Mixeil Saakaşvili, arxiv şəkli

“Baş nazir ola bilərəm, ancaq cəmi iki il”

28
(Yenilənib 23:18 07.09.2020)
Bundan əvvəl Saakaşvili Facebook-dakı videomüraciətində Ukraynaya ona “ikinci ev” olduğuna görə təşəkkür edərək bildirib ki, artıq vətəninə qayıdır

BAKI, 7 sentyabr — Sputnik. Gürcüstanın sabiq prezidenti Mixeil Saakaşvili özünün keçmiş “Vahid Milli Hərəkat” partiyasının onu ölkənin baş naziri vəzifəsinə namizəd kimi irəli sürmək qərarını alqışladığını bildirib. O, həmin vəzifəni tutmağa hazır olduğunu, ancaq orada cəmi iki il qala biləcəyini deyib.

Sputnik Azərbaycan RİA Novosti-yə istinadən bildirir ki, bu gün Gürcüstanın keçmişdə hakimiyyətdə olmuş “Vahid Milli Hərəkat” partiyası parlament seçkisində qalib gələcəyi təqdirdə özünün eks-lideri Mixeil Saakaşvilini baş nazir postuna namizəd göstərəcəyini bəyan edib. Seçki oktyabrın 31-də keçiriləcək.

“Milli hərəkat və bir sıra digər vətəndaşlarımız mənim Gürcüstanın baş naziri olma məsələmi qaldırıblar. Bu barədə düşünürəm və demək istəyirəm ki, bu vəzifəni üzrəimə götürməyə hazıram, amma sadəcə hakimiyyətə gəlmək üçün, yaxud da hakimiyyət üçün darıxdığıma görə yox... Mən tam müddətdə baş nazir olmayacam, maksimum iki il, çünki bu iki il Gürcüstanı bataqlıqdan çıxarıb irəli aparmağa kifayət edəcək”, - “Mtavari” telekanalının birbaşa yayımladığı çıxışında Saakaşvili deyib.

Onun sözlərinə görə, həftənin 7 günü, 24 saat müxtəlif insanlarla “Gürcüstanın xilası üçün” işləməyə hazırdır. 

Bundan əvvəl Saakaşvili Facebook-dakı videomüraciətində Ukraynaya ona “ikinci ev” olduğuna görə təşəkkür edərək bildirib ki, artıq vətəninə qayıdır. Siyasətçi deyib ki, prezidentliyi dövründə bəzi səhvlər edib, ancaq indi ölkəsinə xidmət etmək üçün kifayət qədər təcrübə toplayıb. Gürcüstan hakimiyyətindəki bəzi nümayəndələr onun qayıtma xəbərini yalan adlandırıblar, Ədliyyə naziri Teya Tsulukiani isə Saakaşvili sərhədi keçən kimi onu həbs edəcəyinə söz verib.

Saakaşvili Gürcüstanı 2013-cü ildə tərk edib. Orada ona qarşı bir neçə cinayət işi açılıb və bəziləri üzrə qiyabi olaraq həbs cəzaları kəsilib. 2015-ci ilin yazında Saakaşvili Ukrayna siyasətinə gəlib, həmin vaxt prezident olan Pyotr Poroşenko ona vətəndaşlıq verərək Odessa vilayətinin qubernatoru təyin edib. 2016-cı ildə Poroşenko onu Odessanı inkişaf etdirəcəyinə dair verdiyi vədi yerinə yetirmədiyinə görə işdən, 2017-ci ilin iyulunda isə Ukrayna vətəndaşlığından çıxarıb.

2018-ci ilin fevralında Saakaşvili Polşaya sürgün edilib. Ukraynanın hazırkı Prezidenti Vladimir Zelenski 2019-cu il mayın 28-də Saakaşvilinin vətəndaşlığını bərpa edib və o, Ukraynaya gəlib. Bu ilin mayında Zelenski Saakaşvilini Ukraynanın Milli İslahatlar Şurasının icraiyyə komitəsinin başçısı təyin edib. 

