Virtual pul vahidi bitkoin

"Mənasız" valyutanın başının üstünü alan təhlükə sovuşdu

14
(Yenilənib 13:19 13.09.2020)
Almaniyanın Maliyyə naziri Olaf Şoltsun fikrincə, “bu cür valyutalar lazım gələrsə, qadağan edilməlidir”

BAKI, 13 sentyabr — Sputnik. Avropa Komissiyası kriptovalyutadan istifadəni qadağan etməyi planlaşdırmır. Sputnik Azərbaycan Deutsche Welle-yə istinadən bildirir ki, bu barədə Avropa Birliyi dövlətlərinin maliyyə nazirlərinin görüşündə təşkilatın sədr müavini Valdis Dombrovskis deyib.

Dombrovskisin sözlərinə görə, Avropa Komissiyası rəqəmsal valyutanın imkanlarının geniş olduğunu düşünür. “Brüssel innovasiyalara əngəl olmağa deyil, onların tənzimləmə vasitəsilə mümkün olmasına çalışır”, - siyasətçi vurğulayıb.

Payızın sonunadək Avropa Komissiyası kriptovalyutanın tənzimlənməsi barədə qanun layihəsi təqdim edəcək. Dobrovskis deyib ki, rəqəmsal valyutalarla bağlı risklər və imkanlar arasında düzgün balansı tapmaq vacibdir.

Ancaq Deutsche Welle xatırladır ki, bundan öncə Almaniya, İspaniya, İtaliya, Niderland və Fransa kriptovalyutaların ciddi şəkildə nəzarətə alınmasına çağırıblar. Almaniyanın Maliyyə naziri Olaf Şolts bildirib ki, onun həmkarları qəti olaraq fərdi kriptovalyutaları “mənasız” hesab edirlər. Nazirin fikrincə, “bu cür valyutalar lazım gələrsə, qadağan edilməlidir”.

 

14
Teqlər:
maliyyə naziri, pul, nəzarət, qadağa, ləğv, Avropa Komissiyası, bitkoin, kriptovalyuta
Əlaqədar
Bitkoin yenə “uçdu”
Növbə ona da çatdı – ABŞ bu valyutaya qarşı müharibə elan etdi
Neftlə qızılı kriptovalyutaya satacaq
Məzənnə on ilə 9 milyon faiz artdı
Heç kim onu tanımır, amma qiyməti qəfil qalxdı

Çin Azərbaycan Ermənistanı siyasi dialoqa çağırdı

21
(Yenilənib 12:41 28.09.2020)
"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir."

BAKI, 28 sentyabr — Sputnik. Çin ümid edir ki, Azərbaycan və Ermənistan Dağlıq Qarabağdakı son gərginlik fonunda sakitlik və təmkin nümayiş etdirəcək və fikir ayrılıqlarını siyasi yolla həll edə biləcəklər.

Sputnik Azərbaycan xarici mediaya istinadən xəbər verir ki, bunu Çin Xarici İşlər Nazirliyinin sözçüsü Van Venbin bazar ertəsi brifinqdə deyib.

"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir. Ümid edirik ki, müvafiq tərəflər sakitlik və təmkin nümayiş etdirəcək, vəziyyətin daha da gərginləşməsindən qaçacaq və mövcud ziddiyyətləri və fikir ayrılıqlarını siyasi dialoq yolu ilə həll edəcəklər", - diplomat bildirib.

21
Чрезвычайный и полномочный посол Армении в России Вардан Тоганян

Ermənistan səfiri ATƏT-ə yalvarır: "Müdaxilə edin"

109
"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – Ermənistan səfiri bildirib.

BAKI, 28 sentyabr — Sputnik. Dağlıq Qarabağ ətrafındakı vəziyyət ATƏT-in Minsk Qrupunun həmsədrlərindən sürətli müdaxiləni tələb edir.

Sputnik Azərbaycan xəbər verir ki, bu barədə RİA Novosti-yə Ermənistanın Rusiyadakı səfiri Vardan Toqanyan bildirib.

"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – səfir bildirib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri qarşı tərəfin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

109
Erməni əsgərlərinin dəbilqələri

Ermənistan öldürülmüş əsgərlərinin daha bir SİYAHISINI açıqladı 28 yeni ad

0
(Yenilənib 15:22 28.09.2020)
Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

BAKI, 28 sentyabr — Sputnik. Qarabağ münaqişəsi zonasında gedən döyüşlərdə Ermənistan tərəfi xeyli itki verib.

Sputnik Ermənistan xəbər verir ki, Ermənistanın əlavə 28 əsgəri həlak olub. Hazırda Ermənistan hərbçiləri arasında qurbanların sayı 59 nəfərdir.

Bundan bir qədər əvvəl Qarabağ münaqişəsi zonasında 28 sentyabrda döyüşlər zamanı ölən Ermənistan hərbçilərinin daha bir siyahısı açıqlanıb.

Həlak olanlar arasında 2000-2002-ci il təvəllüdlü əsgərlər çoxluq təşkil edir.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

0