Belarus Prezidenti Aleksandr Lukaşenko, arxiv şəkli

Pribaltika ölkələri Lukaşenkoya sanksiya tətbiq ediblər: Bizim ölkəyə girmə

35
(Yenilənib 19:38 31.08.2020)
Latviyanın Xarici İşlər naziri Edqars Rinkeviçs: "Onlar prezident seçkilərində fırıldaqçılıqdan və Belarusda dinc nümayişçilərə qarşı qəddarlıqdan məsuldurlar, biz müstəqil və demokratik Belarusu və onun vətəndaşlarını dəstəkləyirik"

BAKI, 31 avqust — Sputnik. Latviya, prezident Aleksandr Lukaşenko və onun administrasiyasının əməkdaşları da daxil olmaqla, Belarus Respublikasının 30 vətəndaşına ölkəyə daxil olmağı qadağan edib. Sputnik Azərbaycan RİA Novosti-yə istinadla xəbər verir ki, bu barədə Latviyanın Xarici İşlər naziri Edqars Rinkeviçs bildirib.

"Onlar prezident seçkilərində fırıldaqçılıqdan və Belarusda dinc nümayişçilərə qarşı qəddarlıqdan məsuldurlar, biz müstəqil və demokratik Belarusu və onun vətəndaşlarını dəstəkləyirik", — deyə Rinkeviçs Twitter-də yazıb.

Bundan başqa, respublikanın rəhbərinə, xüsusən daxili işlər və ədliyyə nazirlərinə, baş prokurora, Mərkəzi Seçki Komissiyasının üzvlərinə və hüquq-mühafizə orqanlarının bəzi əməkdaşlarına beş il müddətinə Estoniyaya giriş qadağan edilib.

Estoniyanın Xarici İşlər naziri Urmas Reynsalın sözlərinə görə, Tallin göstərdi ki, Belorusiyada insan haqlarının pozulmasına son dərəcə ciddi yanaşır, belarusların demokratik dəyişikliklərə nail olmaq naminə azad iradə və səylərini dəstəkləyir.

Lukaşenko daha əvvəl Litvaya səfəri qadağan edilən şəxslərin siyahısına daxil edilib. Bu Baltikyanı ölkənin Xarici İşlər naziri Linas Linkyaviçyusun qeyd etdiyi kimi, Vilnüs Avropa Şurasının Belarusda zorakılığa görə məsuliyyət daşıyan şəxslərə qarşı fərdi sanksiyaların tətbiq edilməsi qərarını alqışlayır.

Qeyd edək ki, avqustun 9-da Belarusda prezident seçkiləri keçirilib və MSK-nın məlumatına görə, Aleksandr Lukaşenko 80,1 faiz səs toplayaraq qalib gəlib. Onun əsas rəqibi Svetlana Tixanovskaya səslərin 10,12 faizini qazanıb.

Müxalifət bu nəticələri tanımayıb və hakimiyyətin ötürülməsi üzrə Koordinasiya Şurasının yaradıldığını elan edib. Tixanovskaya ölkəni tərk etmək qərarına gəlib və Litvaya gedib. Onun vəkilinin sözlərinə görə, prezidentliyə keçmiş namizədin başqa seçimi yox idi.

Nəticələr elan edildikdən sonra Belarusda icazəsiz kütləvi aksiyalar başlayıb və əvvəlcə güc strukturları tərəfindən sərt şəkildə yatırılıb. İlk günlərdə səsvermənin nəticəsindən narazı qalanlara qarşı gözyaşardıcı qaz, su şırnağı, işıq-küy qumbarası və rezin güllələrdən istifadə edilib. Sonradan hüquq-mühafizə orqanlarının əməkdaşları mitinqləri dağıtmağa və güc tətbiq etməyə son qoyublar.

Belarus Daxili İşlər Nazirliyinin məlumatına görə, etirazlar zamanı 6,7 mindən çox insan saxlanılıb, yüzlərlə insan xəsarət alıb, onların arasında ən azı 120 güc strukturu əməkdaşı var. Səhiyyə Nazirliyi toqquşmalar zamanı üç nəfərin həlak olduğunu bildirib.

