Moskva-Siti, arxiv şəkli

Dünyanın ən bahalı premium mənzilləri haradadır: Əl yandıran qiymətlər

1272
(Yenilənib 23:10 05.08.2020)
İyun ayında dünyanın ən bahalı daşınmaz əmlakının Monakoda olduğu bildirilirdi. Orada orta hesabla 1 kvadratmetr mənzilin dəyəri 48 min avrodur. Monte-Karlo rayonunda bu göstərici 53 min avroya bərabərdir.

BAKI, 6 avqust — Sputnik. Rusiya paytaxtı meqapolislərin reytinqində elit mənzillərin sıralanmış qiymət artımı templərinə görə ikinci yeri tutub. 2019-cu ilin dekabr ayından 2020-ci ilin iyun ayına qədər Moskvada bir kvadratmetrin dəyəri 5 faizdən çox artıb.

Sputnik Azərbaycan Rusiya mediasına istinadla xəbər verir ki, siyahıda qiymət artımına görə birinci yeri Seul tutub. Burada elit yaşayış sahələrinin 1 kvadratmetrinin qiyməti 5,5 faiz artaraq 14,7 min avroya çatıb. Moskvada bu göstərici 11,9 min avroya bərabərdir. Dünyada mənzillərin qiymətlərinin ən sürətlə artdığı şəhərlərin sırasında Berlin 3-cü yerdədir. TOP 10-luğa Amsterdam, Tokio, Şençjen, Quançjou, Şanxay, Paris və Kuala Lumpur da daxildir.

Bəzi şəhərlərdə isə premium mənzillərin qiymətləri nəzərə çarpacaq dərəcədə (4-6 faiz) aşağı düşüb. Son yarım il ərzində Mumbay, Los-Anceles, Sidney, Lissabon və HonKonq-da qiymət enişi müşahidə edilib.

"Proqnozlaşdırırıq ki, 2020-ci ilin ikinci yarısında Amsterdam, Lissabon, Seul ən güclü artımı görə bilər. Növbəti beş il ərzində Lissabon və Amsterdamın ən yaxşıların siyahısında qalması gözlənilir. Onlara Berlin, Paris, Mayami və San-Fransisko da qatılacaq", - deyə analitiklər bildiriblər.

İyun ayında dünyanın ən bahalı daşınmaz əmlakının Monakoda olduğu bildirilirdi. Orada orta hesabla 1 kvadratmetr mənzilin dəyəri 48 min avrodur. Monte-Karlo rayonunda bu göstərici 53 min avroya bərabərdir.

1272
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

15
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

15

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0