Şon Pen və Leyla Corc, arxiv şəkli

Məşhur aktyor gizli şəkildə üçüncü dəfə evləndi

90
(Yenilənib 21:53 05.08.2020)
59 yaşlı aktyor özündən 31 yaş kiçik sevgilisi ilə ailə qurub. O, sadə nikah mərasimi təşkil edərək, bu barədə heç kimə xəbər verməyib.

BAKI, 5 avqust — Sputnik. Məşhur amerikalı aktyor Şon Pen 2016-cı ildən bəri münasibət yaşadığı sevgilisi Leyla Corcla hər kəsdən xəbərsiz nikaha daxil olub.

Sputnik Azərbaycan Rusiya mətbuatına istinadla xəbər verir ki, 59 yaşlı aktyor özündən 31 yaş kiçik sevgilisi ilə ailə qurub. O, sadə nikah mərasimi təşkil edərək, bu barədə heç kimə xəbər verməyib.

Onların evlilik xəbəri dostları sosial mediada cütlüyü təbrik edərkən məlum olub.

Aktyorun birinci evliliyi Madonna ilə, ikinci evliliyi isə Robin Raytla olub. Aktyorun öncəki evliliklərindən 2 övladı var.

Xatırladaq ki, aktyor “Oskar” mükafatçısıdır, dünyanın ən nüfuzlu festivalları sayılan Kann, Venesiya, Berlin kimi festivalların mükafatlarını qazanıb. Həm aktyor, həm də rejissor kimi saysız uğurlara imza atan Şon Pen Azərbaycan tamaşaçısına "Günəşin səsi", "Ədalətli oyun", "Qanqster" filmləri ilə daha çox tanınır.

Leyla Corc isə "Yırtıcı şəhərlərin səlnaməsi", "The Kid" filmləri ilə tanınıb.

90
Nüvə başlığı, arxiv şəkli

Trampın elçisi: "Nüvə silahlarını Avropadan çıxarmayacağıq!"

4
(Yenilənib 21:32 20.09.2020)
Marşal Billinqsli: "Avropadan silahları çıxarmayacağıq, ancaq Rusiyanın bizimlə danışmaq istədiyi hər şeyi müzakirə etməyə hazırıq".

BAKI, 20 sentyabr — Sputnik. "ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq".

Sputnik Azərbaycan RİA Novosti-yə istinadla xəbər verir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

Jurnalist ABŞ-ın nüvə silahlarını Avropadan çıxarmağa hazır olub-olmadığını soruşduqda Billinqsli qəti cavab verib:

"Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq. Hələ ki, biz Rusiya tərəfindən RƏM sistemi ilə bağlı heç bir konkret təklif görməmişik".

"Əlbəttə, biz öz tərəfimizdən nüvə döyüş başlıqlarının raket əleyhinə sistemlərə quraşdırılmasını o qədər də uğurlu ideya saymırıq. Başqa sözlə desək, Rusiyanın bu sahədə etdiklərinə dair bizim də fikrimiz var. Biz RƏM mövzusunu müzakirə etməyə hazırıq, amma RƏM-lə bağlı heç bir məhdudiyyəti tətbiq etməyi nəzərdə tutmuruq", -  Billinqsli əlavə edib.

4
Teqlər:
RƏM, nüvə, Avropa, ABŞ
Əlaqədar
"Rusiyaya siqnal". ABŞ gizli sualtı qayığını Norveç sahillərinə niyə göndərib?
“Qərargah da göndərirlər”: ABŞ ordusu Avropanın şərqində nəyə hazırlaşır?
ABŞ-ın supersilahı öz vətəndaşlarına qarşı tətbiq edilib: nəticəsi...
ABŞ Rusiyaya bütün nüvə gücünü göstərəcək
Venera planeti (solda qara nöqtə formasında) Günəşin qarşısından keçir, arxiv şəkli

Venera planetində həyat var?!

6
Ancaq son illərdə bu planetdə mikroorqanizmlərin koloniyalarının əmələ gələ biləcəyi deyilən bir neçə tədqiqat həyata keçirilib.

BAKI, 20 sentyabr — Sputnik. İngiltərə və ABŞ alimləri Veneranın atmosfer tərkibini analiz edərək, bioloji mənşəli olduğu ehtimal edilən element tapıblar.

Sputnik Azərbaycan xarici mətbuata istinadla xəbər verir ki, söhbət fosfin elementindən gedir.

Versiyaya görə, fosfin müəyyən orqanizmlərin həyat fəaliyyəti nəticəsində əmələ gələ bilər. Bunun doğru olub-olmaması hələ məlum deyil. Ancaq Venerada tədqiqatçıların əvvəllər düşünmədikləri mürəkkəb kimyəvi proseslərin getdiyi göz qabağındadır.

Bu kəşf ALMA rəsədxanası (Çili) və James Clark Maxvell infraqırmızı teleskopu (Havay) ilə edilib. Alimlər hələ illər əvvəl Venerada həyatın mümkünsüz olduğuna inanırdılar. Çünki ora çox isti idi və hava zəhərli maddələrlə dolmuşdu. Ancaq son illərdə bu planetdə mikroorqanizmlərin koloniyalarının əmələ gələ biləcəyi deyilən bir neçə tədqiqat həyata keçirilib.

Bununla da elm adamları naməlum canlıları təsvir edə biliblər. Belə ki, bu canlılar yaşamaq üçün yüksəklikdə qalmalı və xüsusi bir metabolizma növü istifadə etməlidirlər.

6