Beyrutda etirazlar

Böhrandan çıxış yolu axtarırlar: “Gəlin dünyəvi dövlət quraq”

34
(Yenilənib 22:41 30.08.2020)
Bu ölkədə bütün hakimiyyət orqanları təriqətlər arasında bölünüb, yəni müəyyən bir orqana yalnız müvafiq təriqətdən olan adam başçılıq edə bilər

BAKI, 30 avqust — Sputnik. Livan Prezidenti Mişel Aun ölkənin siyasi sistemini dəyişərək vətəndaş müharibəsi zamanından qalmış hökumətin konfessional formalaşdırılması prinsipindən əl götürüb, Livanı dünyəvi dövlətə çevirməyi təklif edib.

Sputnik Azərbaycan RİA Novosti-yə istinadən bildirir ki, o bunu Böyük Livan dövlətinin yaradılmasının 100-cü ildönümü münasibətilə çıxış edərkən bildirib. Onun fikrincə, ölkədə arasıkəsilmədən davam edən böhran və Beyrut  limanında 190 nəfərin ömrünü bitirən partlayışın yaratdığı faciə fonunda belə bir təklif çıxış yolu ola bilər.

“Mən təklif edirəm ki, Livanı dünyəvi dövlət elan edək. Hər kəs üçün qəbuledilən, son nəticədə də konstitusiyada əksini tapacaq prinsipin formalaşdırılması üçün din xadimlərini və siyasətçiləri dialoqa çağırmağı boynuma götürürəm... İşlərin idarə olunmasında Livanın yeni anlayışa ehtiyacı var, bu təfəkkür də vətəndaşlığa və dövlətin dünyəviliyinə dayanmalıdır”, - Aun televiziya ilə müraciətində deyib.

Prezidentin sözlərinə görə, hakimiyyətin təriqətlərə görə bölünməsi səbəbindən hazırda Livan bir deyil, bir neçə respublikanı ehtiva edir.

Livanın konstitusiyasına görə, ölkənin bütün hakimiyyət orqanları təriqətlər arasında bölünüb, yəni müəyyən bir orqana yalnız müvafiq təriqətdən olan adam başçılıq edə bilər. Məsələn, qanuna görə, Livanın prezidenti vəzifəsini ancaq maronit xristian tuta bilər.

34
Əlaqədar
Livanda etirazçılar XİN binasını ələ keçirdilər, xeyli insan yaralandı - VİDEO
“Vaxtından əvvəl parlament seçkisi keçirsək, böhranı aşarıq”
Mitinqlər nəticə verdi – hökumət tam tərkibdə istefaya getdi
XİN: Ermənistan Azərbaycanın səbrini sınağa çəkməyə son qoymalıdır
Beyrutda ölənlərin sayı yenə artdı
Dieqo Armando Maradona

Maradonanın həkimi ittihamlara cavab verdi

13
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

13
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

14
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

14
Teqlər:
Fransa, final, müsabiqə, Polşa, Uşaq Avroviziyası, uşaqlar