Məzar

Vanda şahzadəyə aid olduğu ehtimal edilən məzar tapılıb

20
(Yenilənib 20:39 11.09.2020)
İlkin dövrdə Urartu geniş ərazilərə nəzarət edirdi, lakin VII əsrdə güclü rəqiblərin hücumuna məruz qalır və dağılır.

BAKI, 11 sentyabr — Sputnik. Türkiyənin Van vilayətində qazıntılar zamanı arxeoloqlar kral ailəsinə mənsub ola biləcəyi ehtimal edilən qadına aid məzar aşkarlayıblar.

Sputnik Azərbaycan xarici mətbuata istinadla xəbər verir ki, qadının kral ailəsindən olmasını onun yanında olan çox sayda qiymətli zinət əşyaları ilə əlaqələndirirlər.

Mütəxəssislər məzarı yox olan Urartu əyaləti ilə əlaqələndirirlər. Urartu Cənub-Qərbi Asiya torpaqlarında yerləşib və eramızdan əvvəl II minillikdən eramızın 590-cı ilinə qədər mövcud olub. İlkin dövrdə Urartu geniş ərazilərə nəzarət edib, lakin VII əsrdə güclü rəqiblərin hücumuna məruz qalıb və dağılıb.

Qadının gənc, 20-25 yaşında öldüyü ehtimal edilir. Hər iki əlin biləklərinə bilərziklər taxılıb, qulaqlarında sırğa və sol əlin barmağında böyük bir tunc üzük olub. Bununla yanaşı, mütəxəssislər qiymətli daşlarla bəzədilmiş boyunbağı və broş tapıblar.

Üzük alimləri daha çox maraqlandırıb. Çünki üzük mərhumun evli olduğunu göstərə bilər. Bu ehtimal doğru olsa, bu, ailə birliyinin ən erkən arxeoloji dəlillərindən biri hesab oluna bilər.

20
Teqlər:
məzar, Van, Türkiyә
ABŞ Prezidenti Donald Tramp, arxiv şəkli

"Axmaq olmaq istəmirik". Tramp seçki fırıldaqçılığından xəbərdarlıq etdi

7
(Yenilənib 20:09 26.09.2020)
"Biz yalnız onların fırıldaqlıq edəcəyi təqdirdə seçkiləri uduzacağıq. Biz buna imkan verə bilmərik", – Tramp bildirib.

BAKI, 26 sentyabr — Sputnik. ABŞ Prezidenti Donald Tramp qarşıdan gələn seçkilərdə məğlub olacağı təqdirdə hakimiyyətin "dostcasına" ötürülməsi prosesini istədiyini bəyan edib. Lakin Tramp yalnız demokrat rəqiblərinin poçt vasitəsilə səsvermədə fırıldaqlıq edəcəyi təqdirdə uduzacağını bildirib.

Sputnik Azərbaycan xarici mediaya istinadən xəbər verir ki, Tramp bunu Virciniyada tərəfdarları qarşısında çıxış edərkən deyib.

"Biz yalnız onların fırıldaqlıq edəcəyi təqdirdə seçkiləri uduzacağıq. Biz buna imkan verə bilmərik. Çünki bu insanlar ölkəmizi məhv edəcəklər, bunun baş verməsinə icazə verə bilmərik", – Tramp bildirib.

"Biz çox dostcasına bir keçid dövrü istəyirik, amma bizi aldatmalarını istəmirik. Onların minlərlə bülletenlə fırıldaqlıq etdiyini bilə-bilə "bəli, əlbəttə ki, gəlin hakimiyyəti verək" deyəcək qədər axmaq olmaq istəmirik. Biz buna dözməyəcəyik", – prezident əlavə edib.

O, həmçinin qeyd edib ki, ola bilsin seçkinin qalibi seçkidən sonra hələ bir neçə ay ərzində məlum olmasın.

7
Sindzo Abe, arxiv şəkli

Yaponiya Rusiya 75 ildir sülh bağlaya bilmir. Səbəbini Sindzo Abe açıqladı

5
(Yenilənib 19:55 26.09.2020)
"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – Abe bildirib.

BAKI, 26 sentyabr — Sputnik. Yaponiya və Rusiya sülh müqaviləsinin bağlanmasına çox yaxın idilər, lakin Vaşinqton və Moskva arasında qarşıdurmanın güclənməsi buna mane oldu. Sputnik Azərbaycan xəbər verir ki, bu barədə Yaponiyanın keçmiş Baş naziri Sindzo Abe "Nikkey" qəzetinə müsahibəsində bildirib.

Xatırladaq ki, Rusiya və Yaponiya İkinci Dünya Müharibəsindən sonra sülh müqaviləsi imzalamayıblar.

Abenin sözlərinə görə, Rusiya-Amerika münasibətlərindəki problemlər razılaşmanın əldə olunmasına mane olan amillərdən birinə çevrilib.

"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – o bildirib.

Abe deyib ki, Yaponiya və Rusiya hətta 2018-ci ildə müqavilənin bağlanmasına çox yaxın olub.

Sindzo Abe səhhətinin pisləşməsi səbəbindən baş nazir postunu sentyabrın 16-da tərk edib. O, Nazirlər Kabinetinə 3188 gün rəhbərlik edib.

Rusiya-Yaponiya ərazi mübahisəsi

Rusiya-Yaponiya sülh müqaviləsinin imzalanmasını Tokionun Cənubi Kuril adaları silsiləsinə (İturup, Kunaşir, Şikotan) və Habomay adalar silsiləsinə iddiası çətinləşdirir. Yaponiya bu məsələdə 1855-ci ilin ticarət və sərhəd müqaviləsinə istinad edir.

Moskvanın mövqeyi isə budur ki, Cənubi Kuril adaları müharibənin nəticələrinə görə SSRİ-nin tərkibinə daxil olub və Rusiyanın adalar üzərində beynəlxalq hüquqla rəsmiləşmiş suverenliyi şübhə altına salına bilməz.

5
Qadın yatır, arxiv şəkli

Yatmaq üçün necə yataq seçmək lazımdır?

0
(Yenilənib 20:13 26.09.2020)
Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

BAKI, 26 sentyabr — Sputnik. Bəziləri sərt yerdə yatmağın faydalı olduğunu hesab edir. Sputnik Azərbaycan xarici mətbuata istinadla xəbər verir ki, sərt yerlərdə yalnız ciddi onurğa xəsarətlərindən sonra və həkimin tövsiyəsi ilə yatmaq məsləhət görülür.

Bu barədə danışan həkim Stanislav Unmut bildirib ki, sərt yataq osteoxondroz və spondiloz xəstələri üçün təhlükəlidir.

Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

Mütəxəssisin fikrincə, onurğa xəstəlikləri olan insanlar və bu cür xəstəliklərdən əziyyət çəkməyənlər üçün ən yaxşı seçim yarı sərt ortopedik döşəkdir: "Almazdan əvvəl bir neçə dəqiqə üstündə uzanın. Hər zaman müstəqil yayları olan döşək seçin. Bu, döşəyin bədənin hər hərəkətinə uyğunlaşmasına kömək edəcək".

0