Türkiyə prezidenti Rəcəb Tayyib Ərdoğanın mətbuat katibi İbrahim Kalın

Türkiyədən Baydenin sözlərinə cavab: “Əmrlər aldığımız günlər geridə qaldı”

24
(Yenilənib 14:40 16.08.2020)
Kalın ingiliscə yazdığı tvitində qeyd edib ki, Baydenin Türkiyəyə qarşı münasibəti cəhalət, təkəbbür və riyakarlıq üzərində qurulub

BAKI, 16 avqust — Sputnik. Türkiyə Prezidenti Rəcəb Tayyip Ərdoğanın sözçüsü İbrahim Kalın ABŞ-ın keçmiş vitse-prezidenti, builki prezident seçkisində namizəd Cozef Baydenin Türkiyə müxalifətini dəstəkləyəcəyi barədə bəyanatına reaksiya verib.

Sputnik Azərbaycan bildirir ki, ötən ilin dekabrında Bayden The New York Times qəzetinə müsahibəsində bildirmişdi ki, Türkiyə Prezidenti Rəcəb Tayyip Ərdoğana qarşı “tamamilə fərqli mövqe” tutmaq, müxalifət rəhbərliyinə dəstək nümayiş etdirmək gərəkdir.

Həmin müsahibənin videosu Twitter-in Türkiyə seqmentində avqustun 15-də populyarlaşandan sonra bazar günü Ərdoğanın mətbuat katibi ona cavabını yayımlayıb.

Kalın ingiliscə yazdığı tvitində qeyd edib ki, Baydenin Türkiyəyə qarşı münasibəti cəhalət, təkəbbür və riyakarlıq üzərində qurulub, ölkənin işlərinə qarışmaq cəhdləri isə ABŞ-ın özünə ziyan vuracaq.

​“Türkiyəyə əmrlərin verildiyi günlər artıq geridə qaldı. Ancaq hələ də fikirləşirsinizsə ki, bu sizdə alınacaq, buyura bilərsiniz. Bunun haqqını ödəməli olacaqsınız”, - Kalın yazıb.

24
Əlaqədar
ABŞ seçkiyədək NATO-dan çıxa bilər
Qafqazdan ABŞ-dakı prezident seçkisinə reaksiya: "Bəzi şeyləri artıq bilirik"
Tramp proqnoz verdi: Bayden seçilsə, Çin dilini öyrənməli olacaqsız
ABŞ prezidentlərini düzgün "tapan" professor Tramp haqda proqnoz verdi
Tramp Baydenin seçimini təhlükəli adlandırıb
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

15
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

15

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0