ABŞ Prezidenti Donald Tramp, arxiv şəkli

Trampın kimi əfv edəcəyi məlum oldu: bunu heç kim gözləmirdi

1995
İyunda The Hill nəşri yazmışdı ki, qadın seçicilərin çoxu hazırkı prezidentin yenidən seçilməsinin əleyhinədir

BAKI, 18 avqust — Sputnik. ABŞ Prezidenti Donald Tramp bir əsr bundan əvvəl səsvermədə qanunsuz iştirakda ittiham edilən sufrajistka Syuzan Entonini əfv edəcək.

Sputnik Azərbaycan bildirir ki, bu barədə The New York Times yazır.

Nəşr bu qənaətdədir ki, Trampın bu addımı prezident seçkisi ərəfəsində qadın seçicilərin səsini qazanmaq cəhdidir.

Əfv mərasimi ABŞ Konstitusiyasının qadınlara səs vermə hüququ tanıyan 19-cu düzəlişinin 100 illiyinə həsr olunub. Kütlə qarşısında çıxış edən Tramp deyib ki, dəyişikliklərə baxmayaraq, Entoni bəraət almayıb.

“Onu səs verdiyinə görə ittiham etdilər, biz isə tam və qəti bəraətə imza atacağıq”, - Prezident bəyan edib.

NYT qeyd edir ki, Entoni müasir feminist hərəkatı üçün birmənalı fiqur deyil. Yəni o, abortlara qarşı çıxıb, üstəlik, sufrajist hərəkatının qaradərili üzvlərini sıxışdırdığı barədə də məlumatlar var.

İyunda The Hill nəşri yazmışdı ki, qadın seçicilərin çoxu hazırkı prezidentin yenidən seçilməsinin əleyhinədir. Sorğuda iştirak edən qadınların 53 faizi Trampa qarşı qəti əleyhinə, 9 faizi isə sadəcə əleyhinə olduğunu bildirmişdi.

Qeyd edək ki, bu gün səhər Donald Tramp “çox, çox vacib bir şəxsi” əfv edəcəyinin anonsunu vermişdi. Amma həmin şəxsin nə ABŞ və Böyük Britaniyanın internetdə izləmə proqramları barədə qəzetlərə məxfi sənədləri ötürən Edvard Snouden, nə də Trampın cəmi üç həftə milli təhlükəsizlik məsələləri üzrə müşaviri işləmiş Maykl Flinn olmayacağı bəlli idi.

 

1995
Əlaqədar
Qafqazdan ABŞ-dakı prezident seçkisinə reaksiya: "Bəzi şeyləri artıq bilirik"
ABŞ seçkiyədək NATO-dan çıxa bilər
Hələ gözlə - Ağ Ev Trampın arzusunu şərh etdi
Tramp proqnoz verdi: Bayden seçilsə, Çin dilini öyrənməli olacaqsız
ABŞ prezidentlərini düzgün "tapan" professor Tramp haqda proqnoz verdi
Kamal Kılıçdaroğlu, Türkiyənin Cümhuriyyət Xalq Partiyasının sədri

Qəlbimiz Azərbaycanla döyünür - Türkiyə müxalifətinin lideri

9
(Yenilənib 19:16 20.10.2020)
Kamal Kılıçdaroğlu: Təqribən otuz ildir işğal altında olan Vətən torpaqlarınızın Azərbaycan Silahlı Qüvvələrinin əks-hücum əməliyyatı nəticəsində hissə-hissə azad edilməsini məmnunluqla izləyirik.

BAKI, 20 oktyabr — Sputnik. Türkiyə Respublikasının Cümhuriyyət Xalq Partiyasının (CHP) sədri Kamal Kılıçdaroğlu Azərbaycan Respublikasının Prezidenti İlham Əliyevə məktub göndərib.

Sputnik Azərbaycan-ın məlumatına görə, məktubda deyilir:

"Hörmətli cənab Prezident,

Sentyabrın 27-də Ermənistanın Azərbaycan Ordusunun mövqelərinə və yaşayış məntəqələrinə hücumları ilə başlayan, işğal altındakı ərazilərinizin azad edilməsinə yönələn hərbi əməliyyatlar zamanı şəhid olan qardaşlarımızla əlaqədar Sizə dərin hüznlə başsağlığı verir, yaralıların tezliklə sağalmalarını arzu edirəm.

Təqribən otuz ildir işğal altında olan Vətən torpaqlarınızın Azərbaycan Silahlı Qüvvələrinin əks-hücum əməliyyatı nəticəsində hissə-hissə azad edilməsini məmnunluqla izləyir, haqlı mübarizənizdə Sizi dəstəkləyirik. Vətən torpaqlarınızın işğaldan azad olunması münasibətilə Sizi indidən təbrik edirəm.

Beynəlxalq ictimaiyyət Azərbaycan ərazilərinin illərdir işğal altında qalmasına, bir milyondan çox qaçqın və məcburi köçkünün öz doğma yurd-yuvalarından qovulmasına həll yolu tapa bilmədi. Dədə-baba torpağında doğulmayan, o yerləri görməyərək böyüyən nəsillər bu gün Azərbaycanın ərazilərinin tamamilə işğaldan azad ediləcəyi günləri həyəcanla gözləyir.

