Sürücü sükan arxasında

Karantin qaydalarını pozduğuna görə yarım milyon dollar cərimə yazdılar

25
Qayda pozucusunu eləcə də altı aylıq həbs cəzası gözləyir. Son qərarı yerli məhkəmə noyabrda verəcək.

BAKI, 13 sentyabr — Sputnik. ABŞ-ın Kentukki ştatının Uolton şəhərinin sakini Con Penninqton Kanadadan keçməklə Alyaskadan qayıdarkən yarım milyon dollardan çox cərimə “qazanıb”. 

Sputnik Azərbaycan CBC News-a istinadən bildirir ki, Kanada koronavirus pandemiyası səbəbilə ABŞ-la sərhədini bu ilin martın 21-dən bağlayıb. Amerikalılar Kanadaya yalnız Alyaskaya getdikləri və ya oradan qayıtdıqları zaman keçə bilərlər. Bu zaman onlar Alyaska ilə digər ştatlar arasında ən qısa marşrutu seçməlidirlər. Onlara həmçinin Kanadada olarkən milli parkları, istirahət zonalarını, bir sözlə, gəzməli-görməli yerləri ziyarət etmək qadağan olunub. Ancaq Con Penninqton bütün mümkün qaydaları qulaq ardına vurmağı bacarıb.

O, Kanadanın cənubundakı Qayalı dağdakı Banf milli parkına baş çəkib. Onun maşınını polis saxlayaraq 910 dollar cərimə edib, üstəlik, özünü də koronavirus testi verməsi üçün yerli xəstəxanaya göndərib, ölkəni tərk etmək göstərişi verib. Penninqton bunları vecinə almayıb və sabahı gün başqa görməli yerə gedib. Nəticədə amerikalı Kanadada olduğu müddətdə üst-üstə 569000 dollarlıq cərimə “qazanıb”. Eləcə də onu 6 aylıq həbs cəzası gözləyir – qərarı yerli məhkəmə noyabrda verəcək.

 

25
Teqlər:
dollar, cərimə, Alyaska, ABŞ, Kanada, qayda, karantin
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

17
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

17
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

16
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

16