Boeing 737 MAX

Qalmaqallı təyyarənin adını dəyişdilər

2123
(Yenilənib 23:07 20.08.2020)
Sertifikasiya zamanı xeyli qanun pozuntuları ortaya çıxdıqdan sonra 737 MAX-ın uçuşları qadağan olunan zaman Boeing-in müştəriləri bu təyyarə üçün verdikləri 400-dən çox sifarişi ləğv etdilər

BAKI, 20 avqust — Sputnik. Boeing şirkəti 737 MAX modelli təyyarənin adını dəyişib. İndi onun adı 737-8-dir, baxmayaraq ki, əvvəl ondan ancaq xidməti yazışmalarda istifadə olunurdu.

Sputnik Azərbaycan bildirir ki, bu barədə The Guardian yazıb.

Nəşrin məlumatına görə, dəyişiklik barədə Boeing-lə Polşanın Enter Air şirkəti dörd təyyarənin alınması barədə müqavilə imzaladıqdan sonra məlum olub.

Boeing-dən bildirilib ki, Enter Air satışı iki mərhələdə (hər dəfə 2 təyyarə olmaqla) gerçəkləşdirəcək. Satış tamamlanandan sonra aviaşirkətin 737-8 təyyarələrinin sayı ona çatacaq.

Ekspertlər istehsalçının öz ən qalmaqallı təyyarəsi üçün böyük güzəşt təklif etdiyini istisna etmirlər. Ümumilikdə 346 nəfərin həlak olduğu iki aviaqəzadan sonra bu, 737-8 modelinin alınması barədə ilk yeni müqavilədir.

Sertifikasiya zamanı xeyli qanun pozuntuları ortaya çıxdıqdan sonra 737 MAX-ın uçuşları qadağan olunan zaman Boeing-in müştəriləri bu təyyarə üçün verdikləri 400-dən çox sifarişi ləğv etdilər. Hazırda şirkət bildirir ki, bütün xətaları aradan qaldırıb və tezliklə istismarın bərpa ediləcəyinə ümid bəsləyir.

Araşdırma nəticəsində məlum olub ki, hər iki qəzaya təyyarənin texniki qüsurları, proqram təminatında çatışmazlıq və pilotların hazırlığının yetəri səviyyədə olmaması səbəb olub.

The Wall Street Journal-ın məlumatına görə, ABŞ höluməti, çətin ki, bu təyyarələrin uçuşuna 2021-ci ilin fevralınadək icazə versin. Bir çox ölkələrə icazələrin verilməsinə, texnikio servisə və pilotların hazırlanmasına da bir neçə ay tələb olunacaq.

 

2123
Əlaqədar
Təyyarədə maska üstündə dava düşdü
İran vurulan təyyarəyə görə kompensasiya ödəməkdən imtina etdi
MiQ-31: səmada ən təhlükəli ovçu
Dünya üzrə ölkədaxili uçuşlar ucuzlaşır
Britaniya aviaşirkətləri karantinə görə hökuməti məhkəməyə verməyə hazırlaşırlar
Автомобили ОБСЕ на линии соприкосновения, фото из архива

Minsk qrupu bəyanat yaydı: Həmsədrlər xarici işlər nazirləri Cenevrədə görüşəcək

1353
(Yenilənib 00:52 26.10.2020)
Həmsədrlər və xarici işlər nazirləri Cenevrədə görüşərək, Dağlıq Qarabağ münaqişəsinin sülh yolu ilə həlli üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün baza prinsiplərinə uyğun olaraq yenidən bir araya gələcəklər

BAKI, 26 oktyabr - Sputnik. Bu gün ATƏT-in Minsk Qrupunun həmsədrləri bəyanatla çıxış ediblər.

Sputnik Azərbaycan ATƏT-ə istinadla xəbər verir ki, bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Məlumata görə, ATƏT sədrinin şəxsi nümayəndəsi Anjey Kasprşik də görüşlərdə iştirak edib.

Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. 