35
Laboratoriya işçisi, arxiv şəkli

Rus virusoloq amerikalı həmkarını təkzib etdi: Denge ilə SARS-CoV-2 qohum deyillər

0
(Yenilənib 19:10 23.09.2020)
Denge qızdırmasından sağalmış insanlarda COVID-19 xəstəliyinə qarşı immunitet yarana bilər - Qamaleya adına Epidemiologiya və Mikrobiologiya Milli Tədqiqat İnstitutunun şöbə müdiri Aleksandr Butenko.

BAKI, 23 sentyabr — Sputnik. Denge qızdırmasından sağalmış insanlarda COVID-19 xəstəliyinə qarşı müəyyən immunitet yaranır. Bir qədər əvvəl Sputnik Azərbaycan "Reuters" agentliyinə istinadən xəbər verib ki, bu barədə ABŞ-ın Dyuk Universitetinin professoru Migel Nikolelisin hələ dərc edilməmiş araşdırmasında deyilir. 

Amerikalı alim aşkar edib ki, son illərdə denge qızdırmasının baş verdiyi bölgələrdə koronavirus daha aşağı sürətlə yayılır.

"Bu təəccüblü kəşf denge flavivirusu və SARS-CoV-2 serotipləri arasında qarşılıqlı immunoloji reaktivliyin olması imkanını artırır", – o qeyd edib.

Nikolelisin sözlərinə görə, onun fərziyyəsi təsdiqlənərsə, insanlar denge peyvəndi sayəsində COVID-19 xəstəliyinə qarşı müəyyən bir immunitet səviyyəsi əldə edə biləcəklər.

Qamaleya adına Epidemiologiya və Mikrobiologiya Milli Tədqiqat İnstitutunun şöbə müdiri, Professor Aleksandr Butenko bu fikirlə razı deyil. Radio Sputnik-in efirində o, öz arqumentlərini irəli sürüb.

"Koronaviruslar qrupu çox böyükdür, onların hamısı "Coronaviridae" taksonomik ailəsinə daxildir. İndiki pandemiyaya səbəb olmuş virus Beta-koronavirus cinsinə aiddir. Denge virusu isə "Flaviviridae" ailəsinə daxildir – bura həmçinin sarı qızdırma, gənə ensefaliti, yapon ensefaliti və bir çox başqa viruslar aiddir.  Yəni bu ailələrin virusları arasında elə bir antigen qohumluq yoxdur ki, infeksiyalar arasında qarşılıqlı immunitetə təsir edən amil kimi xidmət etsin. Qohumluq tamamilə yoxdur, buna görə də belə bir imkan istisna olunur", – Butenko bildirib.

Bundan başqa, o qeyd edib ki, denge qızdırmasının yayıldığı ölkələrdə koronavirus infeksiyasına yoluxma ilə bağlı statistika amerikalı alimin versiyasını təsdiq etmir.

"Koronavirusa yoluxmanın yüksək olduğu əsas ocaqları götürün – məsələn, Braziliya və daha bir neçə Cənubi Amerika ölkəsi. Braziliya denge qızdırması üzrə hiperendemik ölkədir, yəni xəstəlik orada çox aktiv şəkildə tüğyan edir – ölkədə bu virusun dörd növü və virusa qarşı çox əhəmiyyətli dərəcədə immun təbəqəsi var. Eyni sözləri Hindistan, tropik ölkələr haqqında da söyləmək olar. Orada koronavirusa yoluxma da yüksəkdir. Hər yerdə insanlar xəstələnir, baxmayaraq ki, denge virusuna qarşı əhəmiyyətli immun təbəqəsi var – istər Braziliyada, istər Kubada, istərsə də Latın Amerikasının digər ölkələrində bu, geniş yayılmış tipik infeksiyadır. Buna görə də denge qızdırması heç bir dərəcədə məhdudlaşdırıcı bir amil deyil. Denge virusuna qarşı immunitetin yaranmasının koronavirus infeksiyasına qarşı qoruyucu təsirə malik ola biləcəyini düşünmək üçün heç bir səbəb yoxdur", – Butenko bildirib.

0
Smartfonda sosial şəbəkə tətbiqlərinin loqosu, arxiv şəkli

Dövlət Komitəsi xaricdə yaşayan azərbaycanlılara müraciət etdi

5
(Yenilənib 18:41 23.09.2020)
Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır.

Eldar Tanrıverdiyev, Sputnik Azərbaycan

BAKI, 23 sentyabr — Sputnik. Diasporla İş üzrə Dövlət Komitəsi Dövlət Təhlükəsizliyi Xidmətinin İctimai əlaqələr şöbəsinin məlumatı ilə bağlı xaricdə yaşayan şoydaşlarımıza müraciət edib.

