Hovuzda qaynaşan insanlara bəraət qazandırdılar paxıllıq edirsiniz

75
Dünyada 22.4 milyondan çox insan yeni tip SARS-CoV-2 koronavirusuna yoluxub. Virusun səbəb olduğu COVID-19 xəstəliyindən 787 mindən çox insan dünyasını dəyişib. Rəsmi məlumatlara görə, Çində 90 min nəfər yoluxub, 4,7 min xəstə vəfat edib

BAKI, 20 avqust — Sputnik. Çinin hökumətyönümlü kütləvi informasiya vasitəsi olan The Global Times Uhan şəhərində minlərlə insanın çimərlik keyfinə bəraət qazandırıb: əcnəbilərin bu barədə narazılığını nəşr paxıllıqla əlaqələndirib.

Sputnik Azərbaycan bildirir ki, söhbət şəhərin nəhəng hovuzlarının birindən gedir. Yayılan foto və məlumatlarda qeyd olunurdu ki, oraya bir neçə min insan gəlibmiş. Onlar bir-birinə həddən artıq yaxın dayanıblar, hansısa sosial məsafədən söhbət gedə bilməz.

Nəşr Avstraliya və Britaniya mediası və onların oxucularının hiddətinə də yer ayırıb: əcnəbiləri ölümcül SARS-CoV-2 virusunun ilk ocağı olan Uhan şəhərinin bütün dünyanın pandemiyadan əziyyət çəkdiyi bir dövrdə bayram etməsi özündən çıxarıb.

The Global Times onların diqqətinə çinli oxucuların əks-nöqteyi nəzərini çatdırıb. Çinlilər deyirlər ki, Uhan 76 gün müddətində sərt karantində oturanda Qərb onları qınayırdı, indi isə bu karantin sayəsində əldə etdiyi nailiyyətə görə qınayır, yəni iş sadəcə “Çinə aid bütün hər şeyə qarşı nifrətdən” doğur.

Avqustun 19-da Amerika kəşfiyyatı hesabat yayaraq Uhan şəhəri və ümumilikdə Hubey əyalətinin hökumətinin SARS-CoV-2 infeksiyasının yayılmasını qəsdən təşkil etdikləri barədə məlumat verib. Hesabata görə, epidemiya başlayandan sonra bir neçə həftə ərzində onlar Pekini baş verənlər barədə məlumatlandırmayıblar.

Cons Hopkins Universitetinin son məlumatlarına görə, dünyada 22.4 milyondan çox insan yeni tip SARS-CoV-2 koronavirusuna yoluxub. Virusun səbəb olduğu COVID-19 xəstəliyindən 787 mindən çox insan dünyasını dəyişib. Rəsmi məlumatlara görə, Çində 90 min nəfər yoluxub, 4,7 min xəstə vəfat edib.

75
Mövzu:
Dünyanı cənginə almış bəla (479)
Əlaqədar
Koronavirusun vətənində izdiham - Uhan necə dəyişildi
İsrailin əlli qəpiklik koronavirus testi nəticəni bir dəqiqədən tez verir
İtlər koronaviruslu xəstəni müəyyən edə bilirmi?
Avropadakı koronavirus ştammı alimləri heyrətləndirdi
Çinin koronavirus peyvəndinin qiyməti bəlli oldu, amma gərək ikisini alasan
Ərdoğan və Merkel

Merkeldən Ərdoğana dəstək, dünyanın düzənini dəyişmək istəyirlər

4
(Yenilənib 18:21 22.09.2020)
Qlobal problemlər milli sərhədlərdən asılı olmayaraq razılaşma və əməkdaşlıq tələb edir. Çox vaxt Təhlükəsizlik Şurası vacib qərarlar verilməli olduqda bloklanır

BAKI, 22 sentyabr — Sputnik. Almaniya Kansleri Angela Merkel BMT-də islahatların aparılmasının vacibliyini bildirib. Sputnik Azərbaycan xəbər verir ki, Almaniya Kansleri təşkilatın 75 illiyi ilə bağlı BMT-nin Baş Assambleyasında çıxışı zamanı bildirib.

Merkel qeyd edib ki, Berlin BMT Təhlükəsizlik Şurasının genişləndirilməsi prosesinin təşəbbüskarı rolunu öz üzərinə götürə bilər.

"Qlobal problemlər milli sərhədlərdən asılı olmayaraq razılaşma və əməkdaşlıq tələb edir. Çox vaxt Təhlükəsizlik Şurası vacib qərarlar verilməli olduqda bloklanır", - deyə siyasətçi qeyd edib.

Qeyd edək ki, daha əvvəl Türkiyə Prezidenti Rəcəb Tayyib Ərdoğan dəfələrlə BMT Təhlükəsizlik Şurasının müasir standartlara cavab vermədiyini və qurumda islahatların aparılmasının vacibliyini vurğulayıb.