Həmsədrlər tərəflərə hərbi əməliyyatları dərhal dayandırmağa və ATƏT-in Minsk qrupu həmsədrlərinin himayəsində Dağlıq Qarabağ münaqişəsinin həll olunması üçün əsaslı danışıqları bərpa etməyə çağıran Amerika Birləşmiş Ştatları Prezidenti Donald Tramp, Fransa Prezidenti Emmanuel Makron və Rusiya Prezidenti Vladimir Putinin 1 Oktyabr 2020-ci il tarixli ortaq bəyanatını, həmçinin Amerika Birləşmiş Ştatları Dövlət Katibi Maykl Pompeonun, Fransanın Avropa və Xarici İşlər Naziri Jan-İv Le Drianın və Rusiya Federasiyasının Xarici İşlər Naziri Sergey Lavrovun 5 oktyabrdakı birgə bəyanatını xatırladıblar.

Həmsədrlər və xarici işlər nazirləri intensiv müzakirələr zamanı təcili humanitar atəşkəsin tətbiq olunmasını, atəşkəsin monitorinqinin mümkün parametrlərini və 10 oktyabrdakı birgə bəyanata uyğun olaraq hərtərəfli həll yolunun əsas substantiv elementlərinin müzakirəsinə başlamağı müzakirə ediblər. Həmsədrlər və xarici işlər nazirləri oktyabrın 29-da Cenevrədə görüşərək, Dağlıq Qarabağ münaqişəsinin sülh yolu ilə həllinə nail olmaq üçün lazım olan bütün addımları müzakirə etmək, razılığa gəlmək və həyata keçirməyə başlamaq üçün Azərbaycan və Ermənistan liderləri tərəfindən qəbul edilən baza prinsiplərinə uyğun olaraq yenidən bir araya gəlməyi qəbul ediblər.

Bəyanatı ATƏT-in Minsk qrupunun həmsədrləri- Rusiya Federasiyasından İqor Popov, Fransadan Stefan Viskonti və Amerika Birləşmiş Ştatlarından Andryu Şofer yayıblar.

1353
Əlaqədar
Minsk Qrupu həmsədrləri Qarabağ münaqişəsi ilə bağlı bəyanat yayıblar
Minsk qrupu gəlib hesabat versin görək, münaqişə niyə həllini tapmayıb - Türkiyə XİN
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Rusiya prezidenti: Minsk qrupu formatını bir az dəyişmək olar
ABŞ Dövlət Departamenti Qarabağda humanitar atəşkəs barədə bəyan edib
Вид на город Ханкенди, фото из архива

ABŞ Dövlət Departamenti Qarabağda humanitar atəşkəs barədə bəyan edib

1752
(Yenilənib 00:35 26.10.2020)
ABŞ-ın Dövlət Departamentinin məlumatına görə, Dağlıq Qarabağda humanitar atəşkəs Bakı vaxtı ilə saat 08:00-da başlayacaq.

BAKI, 26 oktyabr - Sputnik. Dağlıq Qarabağda humanitar atəşkəs Bakı vaxtı ilə saat 08:00-da başlayacaq. Sputnik Azərbaycan xəbər verir ki, bu barədə ABŞ-ın Dövlət Departamenti məlumat yayıb. 

"ABŞ Minsk Qrupunun (ATƏT) həmsədrləri və xarici işlər nazirləri arasında intensiv danışıqlara töhfə verdi, beləliklə, Ermənistan və Azərbaycan Dağlıq Qarabağ münaqişəsinin sülh yolu ilə həll olunmasına yaxınlaşdılar", - deyə Departamentin açıqlamasında bildirilir.

Xatırladaq ki, bu ilin 23 oktyabr tarixində ABŞ-a işgüzar səfəri çərçivəsində Azərbaycan Respublikasının Xarici İşlər naziri Ceyhun Bayramov ABŞ Dövlət katibi Mayk Pompeo ilə görüşüb.

Ceyhun Bayramov amerikalı həmkarı ilə Ermənistan-Azərbaycan Dağlıq-Qarabağ münaqişəsində son vəziyyətlə bağlı müzakirə aparıb. 

O, Pompeoya Ermənistan tərəfinin destruktriv siyasəti, Azərbaycanlı dinc əhalinin məqsədyönlü şəkildə atəşə tutulması, xaricdən muzdluların və terrorçuların kütləvi cəlb olunması və sair məsələlər barədə ətraflı məlumat verib.

