Prezidenti Aleksandr Lukaşenko və Rusiya prezidenti Vladimir Putin

Lukaşenko Rusiyadadır: Putinlə gələcək münasibətləri aydınlaşdıracaq

24
(Yenilənib 11:39 14.09.2020)
Lukaşenko Putinlə müxtəlif sahələrdə ikitərəfli əməkdaşlığın vəziyyətini və inkişaf perspektivlərini, ittifaq münasibətləri mövzusunu, beynəlxalq problemləri və regiondakı vəziyyəti, qarşıya çıxan çağırışlara birgə reaksiya məsələlərini müzakirə edəcəklər

BAKI, 14 sentyabr — Sputnik. Belarus Prezidenti Aleksandr Lukaşenko Rusiya Federasiyasına səfərə gedib.

Sputnik Azərbaycan xəbər verir ki, prezident təyyarəsinin hava limanından qalxmasının videogörüntülərini "Pul Pervoqo" kanalı yayıb.

Bu, avqustun 9-da keçirilmiş prezident seçkisindən sonra Belarus liderinin Rusiyaya ilk xarici səfəri olacaq.

Öz növbəsində "Sputnik Belarus" prezidentin mətbuat xidmətinə istinadən bildirir ki, işgüzar səfər çərçivəsində Soçidə bazar ertəsi Belarus dövlət başçısı ilə Rusiya Prezidenti Vladimir Putin arasında görüş keçiriləcək və danışıqlar "təkbətək" formatda baş tutacaq.

"Liderlər müxtəlif sahələrdə ikitərəfli əməkdaşlığın vəziyyətini və inkişaf perspektivlərini, ittifaq münasibətləri mövzusunu, beynəlxalq problemləri və regiondakı vəziyyəti, qarşıya çıxan çağırışlara birgə reaksiya məsələlərini müzakirə edəcəklər", - məlumatda bildirilir.

Avqustun 9-da hazırkı Belarus lideri Aleksandr Lukaşenkonun qalib gəldiyi prezident seçkilərindən sonra Belarusda müxalifətin kütləvi etiraz aksiyaları başlayıb.

24
Nüvə başlığı, arxiv şəkli

Trampın elçisi: "Nüvə silahlarını Avropadan çıxarmayacağıq!"

4
(Yenilənib 21:32 20.09.2020)
Marşal Billinqsli: "Avropadan silahları çıxarmayacağıq, ancaq Rusiyanın bizimlə danışmaq istədiyi hər şeyi müzakirə etməyə hazırıq".

BAKI, 20 sentyabr — Sputnik. "ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq".

Sputnik Azərbaycan RİA Novosti-yə istinadla xəbər verir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

Jurnalist ABŞ-ın nüvə silahlarını Avropadan çıxarmağa hazır olub-olmadığını soruşduqda Billinqsli qəti cavab verib:

"Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq. Hələ ki, biz Rusiya tərəfindən RƏM sistemi ilə bağlı heç bir konkret təklif görməmişik".

"Əlbəttə, biz öz tərəfimizdən nüvə döyüş başlıqlarının raket əleyhinə sistemlərə quraşdırılmasını o qədər də uğurlu ideya saymırıq. Başqa sözlə desək, Rusiyanın bu sahədə etdiklərinə dair bizim də fikrimiz var. Biz RƏM mövzusunu müzakirə etməyə hazırıq, amma RƏM-lə bağlı heç bir məhdudiyyəti tətbiq etməyi nəzərdə tutmuruq", -  Billinqsli əlavə edib.

4
Teqlər:
RƏM, nüvə, Avropa, ABŞ
Əlaqədar
"Rusiyaya siqnal". ABŞ gizli sualtı qayığını Norveç sahillərinə niyə göndərib?
“Qərargah da göndərirlər”: ABŞ ordusu Avropanın şərqində nəyə hazırlaşır?
ABŞ-ın supersilahı öz vətəndaşlarına qarşı tətbiq edilib: nəticəsi...
ABŞ Rusiyaya bütün nüvə gücünü göstərəcək
Venera planeti (solda qara nöqtə formasında) Günəşin qarşısından keçir, arxiv şəkli

Venera planetində həyat var?!

6
Ancaq son illərdə bu planetdə mikroorqanizmlərin koloniyalarının əmələ gələ biləcəyi deyilən bir neçə tədqiqat həyata keçirilib.

BAKI, 20 sentyabr — Sputnik. İngiltərə və ABŞ alimləri Veneranın atmosfer tərkibini analiz edərək, bioloji mənşəli olduğu ehtimal edilən element tapıblar.

Sputnik Azərbaycan xarici mətbuata istinadla xəbər verir ki, söhbət fosfin elementindən gedir.

Versiyaya görə, fosfin müəyyən orqanizmlərin həyat fəaliyyəti nəticəsində əmələ gələ bilər. Bunun doğru olub-olmaması hələ məlum deyil. Ancaq Venerada tədqiqatçıların əvvəllər düşünmədikləri mürəkkəb kimyəvi proseslərin getdiyi göz qabağındadır.

Bu kəşf ALMA rəsədxanası (Çili) və James Clark Maxvell infraqırmızı teleskopu (Havay) ilə edilib. Alimlər hələ illər əvvəl Venerada həyatın mümkünsüz olduğuna inanırdılar. Çünki ora çox isti idi və hava zəhərli maddələrlə dolmuşdu. Ancaq son illərdə bu planetdə mikroorqanizmlərin koloniyalarının əmələ gələ biləcəyi deyilən bir neçə tədqiqat həyata keçirilib.

Bununla da elm adamları naməlum canlıları təsvir edə biliblər. Belə ki, bu canlılar yaşamaq üçün yüksəklikdə qalmalı və xüsusi bir metabolizma növü istifadə etməlidirlər.

6