4
Teqlər:
dünya, Merkel, Rəcəb Tayyip Ərdoğan, Təhlükəsizlik Şurası, BMT
Əlaqədar
Lavrov dövlətlərin "özününkülər"ə və "yadlar"a bölünməsindən gileylənib
Ərdoğan dəhşətli faktları açıqladı: Müsəlmanların taleyi beşlikdən asılı ola bilməz
Prezident siyasi partiyalarla dialoq barədə: Bu, bizim siyasi sistemimizi gücləndirəcək
İlham Əliyev: BMT-ni Ermənistanı növbəti hərbi təcavüzdən çəkindirməyə çağırdı
ABŞ-da epidemioloji vəziyyət

Bir gündə 50 mindən çox şəxs koronavirusa yoluxdu

3
(Yenilənib 17:25 22.09.2020)
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 22 sentyabr — Sputnik. ABŞ-da bir gündə koronavirusa yoluxanların sayı 57070 nəfər artıb. Sputnik Azərbaycan Cons Hopkins Universitetinin saytına istinadən xəbər verir ki, bu ölkədə COVID-19-a yoluxanların sayı 6,8 milyonu keçib.

Mütəxəssislərin fikrincə, ABŞ-da pandemiyanın başlamasından bəri 6 858 130 şəxs bu infeksiyaya yoluxub. Ümumilikdə 199886 pasiyent bu virusun qurbanı olub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 31,3 milyonu keçib, 93 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

 

3
Teqlər:
Uhan, ölüm, yoluxma, dünya, Koronavirus, epidemiya, COVID-19
Əlaqədar
Rusiyanın koronavirus peyvəndi: hansı ölkələr onu almaq istəyir
Azərbaycanda son sutkada 98 nəfər COVID-19-a yoluxub
Təəccüblü kəşf: bu xəstəliyə yoluxmaq koronavirusa qarşı immunitet yaradır
Azərbaycanda vaksin müzakirələri: Koronavirusla gələcək mübarizəyə necə hazırlaşırıq?!
Dil çaşar, sözün düzünü deyər? Bayden 200 milyon amerikalının öləcəyini bildirib
20 nömrəli məktəbdə tədris prosesi, arxiv şəkli

Məktəb direktoru olmaq istəyənlərə pulsuz dərs keçəcəklər

0
(Yenilənib 18:36 22.09.2020)
Qısamüddətli təlimlər BŞTİ əməkdaşları və direktor vəzifəsinə işə qəbul üzrə müsabiqədən uğurla keçərək hazırda çalışan məktəb direktorları tərəfindən aparılacaq.

BAKI, 22 sentyabr — Sputnik. Bakı Şəhəri üzrə Təhsil İdarəsinin (BŞTİ) təşəbbüsü ilə ümumi təhsil müəssisələrinin direktoru vəzifəsinə işə qəbul olmaq istəyən şəxslər üçün təlimlərə start veriləcək. İdarədən Sputnik Azərbaycan-a verilən məlumata görə, idarəetmə bacarıqları, əmək və təhsil qanunvericiliyi ilə bağlı qısamüddətli təlimlər BŞTİ əməkdaşları və direktor vəzifəsinə işə qəbul üzrə müsabiqədən uğurla keçərək hazırda çalışan məktəb direktorları tərəfindən aparılacaq.

İctimai əsaslarla (ödənişsiz) keçiriləcək təlimlərin əsas məqsədi direktor vəzifəsinə işə qəbul üzrə müsabiqənin nəticələrinin daha da yaxşılaşdırılması, namizədlərin sözügedən müsabiqənin test imtahanı və müsahibə mərhələlərinə hazırlıq səviyyəsinin yüksəldilməsindən ibarətdir. Təlimlərdə, həmçinin təhsil müəssisələrinin idarəetməsi üzrə fəal və səriştəli kadrların öz təcrübələrini bölüşməsi, tədrisin və idarəçiliyin təşkilində həm pedaqoq, həm də rəhbər kimi müvafiq düşüncələrin çatdırılması, məktəbin əsas hədəfləri, özünəməxsusluğu haqqında pedaqoji və ictimai-fəlsəfi baxımdan idarəedənin yanaşmasını ortaya qoyması üçün şərait yaradılacaq.

Müraciət edənlərdən 80 nəfər müvafiq meyarlar üzrə seçilərək qısamüddətli təlimə cəlb olunacaq. Seçimlərdə 5 il pedaqoji stajı olan, hazırda ümumi təhsil müəssisələrində direktor müavini və ya müəllim vəzifəsində çalışan şəxslərə üstünlük veriləcək.

Mövcud karantin rejimi qaydalarına uyğun olaraq 10 təlimçi tərəfindən ayrı-ayrı qruplarda keçiriləcək təlimlərdə hər qrup üzrə 8 nəfərin iştirakı nəzərdə tutulur.

Təlimlərə qatılmaq istəyənlər şəxsi məlumatlarını (CV) 24 sentyabr 2020-ci il tarixinədək diqtelim@baku.edu.gov.az elektron poçt ünvanına göndərə bilərlər.

0
Teqlər:
pulsuz, təlim, direktor, məktəb