Ceff Bezos, arxiv şəkli

Dünyanın ən varlı adamının şirkətində qalmaqal: bəlkə, elə buna görə pulludur?

44
(Yenilənib 22:39 03.09.2020)
Şirkət anbar işçilərinin əllərini haraya qoyduqlarını izləyə bilən qolbağın patentini alıb. Hətta bu qolbaqdakı vibrasiya funksiyası ilə insanın əlini istənilən istiqamətə yönəltmək mümkündür

BAKI, 3 sentyabr — Sputnik. Dünyanın ən varlı insanı olan Ceff Bezosa məxsus Amazon şirkəti öz əməkdaşlarını izləyirmiş.

Sputnik Azərbaycan bildirir ki, bu barədə “Açıq bazarlar institutu” (Open Markets Institute) hüquq mühafizəsi şirkətinin araşdırmasında deyilir.

Koronavirus pandemiyası zamanı reteyler süni intellekt vasitəsilə əməkdaşlarının hərəkətini izləyən sistemi işə salıb. Videonəzarət oğurluq hallarını izləyir, eləcə də fasiləyə sərf olunan vaxtı da nəzarətdə saxlayır. Şirkət anbar işçilərinin əllərini haraya qoyduqlarını izləyə bilən qolbağın patentini alıb. Hətta bu qolbaqdakı vibrasiya funksiyası ilə insanın əlini istənilən istiqamətə yönəltmək mümkündür.

Hesabatda o da bildirilir ki, sürücülər 1000 bağlamadan 999-nu vaxtında çatdırmasalar, işdən qovula bilərlər. Bu isə, tədqiqatçılatın fikrincə, sürətin aşılmasına və qəzalara səbəb olur. İddiaya görə, Amazon işçilərdən anbara girmədən öncə su şüşəsi və şəffaf pul torbasından başqa hər şeyi girişdə təhvil verməyi tələb edir. Günün sonunda işçiləri 25-60 dəqiqə ərzində yoxlayırlar.

Həmçinin qeyd olunur ki, Amazon işçilərin həmkarlar ittifaqlarında birləşməsinin qarşısını alır və xeyli sayda insanın bir yerə toplaşmasına izn vermir.

Hesabatda vurğulanır ki, şirkətin işçiləri daim stress altındadırlar və işdən çıxarılma qorxusu ilə yaşayırlar. Şirkətin avtomatik olaraq təyin etdiyi tapşırıqların yerinə yetirilmə vaxtından geri qalan əməkdaşa sistem “töhmət” verir, bu isə işdən qovulmaqla nəticələnə bilər.

İyulda bir neçə iri şirkət (Amazon, Apple, Facebook и Google) ABŞ Konqresinin antiinhisar komitəsində dinləmələr zamanı rəqabətə pis təsir edən üstün mövqelərinə görə tənqid olunublar.

 

44
Əlaqədar
Dünyanın ən varlı adamı hökumətdən onu yoxlamasını istədi
Tarixdə bir ilk - Onun sərvəti 200 milyard dolları keçdi
Koronavirusun varlandırdığı: Bir gündə 6 milyard qazandı - FOTO
Yüz milyardlar birdən getdi – Virus dünyanın ən varlılarını bir günə vurdu
Bezos şikayət etdi, evinə FTB gəldi
Su-30SM çoxfunksiyalı qırıcı, arxiv şəkli

Rusiyada "Su-30" qırıcısı qəzaya uğrayıb

2
(Yenilənib 16:44 22.09.2020)
Məlumata əsasən, qırıcının ekipajı uğurla katapulta edib, yerə endikdən sonra pilotlar əlaqəyə çıxıblar. Hazırda ekipaj müvafiq hava limanına təxliyə olunub.

BAKI, 22 sentyabr — Sputnik. Rusiyanın Tver vilayətində "Su-30" qırıcısı qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Qərb Hərbi Dairəsi məlumat yayıb.

"Sentyabrın iyirmi ikisi Tver vilayətində planlı təlim zamanı Qərb Hərbi Dairəsinin "Su-30" tipli təyyarəsi qəzaya uğrayıb", - deyə məlumatda bildirilir.

Məlumata əsasən, qırıcının ekipajı uğurla katapulta edib, yerə endikdən sonra pilotlar əlaqəyə çıxıblar. Hazırda ekipaj müvafiq hava limanına təxliyə olunub.

2
Teqlər:
Müdafiə Nazirıiyi, ekipaj, SU-30, Rusiya, qəza, təyyarə
Leonid Kalaşnikov, arxiv şəkli

Kalaşnikov: Azərbaycanlılarla "böyük görüş" keçiriləcək

14
(Yenilənib 16:27 22.09.2020)
Azərbaycanın nümayəndə heyəti sentyabrın 23-də Rusiya Dövlət Dumasında "böyük görüş" keçirəcək. Rusiya və Azərbaycan parlamentariləri COVID-19 pandemiyası şəraitində iqtisadi əməkdaşlıq və qarşılıqlı fəaliyyət məsələlərini müzakirə etmək niyyətindədirlər

BAKI, 22 sentyabr — Sputnik, Mariya Namenko. Rusiya Dövlət Dumasının deputatları sentyabrın 23-də Azərbaycanın parlament nümayəndə heyəti ilə görüşəcəklər. Bu barədə Sputnik-ə Rusiya Dövlət Dumasının MDB İşləri, Avrasiya İnteqrasiyası və Həmvətənlərlə Əlaqələr Komitəsinin rəhbəri Leonid Kalaşnikov bildirib.

"Sabah Dövlət Dumasında Vyaçeslav Volodinin (RF Dövlət Dumasının sədri – red.) Azərbaycan nümayəndə heyəti ilə böyük görüşü keçiriləcək. Bizim tərəfimizdən 8-10 nəfər olacaq", – o bildirib.

