Mİnskdə etirazlar, arxiv şəkli

Belarusa qarşı sanksiyalar niyə qəbul edilməyib - Lepexin səbəbi açıqladı

16
(Yenilənib 18:16 10.09.2020)
Avrasiya İqtisadi Birliyi İnstitutunun Baş direktoru Vladimir Lepexin: Böyük Avropa ölkələri öz mövqelərini çoxdan dəyişiblər, onlar ümumiyyətlə iqtisadi sanksiyalar elan etməkdə maraqlı deyillər.

BAKI, 10 sentyabr — Sputnik. Kipr Avropa İttifaqı (Aİ) tərəfindən Belarusa qarşı sanksiyaların qəbul olunmasına mane olub. Bu barədə "Bloomberg" agentliyi məlumatlı mənbələrə istinadən xəbər verib.

Qəzetin məlumatına görə, Kipr Minskə qarşı təklif olunan tədbirlərlə razılaşmayıb və Aİ-nin sanksiya siyahısına təbii qaz hasilatı üzrə qazma işlərində iştirak edən Türkiyənin yeddi şirkətinin daxil edilməsinə nail olmağa çalışıb.

Belarusa qarşı sanksiyaların qəbul edilməsi üçün Avropa İttifaqının 27 ölkəsinin hamısının razılığı lazımdır.

Avrasiya İqtisadi Birliyi İnstitutunun Baş direktoru Vladimir Lepexin Sputnik radiosunun efirində bildirib ki, Aİ-də sanksiyalarla bağlı çoxdandır ki, birlik yoxdur. 

"Biz görürük ki, iki böyük Avropa ölkəsi – Fransa və Almaniya – öz mövqelərini çoxdan dəyişiblər, onlar ümumiyyətlə iqtisadi sanksiyalar elan etməkdə maraqlı deyillər. Yəni, Avropada parçalanma var. Və əlavə sanksiyalar elan etmək üçün əvvəlki kimi birlik və arzu yoxdur", – Lepexin bildirib.

Bundan əvvəl Aİ Belarusda keçirilmiş prezident seçkilərini ədalətli və dürüst hesab etmədiyini və onların nəticələrini tanımaqdan imtina etdiyini bildirib. Bundan başqa, Avropa İttifaqının liderləri "nümayişçilərə qarşı zorakılığın tətbiqinə" və "seçkilərin saxtalaşdırılmasına" görə Minskə fərdi sanksiyaların tətbiqinə dair razılığa gəliblər. Artıq Estoniya, Latviya və Litva 30 belaruslu rəsmi şəxsin öz ərazilərinə girişinə qadağa qoyub.

Avropa Komissiyasının mətbuat xidmətinin və Aİ-nin xarici siyasət xidmətinin nümayəndəsi Peter Stanonun sözlərinə görə, Avropa İttifaqı Belarusdakı vəziyyətlə bağlı məhdudlaşdırıcı tədbirlərin tətbiq olunacağı şəxslərin siyahısı üzərində işi davam etdirir.

16
Əlaqədar
Lukaşenkonu son anda bunlar xilas edib - Üstü açıldı
İzmirdə

İzmirdə seli lentə alan operator nənəsinin meyitini tapdı

12
İzmirdə baş verən güclü zəlzələdən sonra meydana gələn seli lentə alan operator nənəsinin meyitini tapıb. Gəncin və ətrafdakıların köməyilə meyit sudan çıxarılıb.

BAKI, 31 oktyabr — Sputnik. İzmirdə baş verən güclü zəlzələdən sonra meydana gələn seli lentə alan operator nənəsinin meyitini tapıb.

Sputnik Azərbaycan xəbər verir ki, bununla bağlı görüntüləri "Haber Global" yayıb.

Gəncin və ətrafdakıların köməyilə meyit sudan çıxarılıb.

Xatırladaq ki, ötən gün yerli vaxtla saat 14:51-də Türkiyənin İzmir şəhərində 6,6 bal gücündə zəlzələ baş verib. Yeraltı təkanlar Egey dənizi bölgəsi ilə yanaşı, İstanbul və Mərmərə bölgəsində də hiss olunub.

Türkiyə Fövqəladə Hallar Nazirliyinin (AFAD) məlumatına görə, zəlzələnin episentri İzmirin Seferihisar rayonudur. Beş binanın tamamilə dağıldığı, xeyli evin zərər gördüyü bildirilir. İnsanlar panikaya düşərək küçələrə çıxıblar. Hazırda İzmirdə baş verən zəlzələdə dünyasını dəyişənlərin sayı 24-ə yüksəlib. Xəsarət alanların sayı artıq 804-dür.

