Gürcüstanda epidemioloji vəziyyət

Bu da həsəd apardığımız Gürcüstan: qadağalar üst-üstə gəlir

1090
(Yenilənib 13:56 09.09.2020)
Sabahdan 200 nəfərdən çox insanın qatılacağı gözlənilən mədəni və idman tədbirləri də qadağandır. Həmçinin məktəblərə səhər toplantıları və bayramlar keçirmək yasaqlanıb

BAKI, 9 sentyabr — Sputnik. Gürcüstan hökumətinin qərarı ilə sabahdan bütün ölkə ərazisində ad günü, toy, şənlik, yas və digər bu kimi kütləvi tədbirlərin keçirilməsi qadağan olunub. Sputnik Gürcüstan xəbər verir ki, bu barədə Hökumət Administrasiyasının rəhbəri Natia Mezvrişvili bildirib.

Qeyd edək ki, Gürcüstanda koronavirusa yoluxmaların sayı rekord həddə - bir gündə 45 nəfərə çatıb.

"Bir neçə gün əvvəl biz bir sıra məhdudiyyətlərin aradan qaldırılmasını və teatr və kinoteatrların açılmasını anons etmişdik. Onların bəziləri sentyabrın 15-i, digərləri isə oktyabrın 1-dən açılmalı idi. Lakin ölkədəki epidemioloji vəziyyəti nəzərə alaraq onların açılması noyabrın 1-dək təxirə salınır", - deyə Natia Mezvrişvili bildirib.

Kütləvi tədbirlərin keçirilməsi həm qapalı məkan, həm də açıq havada qadağan olunub. Sabahdan 200 nəfərdən çox insanın qatılacağı gözlənilən mədəni və idman tədbirləri də qadağandır. Həmçinin məktəblərə səhər toplantıları və bayramlar keçirmək yasaqlanıb. Vətəndaşlar isə sosial məsafəni gözləyərək maska taxmağa məcburdurlar. 

Mezvrişvilinin sözlərinə görə, qaydalara əməl etməyənlərə qarşı müvafiq cərimələr nəzərdə tutulub.  

Sputnik Gürcüstan-ın məlumatına görə, ölkədə yoluxanların ümumi sayı 1773-ə çatıb. Eyni zamanda bir gündə 4 nəfər xəstəxanadan evə buraxılıb. Hazırda 5882 nəfər karantində, 390 nəfər həkim nəzarətində saxlanılır. İndiyədək Gürcüstanda 19 nəfər COVID-19-dan dünyasını dəyişib.

Qərb qonşumuzda ilk koronavirusa yoluxma faktı fevralın 26-da aşkarlanıb. Xəstəliyin yayılma təhlükəsinin qarşısının alınması məqsədilə martın 21-dən ölkədə xüsusi karantin rejimi elan edilib. Mayın 23-də isə karantin rejimi ləğv olunub. Karantin dövründə Gürcüstanda bir neçə şəhərə giriş-çıxış bağlanmış, nəqliyyat vasitələrinin hərəkəti qadağan edilmiş, sərt cərimələr tətbiq edilmişdi. Koronavirus pandemiyası zamanı Gürcüstanın təcrübəsi bir çox həkimlər tərəfindən təqdir olunur. 

1090
Teqlər:
yubiley, ad günü, şənlik, toy, qadağa, xəstəlik, xəstə, Koronavirus, epidemiya, COVID-19, Gürcüstan
Mövzu:
Dünyanı cənginə almış bəla (482)
Əlaqədar
Koronavirus Qafqazdakı qonşularımızı da əziyyətə salıb
Xəstələrin sayı durmadan artır
Qripə qarşı vaksinlər gəlir - Peyvəndlənək, ya yox?
Bakı, Sumqayıt və Abşerona gediş-gəlişlə bağlı məhdudiyyət aradan qaldırıldı
Bu il uşaqlar arasında vaksinlə əhatələnmə səviyyəsi aşağı düşüb - Səbəb
ABŞ Prezidenti Donald Tramp, arxiv şəkli

"Axmaq olmaq istəmirik". Tramp seçki fırıldaqçılığından xəbərdarlıq etdi

5
(Yenilənib 20:09 26.09.2020)
"Biz yalnız onların fırıldaqlıq edəcəyi təqdirdə seçkiləri uduzacağıq. Biz buna imkan verə bilmərik", – Tramp bildirib.

BAKI, 26 sentyabr — Sputnik. ABŞ Prezidenti Donald Tramp qarşıdan gələn seçkilərdə məğlub olacağı təqdirdə hakimiyyətin "dostcasına" ötürülməsi prosesini istədiyini bəyan edib. Lakin Tramp yalnız demokrat rəqiblərinin poçt vasitəsilə səsvermədə fırıldaqlıq edəcəyi təqdirdə uduzacağını bildirib.