 

28
Teqlər:
Baş nazir, Ukrayna, Gürcüstan, Mixeil Saakaşvili
Əlaqədar
Bu da nümunə göstərdiyimiz qonşu - Ümid oktyabr ayınadır
“Saakaşvili böhranı” davam edir – Ukrayna Gürcüstana cavab verdi
"Koronavirusun yuvasını tapmışam". Gürcüstanlı gənc Saakaşvili kitabxanasına od vurdu
Saakaşvilidən Gürcüstan hökumətinə imtina edilməyəcək təklif
Ərdoğan və Merkel

Merkeldən Ərdoğana dəstək, dünyanın düzənini dəyişmək istəyirlər

1
(Yenilənib 18:21 22.09.2020)
Qlobal problemlər milli sərhədlərdən asılı olmayaraq razılaşma və əməkdaşlıq tələb edir. Çox vaxt Təhlükəsizlik Şurası vacib qərarlar verilməli olduqda bloklanır

BAKI, 22 sentyabr — Sputnik. Almaniya Kansleri Angela Merkel BMT-də islahatların aparılmasının vacibliyini bildirib. Sputnik Azərbaycan xəbər verir ki, Almaniya Kansleri təşkilatın 75 illiyi ilə bağlı BMT-nin Baş Assambleyasında çıxışı zamanı bildirib.

Merkel qeyd edib ki, Berlin BMT Təhlükəsizlik Şurasının genişləndirilməsi prosesinin təşəbbüskarı rolunu öz üzərinə götürə bilər.

"Qlobal problemlər milli sərhədlərdən asılı olmayaraq razılaşma və əməkdaşlıq tələb edir. Çox vaxt Təhlükəsizlik Şurası vacib qərarlar verilməli olduqda bloklanır", - deyə siyasətçi qeyd edib.

Qeyd edək ki, daha əvvəl Türkiyə Prezidenti Rəcəb Tayyib Ərdoğan dəfələrlə BMT Təhlükəsizlik Şurasının müasir standartlara cavab vermədiyini və qurumda islahatların aparılmasının vacibliyini vurğulayıb.

1
Teqlər:
dünya, Merkel, Rəcəb Tayyip Ərdoğan, Təhlükəsizlik Şurası, BMT
Əlaqədar
Lavrov dövlətlərin "özününkülər"ə və "yadlar"a bölünməsindən gileylənib
Ərdoğan dəhşətli faktları açıqladı: Müsəlmanların taleyi beşlikdən asılı ola bilməz
Prezident siyasi partiyalarla dialoq barədə: Bu, bizim siyasi sistemimizi gücləndirəcək
İlham Əliyev: BMT-ni Ermənistanı növbəti hərbi təcavüzdən çəkindirməyə çağırdı
ABŞ-da epidemioloji vəziyyət

Bir gündə 50 mindən çox şəxs koronavirusa yoluxdu

2
(Yenilənib 17:25 22.09.2020)
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 22 sentyabr — Sputnik. ABŞ-da bir gündə koronavirusa yoluxanların sayı 57070 nəfər artıb. Sputnik Azərbaycan Cons Hopkins Universitetinin saytına istinadən xəbər verir ki, bu ölkədə COVID-19-a yoluxanların sayı 6,8 milyonu keçib.

Mütəxəssislərin fikrincə, ABŞ-da pandemiyanın başlamasından bəri 6 858 130 şəxs bu infeksiyaya yoluxub. Ümumilikdə 199886 pasiyent bu virusun qurbanı olub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 31,3 milyonu keçib, 93 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

 

2
Teqlər:
Uhan, ölüm, yoluxma, dünya, Koronavirus, epidemiya, COVID-19
Əlaqədar
Rusiyanın koronavirus peyvəndi: hansı ölkələr onu almaq istəyir
Azərbaycanda son sutkada 98 nəfər COVID-19-a yoluxub
Təəccüblü kəşf: bu xəstəliyə yoluxmaq koronavirusa qarşı immunitet yaradır
Azərbaycanda vaksin müzakirələri: Koronavirusla gələcək mübarizəyə necə hazırlaşırıq?!
Dil çaşar, sözün düzünü deyər? Bayden 200 milyon amerikalının öləcəyini bildirib