Britni Spirs, arxiv şəkli

Dünyaca məşhur ulduz atasından məhkəməyə şikayət edib

26
(Yenilənib 20:13 20.08.2020)
B.Spirs 2008-ci ildən bəri atasının himayəsindədir. Məhkəmə ağır əsəb pozğunluğu keçirən müğənnini valideyninin himayəsinə vermək barədə hökm çıxarıb

BAKI, 21 avqust — Sputnik. Dünyaca məşhur ifaçı Britni Spirs atasının himayəsindən çıxmaq tələbi ilə məhkəməyə müraciət edib.

Məşhur ulduzun pərəstişkarları isə müğənnin atasının himayəsindən azad edilməsini və sərbəst yaşamaq hüququnun qaytarılmasını tələb edir.

#FreeBritney haştaqı ilə başladılan kampaniyaya müğənninin minlərlə pərəstişkarı dəstək verib.

Xatırladaq ki, B.Spirs 2008-ci ildən bəri atasının himayəsindədir. Məhkəmə ağır əsəb pozğunluğu keçirən müğənnini valideyninin himayəsinə vermək barədə hökm çıxarıb. Britninin vəkili qəyyum statusunun Ceymi Spirsə qaytarılmasının əleyhinədir və məhkəmədən ulduzun atasını əmlakına sərəncam vermək hüququndan məhrum etməsini xahiş edib.

Qeyd edək ki, 2007-ci ildə həyat yoldaşı Kevin Federlayn ilə boşanan müğənni depressiyaya düşərək içkiyə və gecə həyatına başlamışdı. Buna görə də Kevin və Britninin izdivacından doğulan 2 uşaq məhkəmə tərəfindən atalarına verilmişdi. Daha sonra isə narkotik səbəbindən 2008-ci ildə bir neçə dəfə xəstəxanaya yerləşdirilən Spirsin psixi sağlamlığı daha da pisləşmişdi.

26
Əlaqədar
Şakira, Cey Lo, Madonna və Britni: ən qaynar ulduz duetləri
Şahzadənin xanımı aktrisalığa qayıdır
Müğənninin ayağının sınmağının səsini yarım milyon adam bəyəndi - VİDEO
“Əsas instinkt”in ulduzu bütün sirlərini açacaq
“Karib dənizinin quldurları”nda qəribə dəyişiklik olacaq
COVİD-19 xəstəsi, arxiv şəkli

Ermənistanın Səhiyyə Nazirliyi qorxunc statistikanı açıqladı: Koronavirus "bum"u yaşanır

80
(Yenilənib 12:15 25.09.2020)
Ermənistanın Səhiyyə Nazirliyi qorxunc statistikanı açıqladı: Son sutka ərzində 392 nəfər yeni növ koronavirus (COVID-19) infeksiyasına yoluxub.

BAKI, 25 sentyabr — Sputnik. Ermənistanda son sutka ərzində 392 nəfər yeni növ koronavirus (COVID-19) infeksiyasına yoluxub.

Sputnik Ermənistan-ın məlumatına görə, bu barədə ölkənin Səhiyyə Nazirliyi məlumat yayıb.

Bununla da Ermənistanda COVID-19-a yoluxanların ümumi sayı 48643 nəfərə çatıb.

Son sutkada Ermənistanda koronavirusdan 2 nəfər ölüb. Ölkə üzrə COVID-19-dan ölənlərin sayı 947 nəfərə çatıb.

80
Teqlər:
Koronavirus, epidemiya, COVID-19, Ermənistan
Əlaqədar
Ermənistanda koronavirusa yoluxanların sayı psixoloji həddi keçdi
Ermənistanda koronavirusa yoluxanların sayı 44 minə yaxınlaşır
Ermənistanda koronavirusa yoluxanların sayı 45 minə yaxınlaşır
Ermənistanda koronavirusdan ölənlərin sayı 900-ə çatıb
Ermənistanda koronavirusa yoluxanların sayı kəskin artdı
İran Prezidenti Həsən Ruhani və Ermənistanın baş naziri Nikol Paşinyan

İran Ermənistandan üz döndərir? Ruhaninin məktubu Yerevanı-bir-birinə vurub

148
(Yenilənib 12:06 25.09.2020)
İran diplomatiyası çox tez-tez öz mövqeyini və yanaşmasını birbaşa yox, dolayı yolla – məsələn məktublar vasitəsilə edir.

BAKI, 25 sentyabr — Sputnik. "İran diplomatiyası heç vaxt heç nəyi təsadüfən və elə belə etmir. Ona görə də ölkəmiz, İran Prezidenti Həsən Ruhani tərəfindən Baş Nazir Nikol Paşinyana Ermənistanın müstəqillik günü ilə bağlı göndərdiyi təbrik məktubundan nəticələr çıxarmalıdır".

