Bloggerin rəfiqəsi

Bloggerin rəfiqəsi ilə boya zarafatı abunəçilərini şoka salıb

28
(Yenilənib 18:26 04.09.2020)
Kristen Henbi adlı blogger öz rəfiqəsi ilə zarafat etmək istəyib və nəticədə tamamilə əks-effektə nail olub.

BAKI, 4 sentyabr — Sputnik. "YouTube" bloggeri Kristen Henbi rəfiqəsi Cesmin ilə zarafat etmək məqsədilə vannaya köpüklə birlikdə parça boyası töküb, lakin onun bu hərəkəti abunəçilərini qəzəbləndirib.

Sputnik Azərbaycan RİA Novosti-yə istinadən xəbər verir ki, o, videonu "Instagram" səhifəsində yerləşdirib.

Qız vanna qəbul etməyə başlayıb və bir neçə dəqiqədən sonra blogger onun qışqırıqlarını eşidib. Bundan sonra o, hamamdan dəsmala bürünmüş çıxıb və məlum olub ki, onun qolları və ayaqları tamamilə mavi rəngə boyanıb.

Henbi ona gülərək onu "dünyanın ən qəzəbli smurfu" adlandırıb.

Lakin "Twitter" istifadəçilərindən biri bu videonu səhifəsində paylaşaraq Henbinin bu hərəkətini gülməli hesab etmədiyini vurğulayıb və bu fikri çox sayda istifadəçi dəstəkləyib.

"Bu onu sözün həqiqi mənasında öldürə bilərdi. Parça üçün boyanın cinsiyyət orqanları, gözlər və ya ağızla təması yolverilməzdir. Bu, çox təhlükəlidir. O, həkimə müraciət etməlidir, çünki bu, onun sağlamlığına ciddi zərər verə bilər", — deyə bir istifadəçi qeyd edib.

Bəzi abunəçilər Henbini qıza elementar hörmət etməməkdə günahlandırıblar.

"Axı ona nə etmişdi? Belə şeylər adətən nəyəsə görə qisas almaq üçün edilir, heç kim belə oyunları elə-belə təşkil etmir", - şərhlərdə bildirilir.

Amma prankerə görə müdafiə edənlər tapılmadı.

"Düşünürəm ki, bu videonu pisləyən qızların bir çoxu belə bir şey oğlanın başına gətirilsəydi, ona gülərdilər", — deyə şərhçilərdən biri qeyd edilib.

28
Teqlər:
qəzəb, abunəçi, zarafat, blogger
Əlaqədar
Məşhur rusiyalı bloger azərbaycanlı vəkili niyə məhkəməyə verib?
İran avstraliyalı blogeri həbsxanadan azad edib
Bir dəfə görmək daha yaxşıdır: qırğız bloger Azərbaycanı ziyarət etmək istəyir
Azərbaycanlı bloger rus müğənni Yeqor Kridlə sevgili olmasına aydınlıq gətirib
Bayraq festivalı

"Eşkiya dünyaya hökmdar olmaz"ın İlyas Çakırbeylisi Azərbaycan gerbini hazırladı

19
(Yenilənib 00:43 22.01.2021)
Məşhur aktyor iş prossesini özünün "instagram" hesabında paylaşım edib: "Yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər".

BAKI, 22 yanvar — Sputnik. "Eşkiya dünyaya hökmdar olmaz" serialında İlyas Çakırbeyli rolunu canlandıran Ozan Akaba Azərbaycanın milli gerbini hazırlayıb.

Sputnik Azərbaycan xəbər verir ki, məşhur aktyor iş prossesini özünün "Instagram" hesabında paylaşıb. Aktyor "yavaş-yavaş, ehtiyatla, öyrənə-öyrənə.... Sakitlik hər zaman mümkündür. Nə edəcəyini bil yetər" yazıb. Azərbaycandan olan izləyicilər aktyora xoş rəylər yazıblar.

View this post on Instagram

A post shared by Ozan Akbaba (@ozanakbaba)

Qeyd edək ki, aktyor "Aman Reis Duymasın", "Abluka", "Mutlak Adalet", "Krallar Kulübü", "Kadir ve Kardeşleri" və s. filmləri ilə məşhurdur.

19
Alen Delonun xanımı Natali Delon

Alen Delonun keçmiş həyat yoldaşı vəfat edib

9
(Yenilənib 00:37 22.01.2021)
Aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.

Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.

9

Azərbaycan futbol çempionatı tarixində ən yaxşı bombardir kimdir

0
(Yenilənib 00:41 22.01.2021)
Futbol üzrə Azərbaycan Premyer Liqasının hazırkı bombardirlərinin nəticələri Azərbaycan çempionatları tarixində ən çox qol vuran oyunçuların göstəricilərindən xeyli uzaqdır.
İnfoqraka: Azərbaycanın futbol üzrə bombardirləri
© Sputnik / Elnur Salayev

Futbol üzrə Azərbaycan Premyer Liqasının birinci yarısı artıq geridə qalıb və bombardirlərin siyahısında Bakının "Neftçi" komandasının hücumçusu Namiq Ələsgərov liderdir. O, çempionatın 13 turu ərzində 8 qol vurub. "Qarabağ"ın oyunçuları Mahir Əmrəli və Filip Ozobiç isə öz hesablarına 7 qol yazdıra biliblər.

Lakin hazırkı oyunçuların göstəriciləri Azərbaycanın futbol üzrə çempionatlarının bütün tarixi boyunca ən yaxşı bombardirlərinin iyirmiliyinə daxil olanların göstərdiyi nəticələrdən çox uzaqdır. Həmin futbolçuların hamısı artıq karyerasını başa vurub. Bu siyahıya 183 qolla Nazim Əliyev liderlik edir. İkinci yerdə qərar tutan Müşfiq Hüseynov ondan 58 qol geri qalır. Üçlüyü aktivində 116 qol olan Rövşən Əhmədov tamamlayır.

Yeri gəlmişkən, Azərbaycanın futbol üzrə çempionatlarının bütün tarixi boyunca ən yaxşı bombardirlərinin beşliyində Ağdamın "Qarabağ" klubunun baş məşqçisi Qurban Qurbanov da var. O, cəmi 115 qol vurub.

Azərbaycanın futbol üzrə çempionatlarının ən yaxşı bombardirlərinin tam siyahısı ilə Sputnik Azərbaycan-ın xüsusi infoqrafikasından tanış olmaq mümkündür.

0