Nərgiz Qəhrəmanova işdən çıxıb.

Sputnik Azərbaycan Report-a istinadla xəbər verir ki, N.Qəhrəmanova yeni işə başlaması ilə əlaqədar olaraq qeyd olunan vəzifələrindən öz ərizəsi ilə çıxıb.

Belə ki, o, AMEA-nın Yüksək Texnologiyalar Parkında Mətbuat katibi vəzifəsinə təyin olunub.

Qeyd edək ki, N.Qəhrəmanova 11 ildir science.az-da çalışırdı.

Qeyd edək ki, son vaxtlar akademiyanın saytı AMEA-nın prezidenti Ramiz Mehdiyevin yazıları ilə populyarlaşmışdı.

0
Teqlər:
akademik Ramiz Mehdiyev, Ramiz Mehdiyev, AMEA
Əlaqədar
AMEA üsyan etdi – Bizə böhtan atılır
Bolluca istirahət edin - AMEA-dan məsləhət
AMEA-nın yeni prezidenti məlum oldu
İlqar Orucov AMEA barədə: son 6 il ərzində ciddi tənəzzülə uğramışdı
AMEA-dan koronavirus barədə ümidverici xəbər