Ceyhun Bayramov vurğulayıb ki, Azərbaycanın haqlı mövqeyi BMT Təhlükəsizlik Şurasının dörd məlum qətnaməsinə və digər beynəlxalq təşkilatların müvafiq sənədlərinə əsaslanır.

Söhbət zamanı, həmçinin Azərbaycan-ABŞ ikitərəfli əlaqələrinə dair məsələlər üzrə fikir mübadiləsi aparılıb.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.
Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.
Bəyanata əsasən, atəşkəs rejiminin konkret parametrləri əlavə olaraq razılaşdırılacaq.
Azərbaycan Respublikası və Ermənistan Respublikası ATƏT-in Minsk Qrupunun həmsədrlərinin vasitəçiliyi ilə tənzimlənmənin əsas prinsipləri əsasında münaqişənin tezliklə sülh yolu ilə həlli məqsədilə substantiv danışıqlara başlayacaqlar.
Tərəflər danışıqlar formatının dəyişilməzliyini təsdiq ediblər.

Bu öhdəliklər 18 oktyabrda Parisdə təsdiqlənib və ikinci humanitar atəşkəs həmin gün Bakı vaxtı ilə saat 00:00-dan qüvvəyə minib.

Bu gün qüvvəyə minəcək humanitar atəşkəs Azərbaycanın işğal edilmiş ərazilərində hərbi əməliyyatların başladığı 27 sentyabrdan sonra sayca üçüncüdür.

1752
Əlaqədar
Atəşkəs başladı
Ermənistan humanitar atəşkəs xəbərini almayıb? Ağdamda dağıntılar davam edir – VİDEO
Ermənistan humanitar atəşkəs başlayandan mövqelərimizi raket və dron hücumuna məruz qoyub
XİN: Ermənistan humanitar atəşkəsi pozaraq təcavüzkar siyasətini davam etdirir

Lavrov: "Moskva Qarabağ münaqişəsinin hərbi yolla həllinə qarşıdır"

0
Hər iki xalqı – erməni və Azərbaycan xalqını dost və qardaş xalq olaraq nəzərdən keçirdiyimizdən biz bu cür yanaşmanı bölüşə bilmərik

BAKI, 26 oktyabr — Sputnik. Rəsmi Moskva Dağlıq Qarabağ münaqişəsinin hərbi yolla həllinə qarşıdır və bütün xarici oyunçuları hərbi ssenarini təşviq etməkdən çəkinməyə çağırıb. Sputnik Azərbaycan xəbər verir ki, bunu Rusiyanın Xarici İşlər naziri Sergey Lavrov "Afina və Makedoniya Xəbərlər agentliyinə" müsahibəsində bildirib.

"Bu problemin hərbi yolla həlli imkanı və mümkünlüyünə dair mövqeyi dəstəkləmədiyimizi gizlətmirik. Hər iki xalqı – erməni və Azərbaycan xalqını dost və qardaş xalq olaraq nəzərdən keçirdiyimizdən biz bu cür yanaşmanı bölüşə bilmərik", - deyə Lavrov qeyd edib.

O xatırladıb ki, ATƏT-in Minsk qrupunun həmsədr ölkələrinin rəhbərləri olaraq Rusiya, ABŞ və Fransa aydın şəkildə "yalnız siyasi yolla nizamlanmanın lehinə" çıxış ediblər.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.

Oktyabrın 25-də Zəngilan, Cəbrayıl, Qubadlı rayonlarının bir neçə kəndi və Qubadlı şəhəri işğalçılardan azad edilib.

0
Teqlər:
Sergey Lavrov, Rusiya, atəşkəs, ATƏT-in Minsk qrupu, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
Ermənistan dinc sakinlərimizi yenidən atəşə tutub
Ağdam və Laçındakı bölmələrimizin atəşə tutulması davam edir
Prezidentin köməkçisi: "Məsuliyyət Ermənistanın üzərinə düşür"
Hikmət Hacıyev: “Ermənistanın baş naziri yenidən yalan danışır”
Azərbaycan Ordusu atəşkəs rejiminə tam riayət edir - MN