Challenger 2 tankı, arxiv şəkli

Ənənəvi müharibələr tarixə qovuşur? İlk tankçılar artıq qərar veriblər

83
(Yenilənib 14:02 25.08.2020)
Böyük Britaniya tanklardan və piyadanın döyüş maşınlarından imtina etməyi planlaşdırır. Hərbi şərhçi Aleksandr Jilin Sputnik radiosunun efirində bu qərarın səbəbləri barədə fikirlərini bölüşüb

BAKI, 25 avqust — Sputnik. Böyük Britaniya hökuməti silahlı qüvvələrin müasirləşdirilməsi təklifi çərçivəsində tanklardan imtina etmək imkanını nəzərdən keçirir. Sputnik Azərbaycan bildirir ki, bu barədə "The Times" qəzeti yazıb.

Qəzetin məlumatına görə, buna səbəb "Challenger 2" tanklarının və "Warrior" piyadanın döyüş maşınlarının müasirləşdirilməsinin baha başa gəlməsi olub. Böyük Britaniyanın Müdafiə Nazirliyində hesab edirlər ki, müharibə aparılmasının dəyişən xarakteri kibersilahlara, kosmosa və digər qabaqcıl texnologiyalara böyük investisiyalar tələb edir.

Bildirilir ki, tanklardan imtina hökumətin nəzərdən keçirdiyi xarici siyasət, müdafiə və təhlükəsizlik məsələləri çərçivəsində müzakirə edilir və bu müzakirələr noyabrda başa çatmalıdır.

Sputnik radiosunun efirində hərbi şərhçi, Milli Təhlükəsizliyin İctimai Tətbiqi Problemlərinin Öyrənilməsi Mərkəzinin rəhbəri, istefada olan polkovnik Aleksandr Jilin Britaniyanın bu qərarının səbəbləri barədə fikirlərini bölüşüb.

"Güman ki, Britaniya hərbçiləri bütün dünyada gedən hibrid müharibələri, hətta ənənəvi silahlı qüvvələri tətbiq etmədən belə, effektiv aparmağın mümkün olduğu qənaətinə gəliblər. Biz bunu çox gözəl görürük. Vətəndaş müharibələri daha çox ziyan vurur. Bundan başqa, bir sıra ölkələr yeni fiziki prinsiplərə əsaslanan silahların yaradılmasına diqqət yetirirlər. Söhbət nüvə silahına malik ölkələrin peyk qruplaşmalarına zərbə vurmaq üçün kosmosun hərbiləşdirilməsindən də gedir", – Aleksandr Jilin bildirib.

Qeyd edək ki, döyüşdə istifadə edilmiş ilk tank (Somma döyüşü, 15 sentyabr 1916-cı il) ilk dəfə Britaniyada yaradılmış "Mark I" ağır tankı olub.

83
Teqlər:
Böyük Britaniya, tank, strategiya, dünya, müharibə
Əlaqədar
Avropada yeni münaqişə ocağı yarana bilər – səbəb yenə torpaqdır
"Qoşun gətirirlər": Norveçdə nə baş verir
Serj Sarqsyanın Naxçıvan xülyası - Sərsəm arzular silsiləsindən
Hollivudsayağı "ulduz müharibələri" üçün material: Rusiyanın yeni silahı çox iddialıdır
Trampın müşavirləri təşvişdə: yeni müharibədən qorxurlar
ABŞ-ın aviadaşıyıcı gəmisi Abraham Lincoln və B-52 bombardmançı təyyarələri Fars körfəzinə istiqamət alıblar

İran ABŞ hərbi gəmiləri arasında insident baş verib

7
(Yenilənib 20:32 11.05.2021)
Bu kimi hərəkətləri müşahidə edən Sepahın hərbi dəniz qüvvələrinə məxsus hərbi katerlər ABŞ-ın gəmilərinə xəbərdarlıq edib və onları sərhəddən uzaqlaşdırıblar.

BAKI, 11 may - Sputnik. Fars körfəzində İranın sahil mühafizə xidmətinin katerləri ilə ABŞ-ın hərbi gəmiləri arasında insident baş verib.

Sputnik Azərbaycan xəbər verir ki, bu barədə İran İslam İnqilabının Keşikçiləri Korpusunun (Sepah) Hərbi Dəniz Qüvvələrinin yaydığı açıqlamada deyilir.

Yayılan yazılı açıqlamada əvvəlcə ABŞ Müdafiə Nazirliyinin beynəlxalq sularda İrana məxsus 13 hərbi katerin ABŞ-ın 7 hərbi gəmisinə qarşı təxribat törətdiyi haqqında iddiası rədd edilib. Nəzərə çatdırılıb ki, mayın 10-da təxribat hərəkətlərini İran yox, ABŞ gəmiləri törədiblər. Körfəzdəki ABŞ gəmiləri İranın dəniz sərhədinə həddən artıq dərəcədə yaxınlaşaraq gəmidəki hərbi vertolyotların uçuşunu təşkil edib və havaya həyəcan fişəngi buraxaraq qeyri-professional addımlar atıblar. Başqa dövlətin dəniz sərhədi yaxınlığına bu kimi hərəkətlərə yol verilməsi dənizçilik haqqında beynəlxalq qanunlara ziddir.

Bu kimi hərəkətləri müşahidə edən Sepahın hərbi dəniz qüvvələrinə məxsus hərbi katerlər ABŞ-ın gəmilərinə xəbərdarlıq edib və onları sərhəddən uzaqlaşdırıblar.

Sepahın hərbi dəniz qüvvələri bir daha bəyan edir ki, sərhədləri yaxınlığında belə təxribatlara icazə verməyəcək və əgər qarşı tərəf qeyri-qanuni davranarsa sərt şəkildə cavab veriləcək.

7
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Minnixanova zəng etdi: Türkiyə Tatarıstana hər cür dəstək verməyə hazırdır

2
Telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

BAKI, 11 may - Sputnik. Türkiyənin xarici işlər naziri Mövlud Çavuşoğlu və Rusiya Federasiyasının Tatarıstan Respublikasının prezidenti Rüstəm Minnixanov arasında telefon danışığı olub.

Sputnik Azərbaycan xəbər verir ki, bu barədə Türkiyənin Xarici İşlər Nazirliyi açıqlama yayıb. Açıqlamada bildirilir ki, telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

Nazir ehtiyac olduğu halda Türkiyənin Tatarıstana hər cür dəstək verməyə hazır olduğunu da vurğulayıb.

Qeyd edək ki, bu gün Rusiyanın Kazan şəhərində orta məktəbə silahlı hücum olub. Hücum nəticəsində çoxu azyaşlı olmaqla 9 nəfər həlak olub, onlarla insan yaralanıb.

2