Dağılan 4 binanın ərazisində xilasetmə işləri başa çatıb, daha 13-də isə hələ də davam edir. Bildirilir ki, birinci zəlzələdən sonra ən böyük maqnitudası 5,1 olan 400-dən çox təkan (afterşok) qeydə alınıb.

12
Əlaqədar
Türkiyədə bir gündə iki zəlzələ: ölən və xəsarət alanların sayı artdı - YENİLƏNİB
Putin Ərdoğana başsağlığı verdi
Zəlzələdən sonra Türkiyədən ürək ağrıdan görüntülər - FOTO
İzmirdə yenə zəlzələ olub, ölən və yaralananların sayı artıb
Rusiya XİN-nin binası, arxiv şəkli

Rusiya Paşinyanın cavabını verdi

112
(Yenilənib 13:26 31.10.2020)
Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur.

BAKI, 31 oktyabr - Sputnik. Rusiya Xarici İşlər Nazirliyi Ermənistanın Baş naziri Nikol Paşinyanın Rusiya Prezidenti Vladimir Putinə ölkəsinin təhlükəsizliyi ilə bağlı müzakirələrə başlamaq üçün müraciətinə cavab verib. Sputnik Azərbaycan-ın RİA Novostiyə istinadən yaydığı xəbər görə, Rusiyanın Xarici İşlər Nazirliyi "Əgər döyüşlər birbaşa Ermənistan ərazisində keçirilərsə, Rusiya Ermənistana hər cür yardım göstərəcək" , - deyə bildirib.

Qeyd edək ki, Paşinyan 29 avqust 1997-ci ildə iki ölkə arasında imzalanan Dostluq, Əməkdaşlıq və Qarşılıqlı Yardım Sazişinin 2-ci maddəsini əsas götürərək, təhlükəsizliyi təmin etmək məqsədilə Rusiya Federasiyasının Ermənistana verə biləcəyi dəstəyin forma və dərəcəsini təyin etmək üçün dərhal məsləhətləşmələrə başlamaq istəyi ilə Rusiya Federasiyasının Prezidentinə müraciət etmişdi.

Rusiya XİN-dən isə bildiriblər ki, bu Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur. Başqa, sözlə, hazırda bu cür hərəkətlərin yerinə yetirilməsinə ehtiyac yoxdur.

112
Əlaqədar
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan Ermənistana kömək üçün Putinə müraciət etdi
Paşinyan Qarabağ məsələsini güzəştlə həll etmək istəyir

Ermənistan silahlı qüvvələri qəsdən Şuşa meşələrində yanğın törədir - PA

0
(Yenilənib 14:19 31.10.2020)
Azərbaycan Respublikası Müdafiə Nazirliyi kəşfiyyat məlumatlarına əsasən Ermənistanın böyük həcmdə fosfor tərkibli yükü Xocavənd istiqamətinə gətirdiyi barədə məlumat vermişdi

Eldar Tanrıverdiyev, sputnik Azərbaycan

BAKI, 31 oktyabr — Sputnik. "Ermənistan silahlı qüvvələri tərəfindən qəsdən Şuşa meşələrində yanğın törədilir. Ermənistanın məqsədi ekoloji terror vasitəsilə Azərbaycan silahlı qüvvələrinin istifadə etdiyi pilotsuz uçuş vasitələrinin görüntüləri üçün maneələrin yaradılmasıdır".

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

O qeyd edib ki, Ermənistanın Şuşa meşələrində yanğının törədilməsi üçün qadağan olunmuş ağ fosfordan istifadə etməsi istisna deyil: "Azərbaycan Respublikası Müdafiə Nazirliyi kəşfiyyat məlumatlarına əsasən Ermənistanın böyük həcmdə fosfor tərkibli yükü Xocavənd istiqamətinə gətirdiyi barədə məlumat vermişdi".

0
Teqlər:
Xocavənd rayonu, Şuşa, Azərbaycan Respublikası Prezidenti Administrasiyasının xarici siyasət şöbəsinin müdir müavini Hikmət Hacıyev, Hikmət Hacıyev, fosfor bombası, fosfor, Ermənistan
Əlaqədar
Azərbaycan XİN ermənilərin Şuşa ilə bağlı iddialarına cavab verdi
Azərbaycan Şuşa və Xankəndini raket atəşinə tutmur - Müdafiə Nazirliyi
Ermənilər Xocavənd istiqamətinə fosfor tərkibli yük gətiriblər