Moskvada əldə edilən müvəqqəti humanitar atəşkəsin münaqişənin həlli üçün yeni imkan yaradacağına ümid edir, Ermənistanın işğal altında saxladığı torpaqlardan tamamilə və qeyd-şərtsiz çıxmasının vacibliyini vurğulayırıq. Əldə olunan atəşkəsin əksinə olaraq, Ermənistanın müharibəni Azərbaycanın bütün ərazisinə yaymaq üçün Gəncə, Bərdə, Mingəçevir kimi yaşayış məntəqələrinə raket hücumları təşkil edərək, mülki vətəndaşların ölümünə səbəb olmasını şiddətlə qınayırıq.

Tarix və beynəlxalq hüquq baxımından haqlı olan Azərbaycanın döyüş meydanında olduğu kimi, diplomatiya sahəsində də üstünlüyünü davam etdirəcəyinə, haqlı mübarizəsini sonadək davam etdirərək Dağlıq Qarabağın yenidən ölkənizin tərkibinə daxil olmasını təmin edəcəyinə inanırıq.

Qəlbimiz Azərbaycanla döyünür. Ulu öndər Mustafa Kamal Atatürkün də vurğuladığı kimi, "Azərbaycanın kədəri bizim kədərimiz, sevinci bizim sevincimizdir".

9
Türkiyə Silahlı Qüvvələrin Baş Qərargah rəisi Hulusi Akar, arxiv şəkli

Bütün imkanlarımızla Azərbaycanı dəstəkləyəcəyik - Türkiyənin Milli Müdafiə naziri

23
(Yenilənib 18:30 20.10.2020)
Hulusi Akar: "Ərazi bütövlüyünün bərpası uğrunda mübarizədə azərbaycanlı qardaşlarımızın yanında olacağıq, haqq mübarizələrində bütün imkanlarımızla onları dəstəkləyəcəyik".

BAKI, 20 oktyabr — Sputnik. Azərbaycan Silahlı Qüvvələri həyatını itirən mülki əhalinin qanını yerdə qoymayacaq. Sputnik Azərbaycan Türkiyə mediasına istinadla xəbər verir ki, bu sözləri Türkiyənin Milli Müdafiə naziri Hulusi Akar deyib.

"Atəşkəsi pozan Ermənistan ordusu Azərbaycanın yaşayış məntəqələrini və mülki əhalini atəşə tutur, uşaq qadın demədən günahsız xalqı qətlə yetirməyə davam edir. Azərbaycan Silahlı Qüvvələri həyatını itirən mülki əhalinin qanını yerdə qoymayacaq", - deyə Akar bildirib.

Akar Azərbaycanı bütün imkanları ilə dəstəkləyəcəklərini əlavə edib:

"Ərazi bütövlüyünün bərpası uğrunda mübarizədə azərbaycanlı qardaşlarımızın yanında olacağıq, haqq mübarizələrində bütün imkanlarımızla onları dəstəkləyəcəyik."

23
Əlaqədar
"İki dövlət, tək millət. Azərbaycan, yanındayıq" - Qardaş ölkənin dəstəyi davam edir
Hulusi Akar - Cavablarını veririk
Hulusi Akar: "Ermənistan həddini aşdı, bizimsə daha 30 il gözləməyə səbrimiz yoxdur"
Hulusi Akar: "Ermənistan muzdlu hərbçiləri, terrorçuları geri göndərməlidir"
Zəngilan rayonu

Zəngilan şəhəri 27 il sonra - quş uçuşundan

0
(Yenilənib 21:30 20.10.2020)
Azərkosmos" işğaldan azad edilən Zəngilan şəhərinin peyk görüntüsünü paylaşıb: Zəngilanın təbiəti, tarixi abidələri ermənilər tərəfindən məhv edilib.

BAKI, 20 oktyabr — Sputnik. "Azərkosmos" işğaldan azad edilən Zəngilan şəhərinin peyk görüntüsünü paylaşıb.

Sputnik Azərbaycan-ın məlumatına görə, görüntü peyk operatorunun Facebook səhifəsində dərc olunub. "Azərkosmos" bu barədə yazıb:

"Ali Baş Komandan İlham Əliyev bu gün yeni zəfər müjdəsi verdi. Zəngilan şəhəri 27 ildən sonra düşmənin işğalından azad olundu. Zəngilan şəhərinin "Azersky" peykindən bu gün çəkilmiş təsvirini sizinlə bölüşürük. Zəngilan rayonunda dünyanın nadir təbiət incilərindən olan çinar ağacları ilə zəngin Bəsitçay Dövlət təbiət qoruğu bu illər ərzində ermənilər tərəfindən vəhşicəsinə dağıdılıb və talan edilib. İşğalçıların ekologiyaya etdiyi dağıdıcı təsir nəticəsində bölgənin flora və faunasına ciddi ziyan dəyib".

"Azərkosmos" həmçinin qeyd edib ki, Zəngilan rayonunun ərazisində orta əsrlərə aid və öz memarlıq üslubuna görə seçilən səkkizguşəli Yəhya ibn Məhəmməd türbəsi də təəssüf ki, işğalçıların dağıtdığı tarixi mədəniyyət abidələrimiz sırasındadır. Bu gün ölkəmizin uğurlu siyasəti və qüdrətli ordusu illərdir səbirsizliklə gözlədiyimiz torpaqlarımızın azad olunması xəbərləri ilə xalqımızı sevindirir, tezliklə tam qələbə çalmağımıza inamımızı daha da artırır.

Biz zəfər çalacağıq! Biz qalib gələcəyik! Qarabağ Azərbaycandır!

0