Sputnik Ermənistan xəbər verir ki, bunu şərqşünas, Yerevan Dövlət Universitetinin İranşünaslıq kafedrasının müdiri Vardan Voskanyan bildirib.

Qeyd edək ki, Ruhani Paşinyana göndərdiyi təbrik teleqramında ikitərəfli münasibətlərin əhəmiyyətini qeyd edib. Maraqlı fakt budur ki, İran tərəfinin təbrik mesajı Ermənistanın müstəqillik günü yox, ondan düz 3 gün sonra Yerevana çatıb.

Sputnik Ermənistan məlumatı dəqiqləşdirmək üçün Paşinyanın mətbuat xidməti ilə əlaqə saxlayıb. Oradan bildirilib ki, doğurdan da İran tərəfinin məktubu sentyabrın 24-ü gəlib, lakin bunda heç bir mətnaltı məna axtarmaq lazım deyil.

Lakin erməni şərqşünas Voskanyan bu fikirdə deyil. Sputnik Ermənistan-a açıqlamasında o qeyd edib ki, İran diplomatiyası çox tez-tez öz mövqeyini və yanaşmasını birbaşa yox, dolayı yolla – məsələn məktublar vasitəsilə edir.

Voskanyan deyib:

"Bu diplomatiyaya, xüsusi ilə İran diplomatiyasına xas xüsusiyyətdir. Bu iki ölkənin münasibətlərində ortaya çıxan mümkün problemlər və maneələrin göstəricisidir".

Ekspert bunu Ermənistanın İsraillə əlaqələri dərinləşdirmək cəhdləri, xüsusi ilə Təl-Əvivdə bu ölkənin səfirliyinin açması ilə bağlı olduğunu qeyd edib. Voskanyan bunun İran tərəfinin narahatlığı ilə də izah oluna biləcəyini deyib.

Vardan Voskanyan qeyd edib ki, dostluq əlaqələri həm Tehran, həm də Yerevan üçün önəmlidir.

148

“Mən kiməm?” Baş rolda “Günəş insanı” çəkilən ilk serial necə ərsəyə gəlib

0
(Yenilənib 12:47 25.09.2020)
Azərbaycanda inklüzivliyin getdikcə artdığını seyr etmək xoş təəssürat yaradır. Baş rolda Daun sindromlu aktyorun çəkildiyi ilk milli serialın çəkilişləri artıq başa çatıb. Sputnik Azərbaycan məmnuniyyətlə onun çəkiliş pavilyonuna baş çəkib. Daha ətraflı – videomuzda.

Bu yaxınlarda “Reji” prodakşn tərəfindən çəkilişi başa çatdırılan “Mən kiməm” adlı və baş rolda Daun sindromlu qeyri-peşəkar aktyorun çəkildiyi serial sentyabrın 29-da artıq tamaşaçıya təqdim ediləcək.

Bütün dünya mediasında inklüziv serial və filmlərin hazırlanması artıq heç kimi təəcübləndirmir. Amma Azərbaycan səhnə və ekranları üçün bu hələ də yenilik olaraq qalır. Çox vaxt “günəş insanları”na epizodik rollar həvalə edildiyi halda, bu serialda baş qəhrəman məhz 24 yaşlı Əli Əsgərovdur. Serial onun ətrafında hərlənir və o, bütün çəkiliş günlərində iştirak edib. Serialın quruluşçu rejissoru Rahim Hacıyev isə etiraf edib ki, bu serialın çıxması ilə bu cür insanlara qarşı mənfi və ya xoş olmayan fikir sahibləri mütləq öz nəzər nöqtələrini dəyişəcəklər.

“Düşünürəm ki, bu uşaqlar cəmiyyətimizə paklıq və sevgi bəxş edir. Biz onların nümayiş etdirdikləri sevgi və nəvazişə qadir deyilik. Çəkiliş zamanı da Əli qrupun bir hissəsi olub. Onun üçün xüsusi şərait yaradılmayıb, çünki biz onu özümüzdən fərqli görmürük. Hər şeyi bizimlə birgə edib. Onunla işləmək hər kəs üçün olduqca xoş və ibrət verici olub”, - deyə Hacıyev bizimlə bölüşüb.

Baş qəhrəman Əli ilə söhbətimiz əsnasında isə məlum olub ki, filmdə çəkilmək onun üçün ən həyəcanlı məqamlardan biri olub. Və o, mütləq yenidən kinoda çəkilmək istədiyini deyib.

Tamaşaçılar serialın treyleri ilə tanış olmaq imkanı əldə edib. Biz isə onun ilk seriyasını səbirsizliklə gözləyirik.

0