ABŞ Prezidenti Donald Tramp, arxiv şəkli

Tramp İranı təhdid etdi "1000 qat cavab verəcəksiniz"

25
Qeyd olunur ki, sui-qəsdin hazırlanması barədə məlumatlar hələ yazda var idi, lakin detallar indi məlum olub.

BAKI, 15 sentyabr — Sputnik. Birləşmiş Ştatlar Prezidenti Donald Tramp guya Tehranın ABŞ-a qarşı hücumlar hazırlamasına dair yayılan məlumatlara reaksiya verib. Sputnik Azərbaycan xəbər verir ki, Tramp öz "Twitter" səhifəsində yazıb.

"İranın ABŞ-a istənilən formada, istənilən hücumu miqyasca 1000 qat artıq olan İrana hücumla qarşılanacaq", - deyə Tramp qeyd edib.

İran Xarici İşlər Nazirliyinin rəsmi təmsilçisi Səid Hətibzadə bəyan edib ki, Tehranın ABŞ-ın CAR-dakı səfiri Lan Marksa qarşı sui-qəsd hazırlamasına dair planları əsassızdır. Eyni zamanda o qeyd edib ki, İran Süleymaninin öldürülməsinə görə Vaşinqtonu bağışlamayacaq və bunu unutmayacaq.

Qeyd edək ki, "Politico" nəşri Amerika hökumətindəki mənbələrə istinadən yazıb ki, İran general Qasım Süleymaninin qətlinə görə ABŞ-ın Cənubi Afrika Respublikasındakı səfiri Lan Marksa qarşı sui-qəsd hazırlaya bilər.

Qeyd olunur ki, sui-qəsdin hazırlanması barədə məlumatlar hələ yazda var idi, lakin detallar indi məlum olub.

Amerika kəşfiyyatının məlumatına görə, səfirə qarşı sui-qəsd İranın qisasının variantlarından yalnız biridir. Marksın ABŞ Prezidenti Donald Tramp ilə uzun müddət dostluq etdiyinə görə hədəf seçildiyi iddia edilir.

O, 2019-cu ilin oktyabrında ABŞ-ın Cənubi Afrika Respublikasındakı səfiri vəzifəsinə təyin olunub. Medianın məlumatına görə, diplomata mümkün sui-qəsd barədə xəbərdarlıq edilib.

ABŞ Prezidenti Donald Tramp İslam İnqilabı Keşikçiləri Korpusunun xüsusi təyinatlı Əl-Qüds Qüvvələrinin komandanı Qasım Süleymaninin "Amerikanın dörd səfirliyinə hücumlarının qarşısını almaq üçün" öldürülməsini əmr edib.

2020-ci il yanvarın 3-də Bağdad hava limanından yola düşərkən Süleymaninin karvanı atəşə tutulub. Nəticədə, Süleymani ilə birlikdə İraqın yüksək rütbəli hərbi məmuru Əbu Məhdi Əl-Muhəndis və onları müşayiət edən bir neçə döyüşçü həlak olub.

25
Milli Məclisinin sədri Sahibə Qafarova Azərbaycanın Rusiyadakı səfiri Polad Bülbüloğlu ilə

Azərbaycan parlamentinin spikeri Moskvaya gedib

6
(Yenilənib 17:01 21.09.2020)
Bu, Sahibə Qafarovanın Milli Məclisin Sədri kimi Rusiyaya ilk rəsmi səfəridir. Onu hava limanında səfir Polad Bülbüloğlu və digər rəsmi şəxslər qarşılayıb.

BAKI, 21 sentyabr — Sputnik. Sentyabrın 21-də Azərbaycan Respublikası Milli Məclisinin Sədri Sahibə Qafarovanın başçılıq etdiyi parlament nümayəndə heyəti Rusiya Federasiyasına rəsmi səfər edib.

Sputnik Azərbaycan Milli Məclisin mətbuat xidmətinə istinadla xəbər verir ki, bu, Sahibə Qafarovanın Milli Məclisin Sədri kimi Rusiyaya ilk rəsmi səfəridir.

Moskva şəhərinin "Domodedovo" hava limanında Milli Məclisin nümayəndə heyətini Rusiya Federasiyası Federal Məclisi Federasiya Şurasının sədr müavini İlyas Umaxanov, Azərbaycanın Rusiyadakı səfiri Polad Bülbüloğlu və digər rəsmi şəxslər qarşılayıb.