Sputnik Azərbaycan xarici mediaya istinadən xəbər verir ki, Tramp bunu Virciniyada tərəfdarları qarşısında çıxış edərkən deyib.

"Biz yalnız onların fırıldaqlıq edəcəyi təqdirdə seçkiləri uduzacağıq. Biz buna imkan verə bilmərik. Çünki bu insanlar ölkəmizi məhv edəcəklər, bunun baş verməsinə icazə verə bilmərik", – Tramp bildirib.

"Biz çox dostcasına bir keçid dövrü istəyirik, amma bizi aldatmalarını istəmirik. Onların minlərlə bülletenlə fırıldaqlıq etdiyini bilə-bilə "bəli, əlbəttə ki, gəlin hakimiyyəti verək" deyəcək qədər axmaq olmaq istəmirik. Biz buna dözməyəcəyik", – prezident əlavə edib.

O, həmçinin qeyd edib ki, ola bilsin seçkinin qalibi seçkidən sonra hələ bir neçə ay ərzində məlum olmasın.

5
Sindzo Abe, arxiv şəkli

Yaponiya Rusiya 75 ildir sülh bağlaya bilmir. Səbəbini Sindzo Abe açıqladı

4
(Yenilənib 19:55 26.09.2020)
"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – Abe bildirib.

BAKI, 26 sentyabr — Sputnik. Yaponiya və Rusiya sülh müqaviləsinin bağlanmasına çox yaxın idilər, lakin Vaşinqton və Moskva arasında qarşıdurmanın güclənməsi buna mane oldu. Sputnik Azərbaycan xəbər verir ki, bu barədə Yaponiyanın keçmiş Baş naziri Sindzo Abe "Nikkey" qəzetinə müsahibəsində bildirib.

Xatırladaq ki, Rusiya və Yaponiya İkinci Dünya Müharibəsindən sonra sülh müqaviləsi imzalamayıblar.

Abenin sözlərinə görə, Rusiya-Amerika münasibətlərindəki problemlər razılaşmanın əldə olunmasına mane olan amillərdən birinə çevrilib.

"Elə bir hiss var idi ki, biz artıq müqavilənin bağlanmasına yönəlmiş danışıqlara yaxınlaşırıq", – o bildirib.

Abe deyib ki, Yaponiya və Rusiya hətta 2018-ci ildə müqavilənin bağlanmasına çox yaxın olub.

Sindzo Abe səhhətinin pisləşməsi səbəbindən baş nazir postunu sentyabrın 16-da tərk edib. O, Nazirlər Kabinetinə 3188 gün rəhbərlik edib.

Rusiya-Yaponiya ərazi mübahisəsi

Rusiya-Yaponiya sülh müqaviləsinin imzalanmasını Tokionun Cənubi Kuril adaları silsiləsinə (İturup, Kunaşir, Şikotan) və Habomay adalar silsiləsinə iddiası çətinləşdirir. Yaponiya bu məsələdə 1855-ci ilin ticarət və sərhəd müqaviləsinə istinad edir.

Moskvanın mövqeyi isə budur ki, Cənubi Kuril adaları müharibənin nəticələrinə görə SSRİ-nin tərkibinə daxil olub və Rusiyanın adalar üzərində beynəlxalq hüquqla rəsmiləşmiş suverenliyi şübhə altına salına bilməz.

4
Qadın yatır, arxiv şəkli

Yatmaq üçün necə yataq seçmək lazımdır?

0
(Yenilənib 20:13 26.09.2020)
Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

BAKI, 26 sentyabr — Sputnik. Bəziləri sərt yerdə yatmağın faydalı olduğunu hesab edir. Sputnik Azərbaycan xarici mətbuata istinadla xəbər verir ki, sərt yerlərdə yalnız ciddi onurğa xəsarətlərindən sonra və həkimin tövsiyəsi ilə yatmaq məsləhət görülür.

Bu barədə danışan həkim Stanislav Unmut bildirib ki, sərt yataq osteoxondroz və spondiloz xəstələri üçün təhlükəlidir.

Ancaq yatmaq üçün ən yumşaq yatağı da seçmək olmaz. Bu, onurğa əyriliyinə səbəb ola bilər. Bir neçə hissədən ibarət divanda yatmaq da sağlamlıq üçün təhlükəlidir.

Mütəxəssisin fikrincə, onurğa xəstəlikləri olan insanlar və bu cür xəstəliklərdən əziyyət çəkməyənlər üçün ən yaxşı seçim yarı sərt ortopedik döşəkdir: "Almazdan əvvəl bir neçə dəqiqə üstündə uzanın. Hər zaman müstəqil yayları olan döşək seçin. Bu, döşəyin bədənin hər hərəkətinə uyğunlaşmasına kömək edəcək".

0