ABŞ-da "qiyamət günü"ndən kadrlar: insanlar vahimədə
(Yenilənib 14:31 13.09.2020)
Sakinlər baş verənləri qiyamət əlaməti kimi qəbul edirlər. Ekspertlər isə bunu iqlim dəyişikliyi ilə əlaqələndirirlərBAKI, 13 sentyabr — Sputnik. ABŞ-ın Kaliforniya ştatında yaşayış məntəqələri ilə sənaye mərkəzlərinə ciddi ziyan vuran alov burulğanını videoya çəkiblər.
Sputnik Azərbaycan bildirir ki, kadrları Baza nəşri özünün Telegram kanalında yayıb.
Quş uçuşu məsafəsindən çəkilən videoda uzaqda od burulğanının necə fırlandığı görünür. Səma qıpqırmızı rəngdədir, həyəcan siqnalı eşidilir.
Alov burulğanı nadir hadisədir, bu zaman havanın və ətrafdakı obyektlərin temperaturu 10000 C-yə çata bilər. Bu cür burulğanın yaxınlığında olan hər şey yanır və ya əriyir.
ABŞ-ın qərbini cənginə alan rekord sayda güclü meşə yanğınları səbəbindən ən azı 23 nəfər həyatını itirib. 12 ştatda yüzlərlə insanın evi məhv olub. Ən çox ölüm sayı isə Kaliforniyadadır, burada 19 nəfər alovların qurbanı olub.
Sakinlər baş verənləri qiyamət əlaməti kimi qəbul edirlər. Ekspertlər isə bunu iqlim dəyişikliyi ilə əlaqələndirirlər.
Yaponiya və Rusiya 75 ildir sülh bağlaya bilmir. Səbəbini Sindzo Abe açıqladı
(Yenilənib 19:55 26.09.2020)
"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – Abe bildirib.BAKI, 26 sentyabr — Sputnik. Yaponiya və Rusiya sülh müqaviləsinin bağlanmasına çox yaxın idilər, lakin Vaşinqton və Moskva arasında qarşıdurmanın güclənməsi buna mane oldu. Sputnik Azərbaycan xəbər verir ki, bu barədə Yaponiyanın keçmiş Baş naziri Sindzo Abe "Nikkey" qəzetinə müsahibəsində bildirib.
Xatırladaq ki, Rusiya və Yaponiya İkinci Dünya Müharibəsindən sonra sülh müqaviləsi imzalamayıblar.
Abenin sözlərinə görə, Rusiya-Amerika münasibətlərindəki problemlər razılaşmanın əldə olunmasına mane olan amillərdən birinə çevrilib.
"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – o bildirib.
Abe deyib ki, Yaponiya və Rusiya hətta 2018-ci ildə müqavilənin bağlanmasına çox yaxın olub.
Sindzo Abe səhhətinin pisləşməsi səbəbindən baş nazir postunu sentyabrın 16-da tərk edib. O, Nazirlər Kabinetinə 3188 gün rəhbərlik edib.
Rusiya-Yaponiya ərazi mübahisəsi
Rusiya-Yaponiya sülh müqaviləsinin imzalanmasını Tokionun Cənubi Kuril adaları silsiləsinə (İturup, Kunaşir, Şikotan) və Habomay adalar silsiləsinə iddiası çətinləşdirir. Yaponiya bu məsələdə 1855-ci ilin ticarət və sərhəd müqaviləsinə istinad edir.
Moskvanın mövqeyi isə budur ki, Cənubi Kuril adaları müharibənin nəticələrinə görə SSRİ-nin tərkibinə daxil olub və Rusiyanın adalar üzərində beynəlxalq hüquqla rəsmiləşmiş suverenliyi şübhə altına salına bilməz.
COVID-19 peyvəndi yaşlı nəsil üçün bir o qədər faydalı olmayacaq
(Yenilənib 23:05 26.09.2020)
''Ad26.COV2.S'' adı verilən peyvəndin tək dozasının iki dozaya bərabər təsirə malik olduğu bildirilib.BAKI, 26 sentyabr — Sputnik. Bütün dünyanı təsir altına alan koronavirus pandemiyasına qarşı peyvəndin sınaqlarını həyata keçirən ABŞ-ın dərman firması xoş xəbər açıqlayıb. Sputnik Azərbaycan-ın xəbərinə görə, firma, yayımladığı məlumatda qeyd edib ki, koronavirus peyvəndi kliniki sınaqlarda güclü immunitet yaradıb.
''Ad26.COV2.S'' adı verilən peyvəndin tək dozasının iki dozaya bərabər təsirə malik olduğu bildirilib. Artıq 1000 nəfərdən çox şəxs üzərində bu peyvəndin sınağı aparılıb. Lakin poeyvəndin hələlik ki, yaşlı nəsil üzərində təsirinin bəlli olmadığı da bildirilib. Yəni, kliniki sınaqlar zamanı gənc və orta yaşlılarda immun sisteminin virusa qarşı 64 faiz həddində olduğu deyilsə də, 65 yaşdan yuxarı şəxslərdə bu rəqəmin 36 faiz civarında olduğu bildirilib. Peyvəndin ümumi olaraq peyvəndin 60 mindən artıq şəxs üzərində sınağı aparılacaq.
Bir neçə mərhələdən uğurla keçdikdən sonra bu peyvənd 2021-ci ilin əvvəlinə qədər təqdim olunacaq.