Nümayəndə heyətinin tərkibinə Milli Məclisin deputatlarından və parlament aparatının məsul işçilərindən ibarət rəsmi şəxslər daxildirlər.

Sahibə Qafarovanın Rusiyaya səfəri zamanı

Səfər zamanı Milli Məclisin Sədri Rusiya Federasiyası Federal Məclisi Federal Şurasının Sədri Valentina Matviyenko, Rusiya Federasiyası Federal Məclisi Dövlət Dumasının Sədri Vyaçeslav Volodin ilə görüşəcək, parlamentlərarası əlaqələrin bu günü və gələcək inkişaf istiqamətləri barədə fikir mübadiləsi aparacaq.

Səfər müddətində Milli Məclisin Sədri Sahibə Qafarova Rusiya Federasiyası Federal Məclisi Federal Şurasının plenar iclasında çıxışı gözlənilir. Rusiya Dövlət Dumasında olarkən Azərbaycan Respublikasının Milli Məclisi ilə Rusiya Federasiyası Federal Məclisinin Dövlət Duması arasında əməkdaşlıq haqqında Sazişin imzalanma mərasimi keçiriləcək.

Milli Məclis Sədrinin Rusiya Federasiyasının Xarici İşlər naziri Sergey Lavrov ilə görüşü nəzərdə tutulub.

Səfər çərçivəsində keçirilən görüşlərdə parlamentlər səviyyəsində mütəmadi səfərlərin həyata keçirilməsi, qanun yaradıcılığı prosesində təcrübə və informasiya mübadiləsi, nüfuzlu beynəlxalq təşkilatlarda nümayəndə heyətlərimizin iştirakı, regional münaqişələrin həlli yolları, iqtisadi, siyasi, mədəni, humanitar sahələrdə əlaqələrimizin daha da möhkəmləndirilməsi və digər məsələlər ətrafında fikir mübadiləsi aparılacaq.

Səfər sentyabrın 23-də başa çatacaq.

6
Əlaqədar
Sahibə Qafarova ilk rəsmi səfərini Türkiyəyə edəcək
Sahibə Qafarova Sergey Lavrovla görüşəcək
Aygün Kazımova və Filipp Kirkorov, arxiv şəkli

Yenə öz xislətlərini göstərdilər - Ermənilər bu mahnımıza da "hücum" etdilər

13
Xalq artisti Aygün Kazımovanın Rusiyanın Xalq artisti Filipp Kirkorovla "Can Azərbaycan" dueti onların boğazından keçməyib

BAKI, 21 sentyabr — Sputnik. Xalq artisti Aygün Kazımovanın Rusiyanın Xalq artisti Filipp Kirkorovla "Can Azərbaycan" dueti ermənilər tərəfindən tənqid atəşinə tutulub.

Sputnik Azərbaycan xəbər verir ki, ermənilər əvvəlcə mahnını "İnstagram" səhifələrində paylaşaraq tənqid ediblər.

Daha sonra isə onlar Kazımovanın "Youtube" kanalına hücum ediblər. Onlar mahnının şərh yerinə müxtəlif tənqidi şərhlər yazıblar.

Qeyd edək ki, sözügedən mahnı Xalq artisti Aygün Kazımova və rusiyalı müğənni Filipp Kirkorovun duetidir. Mahnı "SS Production" tərəfindən hazırlanıb. Bu layihə ilə tarixdə ilk dəfə əcnəbi müğənni Azərbaycana mahnı həsr edib. Layihənin təşəbbüskarı isə Aygün Kazımova olub. Klip Filipp Kirkorovun ötən ilin 30-31 oktyabr tarixlərində Bakı Konqres Mərkəzində baş tutan solo konserti zamanı lentə alınıb.

13
Teqlər:
ermənilər, hücum, sosial şəbəkə, Azərbaycan, Filipp Kirkorov, Aygün Kazımova, mahnı
Əlaqədar
Ərəbi erməniyə çevirmək mümkün olmadı - VİDEO
Avropanın ən xarizmatik kişisi: "Pulu düşündüyün an sənət yox olur"
Əməkdar artist efirdə erməni mahnısı oxuyub
Aygün erməni həmkarıyla qucaqlaşıb oxudu, dedilər, Qarabağ "qayıtdı" - VİDEO
Ermənistanın xalq artisti beynəlxalq festivalda Azərbaycan mahnısını oxudu