Komitədən Sputnik Azərbaycan-a verilən məlumata görə, müraciətdə xaricdəki azərbaycanlılara DTX-nın erməni təxribatı ilə əlaqədar məlumatının nəzərə alınması tövsiyə edilir: "Ermənistan-Azərbaycan qoşunlarının təmas xəttində hərbi təxribatların intensivləşməsi ilə eyni vaxtda düşmən tərəfi sosial şəbəkə resurslarında saxta azərbaycanlı adlarından və Azərbaycan dilindən istifadə etməklə cəbhə bölgələrində əhali arasında gərginlik və çaxnaşma yaratmaq, eləcə də Silahlı Qüvvələrimizin hərbi bölmələrinin fəaliyyəti, əməliyyat niyyətləri, yerdəyişmələri və s. barədə məlumatlar toplamaq məqsədilə davamlı fəaliyyət göstərir.

Qeyd edilən hallarla əlaqədar, Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır.

Anonim profillərlə edilmiş bu qəbil müraciətlərə, sosial şəbəkə yazışmaları və messencerlərlə ötürülən məlumatlara reaksiya verməmək, həmin məlumatları tanış və qohumlar arasında paylaşmamaq tövsiyə edilir. Cəbhədəki vəziyyətlə bağlı yalnız ölkəmizin rəsmi dövlət qurumlarının məlumatlarına istinad edilməsi zəruridir. Saxta adlar və müxtəlif kommunikasiya kanalları ilə Azərbaycan vətəndaşlarına ünvanlanmış kəşfiyyat-təxribat xarakterli müraciətlərlə əlaqədar, Dövlət Təhlükəsizliyi Xidmətinin rəsmi internet səhifəsi (www.dtx.gov.az), əlaqə telefonu (+99412 405 99 99) və qaynar xətt (+99412 1656) nömrələri, habelə DTX-nin rəsmi sosial şəbəkə resursları (https://www.facebook.com/DTXAzerbaijan https://www.instagram.com/azerbaijandtx https://twitter.com/DTX_Azerbaijan WhatsApp və Telegram (+994 77 405 99 99) vasitəsilə məlumat verilməsi xahiş olunur.

Unutmayaq ki, hər hansı məsuliyyətsiz davranışdan çoxlu sayda hərbi qulluqçumuzun və mülki şəxsin həyat və sağlamlığı təhlükə altına düşə bilər".

5
Teqlər:
erməni təxribatı, Ermənistan ordusu, Ermənistan, təhlükəsizlik, Diasporla İş üzrə Dövlət Komitəsi, Dövlət Təhlükəsizliyi Xidməti
Azərbaycanın Əməkdar artisti bəstəkar-müğənni Elza Seyidcahan

Elza Seyidcahan "Taclı eybəcər"lə gündəmi alt-üst etdi

0
(Yenilənib 19:37 23.09.2020)
Ekstravaqant geyimləri və şeirləri ilə məşhur olan Əməkdar artist Elza Seyidcahan bu dəfə də gündəmi alt-üst edib.

Şahpəri Abbasova, Sputnik Azərbaycan

BAKI, 23 sentyabr — Sputnik. Ekstravaqant geyimləri və zaman-zaman geniş müzakirələrə səbəb olan şeirləri ilə məşhur olan Əməkdar artist Elza Seyidcahan bu dəfə də gündəmi alt-üst edib.

Sputnik Azərbaycan-ın məlumatına görə, bəstəkar-müğənni bu dəfə dünyanı cənginə alan koronavirusa şeir yazıb. Müğənni şeiri ATV kanalında yayımlanan "Bağ mövsümü" verilişində səsləndirib.

Müğənni bildirib ki, sözügedən şeiri sərt karantin rejiminin tətbiq olunduğu vaxtlarda yazıb. Barəsində danışılan şeir "Taclı eybəcər" adlanır. Şeir sosial şəbəkə izləyiciləri tərəfindən sərt qarşılanıb. Onlar Əməkdar artisti buna görə qınayıblar.

https://www.youtube.com/watch?time_continue=43&v=LsPXCk7v3JY&feature=emb_logo

0
Əlaqədar
Seyidcahanın anası dələduzun hədəfinə tuş gəlib