Rusiya bayrağı, arxiv şəkli

Rusiyaya qarşı sanksiyalar səhv idi Müxalifət lideri

15
(Yenilənib 19:18 01.09.2020)
Ən böyük müxalifət koalisiyasının lideri qeyd edib ki, Rusiya "tarixi əlaqələrə və ölkənin iqtisadiyyatına verdiyi töhfələrinə görə Monteneqro ilə ən yaxşı münasibətlərə layiqdir".

BAKI, 1 sentyabr — Sputnik. Qərbin Rusiyaya qarşı tətbiq etdiyi sanksiyaların Monteneqro tərəfindən dəstəklənməsi səhv idi.

Sputnik Azərbaycan xəbər verir ki, bu barədə "Monteneqronun Gələcəyi Uğrunda" müxalifət koalisiyasının lideri Zdravko Krivokapiç seçkidən və digər qüvvələrlə parlament əksəriyyətinin yaradılmasına dair müqavilədən sonra RİA Novosti-yə bildirib.

"Biz kiçik dövlətik və qlobal səviyyədə istəsək də heç bir təsirə malik ola bilmərik. Kimin biçdiyi və kimin su daşıdığı məlumdur (serb atalar sözü - red.), odur ki, bu cür kiçik dövlətin Rusiya Federasiyasına qarşı sanksiyaları tətbiq edən ilk dövlət olması qəbuledilməzdir", - müxalifət lideri bildirib.

Onun sözlərinə görə, sanksiyalar iqtisadi itkilərə səbəb olub.

"Xatırladım ki, biz "Plantaze" şərabını ixrac edirdik, turist qismində isə Serbiya, Bosniya və Herseqovina və Rusiyadan olan qonaqlar üstünlük təşkil edirdilər", — Krivokapiç vurğulayıb.

Ən böyük müxalifət koalisiyasının lideri həmçinin qeyd edib ki, Rusiya "tarixi əlaqələrə və ölkənin iqtisadiyyatına verdiyi töhfələrinə görə Monteneqro ilə ən yaxşı münasibətlərə layiqdir".

Monteneqroda parlament seçkisi avqustun 30-da keçirilib. İlkin məlumatlara görə, müxalifətə 30 ildə ilk dəfə Prezident Milo Cukanoviçin hakim Demokrat Sosialistlər Partiyasına (YPX) nisbətən daha çox seçici səs verib.

15
Əlaqədar
ABŞ-dan Rusiyaya daha bir zərbə: vaksin yaradan institutu da qara siyahıya saldılar
Avropa İttifaqından ABŞ-a böyük zərbə, vəziyyət Rusiyanın xeyrinə dəyişdi
Pribaltika ölkələri Lukaşenkoya sanksiya tətbiq ediblər: Bizim ölkəyə girmə
Rusiya: Dünyada kiberhücumların böyük əksəriyyətinin arxasında ABŞ dayanır
İqtisadiyyat siyasəti sıxışdırıb: ABŞ Rusiyanın ən yaxşı müştəriləri sırasında
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

4
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

4
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

11
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

11