Koronavirusa yoluxanan xəstələrin müalicə aldığı hospital, arxiv şəkli

Alman virusoloq: “Həyatın dayanmasına imkan vermək olmaz”

1033
Almaniyada və digər ölkələrdə COVID-19-a yoluxmanın sayının artmasına rəğmən ölüm göstəricilərinin də artdığını iddia etmək olmaz

BAKI, 13 sentyabr — Sputnik. Alman virusoloq, Bonn Universitetinin virusologiya və HİV araşdırmaları institutunun rəhbəri Hendrik Ştrek Welt am Sonntag nəşrinə müsahibəsində koronavirusla mübarizə strategiyasının yenidən gözdən keçirilməsinin vacibliyini vurğulayıb.

Şrtekin fikrincə, vəziyyəti yalnız yoluxma sayı barədə məlumatlar əsasında dəyərləndirmək lazım deyil, üstəlik, simptomsuz xəstələrin sayı ilə bağlı durum da mütləq pis deyil. 

“Biz vəziyyəti dəyərləndirərkən yalnız yoluxma sayı ilə kifayətlənməməliyik”, - virusoloq deyib.

Onun sözlərinə görə, Almaniyada və digər ölkələrdə COVID-19-a yoluxmanın sayının artmasına rəğmən ölüm göstəricilərinin də artdığını iddia etmək olmaz. Professor deyir ki, “həyatın dayanmasına imkan vermək olmaz və heç kim – heç bir siyasətçi, virusoloq, yaxud epidemioloq – pandemiya ilə mübarizənin yeganə düzgün yolunu bilmir”. 

Ştrekin fikrincə, yoluxmanın qarşısını mümkün dərəcədə almaq lazımdır, bununla yanaşı, yoluxma sayını indiki qaydada təfsir etməmək də olar.

 

1033
Teqlər:
yoluxma, ölüm, virusoloq, alman, müalicə, Koronavirus, COVID-19, epidemiya
Mövzu:
Dünyanı cənginə almış bəla (482)
Əlaqədar
Şahzadə koronavirusa yoluxma təhlükəsi ilə karantinə alınıb
Bu xəstəliklər zamanı koronavirus peyvəndinin vurulması tamamilə qadağandır
Koronavirusu ilk araşdıran alimlərdən bədbin şərh: "Çox vaxtımız yoxdur, gecikmişik"
Bu ölkədə ilk dəfə olaraq koronavirusdan ölüm halı qeydə alınmayıb
Azərbaycanda koronavirusun yeni dalğası qonşu ölkənin təsirindən olacaq

Çin Azərbaycan Ermənistanı siyasi dialoqa çağırdı

21
(Yenilənib 12:41 28.09.2020)
"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir."

BAKI, 28 sentyabr — Sputnik. Çin ümid edir ki, Azərbaycan və Ermənistan Dağlıq Qarabağdakı son gərginlik fonunda sakitlik və təmkin nümayiş etdirəcək və fikir ayrılıqlarını siyasi yolla həll edə biləcəklər.

Sputnik Azərbaycan xarici mediaya istinadən xəbər verir ki, bunu Çin Xarici İşlər Nazirliyinin sözçüsü Van Venbin bazar ertəsi brifinqdə deyib.

"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir. Ümid edirik ki, müvafiq tərəflər sakitlik və təmkin nümayiş etdirəcək, vəziyyətin daha da gərginləşməsindən qaçacaq və mövcud ziddiyyətləri və fikir ayrılıqlarını siyasi dialoq yolu ilə həll edəcəklər", - diplomat bildirib.

21
Чрезвычайный и полномочный посол Армении в России Вардан Тоганян

Ermənistan səfiri ATƏT-ə yalvarır: "Müdaxilə edin"

110
"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – Ermənistan səfiri bildirib.

BAKI, 28 sentyabr — Sputnik. Dağlıq Qarabağ ətrafındakı vəziyyət ATƏT-in Minsk Qrupunun həmsədrlərindən sürətli müdaxiləni tələb edir.

Sputnik Azərbaycan xəbər verir ki, bu barədə RİA Novosti-yə Ermənistanın Rusiyadakı səfiri Vardan Toqanyan bildirib.

"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – səfir bildirib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri qarşı tərəfin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

110
Erməni əsgərlərinin dəbilqələri

Ermənistan öldürülmüş əsgərlərinin daha bir SİYAHISINI açıqladı 28 yeni ad

0
(Yenilənib 15:22 28.09.2020)
Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

BAKI, 28 sentyabr — Sputnik. Qarabağ münaqişəsi zonasında gedən döyüşlərdə Ermənistan tərəfi xeyli itki verib.

Sputnik Ermənistan xəbər verir ki, Ermənistanın əlavə 28 əsgəri həlak olub. Hazırda Ermənistan hərbçiləri arasında qurbanların sayı 59 nəfərdir.

Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

Həlak olanlar arasında 2000-2002-ci il təvəllüdlü əsgərlər çoxluq təşkil edir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

0