Kalaşnikov dəqiqləşdirib ki, görüşün gündəmindəki əsas məsələlərdən biri "xüsusilə də koronavirus pandemiyası şəraitində Azərbaycan parlamentinin yeni tərkibi ilə necə işləmək" barədə razılığa gəlməkdir.

"Biz iki palata arasında yüksək səviyyəli komissiya yaratmaq fikrindəyik. Ümid edirəm ki, hələ keçmiş heyətlə birgə nəzərdə tutduğumuz bütün fikirlərimizdən bəlkə də xəbərdar olmayan parlamentin yeni heyəti üçün məhz bu görüş faydalı olacaq", – deputat əlavə edib.

Xatırladaq ki, 2020-ci il fevralın 9-da Azərbaycanda ilk növbədənkənar parlament seçkiləri keçirilib.

"Bir sözlə, Xəzərlə bağlı sazişdən iqtisadiyyata və pandemiyaya qədər geniş məsələlər spektrini müzakirə etməliyik", – Kalaşnikov bildirib.

Milli Məclisin spikeri Sahibə Qafarovanın rəhbərlik etdiyi parlament nümayəndə heyətinin Moskvaya səfəri sentyabrın 23-dək davam edəcək. Azərbaycan parlamentinin sədri Federasiya Şurasında çıxış etməyi və Təhlükəsizlik Şurasının sədri Valentina Matviyenko ilə görüşməyi də planlaşdırır.

Bundan başqa, Milli Məclisin mətbuat xidməti Sahibə Qafarovanın Rusiyanın Xarici İşlər naziri Sergey Lavrovla görüşəcəyini elan edib.

14
Teqlər:
Duma, Rusiya, Sahibə Qafarova, millət vəkilləri, Parlament, Azərbaycan
Əlaqədar
Azərbaycan parlamentinin spikeri Moskvaya gedib
Sahibə Qafarova Sergey Lavrovla görüşəcək
Bakı və Yaroslavlı birbaşa aviareys birləşdirə bilər
Milli Məclisin spikeri Türkiyə Prezidenti ilə görüşüb
Fazil Mustafa: Spikerin Türkiyə səfərinin müsbət nəticələri yaxın vaxtlarda görünəcək
Azərbaycan Respublikası Dövlət Təhlükəsizliyi Xidmətinin binası

DTX vətəndaşlara müraciət etdi

0
(Yenilənib 17:15 22.09.2020)
Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır

Eldar Tanrıverdiyev, Sputnik Azərbaycan

BAKI, 22 sentyabr — Sputnik. Azərbaycan Respublikası Dövlət Təhlükəsizliyi Xidməti (DTX) açıqlama yayıb.

Sputnik Azərbaycan xəbər verir ki, DTX-nin rəsmi saytında yer alan açıqlamada deyilir:

"Ermənistan-Azərbaycan qoşunlarının təmas xəttində hərbi təxribatların intensivləşməsi ilə eyni vaxtda düşmən tərəfi sosial şəbəkə resurslarında saxta azərbaycanlı adlarından və Azərbaycan dilindən istifadə etməklə cəbhə bölgələrində əhali arasında gərginlik və çaxnaşma yaratmaq, eləcə də Silahlı Qüvvələrimizin hərbi bölmələrinin fəaliyyəti, əməliyyat niyyətləri, yerdəyişmələri və s. barədə məlumatlar toplamaq məqsədilə davamlı fəaliyyət göstərirlər.

Qeyd edilən hallarla əlaqədar, Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır.

Anonim profillərlə onlara edilmiş bu qəbil müraciətlər, sosial şəbəkə yazışmaları və mesengerlərlə ötürülən məlumatlara reaksiya verməmək, həmin məlumatları tanış və qohumlar arasında paylaşmamaq tövsiyə edilir. Cəbhədəki vəziyyətlə bağlı yalnız ölkəmizin rəsmi dövlət qurumlarının məlumatlarına istinad edilməsi zəruridir. Saxta adlar və müxtəlif kommunikasiya kanalları ilə Azərbaycan vətəndaşlarına ünvanlanmış kəşfiyyat-təxribat xarakterli müraciətlərlə əlaqədar, Dövlət Təhlükəsizliyi Xidmətinin rəsmi internet səhifəsi (www.dtx.gov.az), əlaqə telefon (+99412 405 99 99) və qaynar xətt (+99412 1656) nömrələri, habelə DTX-nin rəsmi sosial şəbəkə resursları (https://www.facebook.com/DTXAzerbaijan, https://www.instagram.com/azerbaijandtx və https://twitter.com/DTX_Azerbaijan), WhatsApp və Telegram (+994 77 405 99 99) vasitəsilə məlumat verilməsi xahiş olunur.

Unutmayaq ki, hər hansı məsuliyyətsiz davranışdan çoxlu sayda hərbi qulluqçumuzun və mülki şəxsin həyat və sağlamlığı təhlükə altına düşə bilər".

0
Teqlər:
münaqişə, Dağlıq Qarabağ, Azərbaycan, Ermənistan, təxribat, sosial şəbəkələr, müraciət, DTX
Mövzu:
Azərbaycan və Ermənistan arasında müharibə
Əlaqədar
Bu, səfərbərlik deyil, adi təlimdir
Daxili İşlər Nazirliyi "Pikap"ların yığılması məsələsinə aydınlıq gətirdi
Türkiyədən Ermənistana xəbərdarlıq: Atəşlə oynama!
DTX yenə əməliyyat keçirdi – Tutulanlar var - VİDEO
Mövlud Çavuşoğlu: "Ermənistanı ağlını başına toplamağa çağırıram"