Qadın pəncərə yaxınlığında, arxiv şəkli

Ölümdən sonrakı həyatda işıqlı tuneldən başqa daha nələr olur?

1854
(Yenilənib 22:09 20.08.2020)
Bu, yer üzündə yaşayanların təsəvvür edə bilməyəcəyi sakit, isti hiss idi. Bu elə gözəl rəng idi ki, göryqurşağı kimi, ancaq bir qədər parlaq. Məni yaşıl təpəli peyzaj əhatə etmişdi

BAKI, 20 avqust — Sputnik. Kliniki ölüm keçirən qadın axirət həyatı haqqında danışıb.

Sputnik Azərbaycan xarici mətbuata istinadla xəbər verir ki, İraqda avtomobil qəzasından sonra kliniki ölüm keçirən Feits adlı qadın ayıldıqdan sonra öz hisslərini paylaşıb. Avtoqəzadan bir neçə gün sonra xəstəxanada özünə gələn qadın anlaşılmaz hisslər yaşayıb.

Feits avtomobil dağıntıları altında qalan cansız bədənini gördüyünü bildirib. Onun sözlərinə görə, sonra o, cənnətə yollanıb.

Feits öz hissləri haqda ölümdən sonra araşdırma fonduna yazıb: "Mən hər şeyə yuxarıdan baxırdım. Qan içində olan bədənimi görürdüm və insanlar onu maşından çıxarmağa çalışırdılar. Yazdıqlarımı sözlə ifadə etmək mümkün deyil. Mən parlaq işıqla əhatəyə alınmışdım. Bu, yer üzündə yaşayanların təsəvvür edə bilməyəcəyi sakit, isti hiss idi. Bu elə gözəl rəng idi ki, göryqurşağı kimi, ancaq bir qədər parlaq. Məni yaşıl təpəli peyzaj əhatə etmişdi".

O qeyd edib ki, daha əvvəl eşitmədiyi sakit musiqi də eşidib.

Bəzi tədqiqatçılar hesab edirlər ki, bu cür görüntülər elmi cəhətdən izah edilən bir hadisədir və sonrakı həyatı sübut etmir. ABŞ-ın Nyu-Yorkdakı Lanqon Tibb məktəbinin həkimi Sem Parniyanın fikrincə, insanlar onları özünə cəlb edən parlaq, isti, qarşılayan bir işıq hissini təsvir edirlər. Ölən qohumlarla görüşmə hissini təsvir edirlər. Tez-tez deyirlər ki, geri dönmək istəmədilər, bu işıq onları maqnit kimi cəlb edir.

Parniyanın sözlərinə görə, əksər insanlar bədənlərindən ayrıldıqlarını, bədənləri üzərində çalışan həkim və tibb bacılarını müşahidə etdiklərini danışırlar.

Alim qeyd edir ki, bu reaksiyaların elmi izahı var. Beyin sağ qalmaq texnikası kimi öz surətini çıxarır.

Neyrobioloq Kristof Kox ölümdən sonrakı təcrübələri fövqəltəbii səbəblərdən daha çox, təbii beyin mexanizmləri kimi izah etməyə çalışır: "Ölüm beyin fəaliyyətinin itkisi nəticəsində baş verir. Beyində qan axını (işemiya) və oksigen (anoksiya) olmadıqda xəstə huşunu itirir və onun elektroensefaloqramı düz olur ".

1854
Əlaqədar
Yeni dünyada yeni qaydalar: Koronavirusdan ölən şəxslər necə dəfn edilməlidir?
Minlərlə böyrək xəstəsinin ümidi beyin ölümü keçirənlərə qalıb
Alimlər vaxtsız ölümə səbəb olan xəstəliyə çarə tapdılar
Ölümdən sonra baş verənlər açıqlandı
Alimlər ölümlə bağlı dəhşətli faktlar üzə çıxardı
Dieqo Armando Maradona

Maradonanın həkimi ittihamlara cavab verdi

13
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

13
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

12
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

12
Teqlər:
Fransa, final, müsabiqə, Polşa, Uşaq Avroviziyası, uşaqlar