ABŞ-da epidemioloji vəziyyət

Koronavirus qovuşdurdu: 50 il ayrı qalan bacılar görüşdülər

17
(Yenilənib 17:55 02.08.2020)
Krippen pis eşitdiyindən Boro ümumi atalarının adını lövhəyə yazıb, Krippen isə həmin kişinin qızı olduğunu təsdiqləyib

BAKI, 2 avqust — Sputnik. ABŞ-ın Nebraska ştatında iki bacı əlli il sonra koronavirus sayəsində görüşə bilib.

Sputnik Azərbaycan bildirir ki, bu barədə UPI yazır.

Saytın məlumatına görə, mayda xəstələnən 73 yaşlı Doris Krippen hesab edib ki, adi qripə yoluxub. Amma o sonradan o qədər zəifləyib ki, yıxılaraq qolunu sındırıb. Müayinə zamanı məlum olub ki, Krippen koronavirusa yoluxub və sağalmaq üçün qadın xəstəxanada təxminən 1 ay qalmalı olub.

​Bundan sonra isə D.Krippen Fremont şəhərindəki reabilitasiya mərkəzinə müraciət edib. Burada 20 ildən çox işləyən 53 yaşlı Bev Boro xəstələrin siyahısında Krippenin soyadını görəndə anlayıb ki, bu onun bacısıdır.

“Mən inana bilmirdim. Öz-özümə fikirləşdim ki, “Aman Allah, yəqin, bu mənim bacımdır”, - Boro UPİ-yə deyib.

Krippen pis eşitdiyindən Boro ümumi atalarının adını lövhəyə yazıb, Krippen isə həmin kişinin qızı olduğunu təsdiqləyib.

“Mənim buraya (reabilitasiya mərkəzinə - red.) yönəldilməyim Allahın lütfü idi, çünki buraya gəlməsəydim, bacımı tapa bilməyəcəkdim”, - deyə illərlə Bev Boronu axtaran Krippen deyib.

Yarım əsrdən çox ayrı düşən bacıların ataları bir, anaları ayrıdır. Krippeni doğma anası böyüdüb, Boronu isə altı ayında övladlıq veriblər. Qadınların digər bacı-qardaşları da var və Boro onların əksəriyyətini tapıb.

 

17
Mövzu:
Dünyanı cənginə almış bəla (479)
Əlaqədar
Koronavirus öləcək: maskanı benzinə batırın...
Qorxudan temp - üç günə 1 milyon insan yoluxur
Koronavirusu spreylə dayandıracaqlar
Əvvəl risk qrupundakılar, sonra isə hamı - kütləvi peyvəndin başlama tarixi uzaqda deyil
Prezidentdən ikibaşlı açıqlama – ya xəstəlik yoxa çıxacaq, ya da rüşvət
İranda tələbələr, arxiv şəkli

Təbriz Universitetindən göz yaşardan xəbər

15
Təbriz Universitetinin Azərbaycan dili və ədəbiyyatı fakültəsi məzunlarının ilk buraxılış mərasimi keçirilib.

 

BAKI, 23 sentyabr — Sputnik. Ötən gün Təbriz Universitetinin Azərbaycan dili və ədəbiyyatı fakültəsi məzunlarının ilk buraxılış mərasimi keçirilib.

Sputnik Azərbaycan APA-ya istinadla xəbər verir ki, mərasim fakültənin dekanı, professor Məhbub Taleyinin iştirakı ilə baş tutub.

Təbriz Universitetində Azərbaycan dili və ədəbiyyatının tədrisi ilk dəfə 1993-cü ilə təsadüf edib. O vaxt iki semestrdən sonra fakültə fəaliyyətini dayandırıb. Daha sonra 2007-ci ildə fakültativ bir fənn kimi yenidən tədris edilməyə başlanıb. Nəhayət, 2016-cı ildə müstəqil ixtisas kimi tələbə qəbuluna başlanılıb.

Ötən gün həmin fakültədən məzun olan tələbələr 2016-cı ildə qəbul olan abituriyentlər olublar.

İran universitetlərində tədris edilən digər fakültələrdən fərqli olaraq, Azərbaycan dili və ədəbiyyatı fakültəsinin məzunları özəl məktəb və kolleclərdə təhsil infrastrukturunun və əmək bazarında bu ixtisasa tələbatın olmaması problemi ilə üzləşirlər. Bu da öz növbəsində vətəndaşların bu ixtisasın seçimi ilə bağlı qərarına ciddi təsir edir.

15
Əlaqədar
Dumanlı Təbriz, gizli Bakı, döyüşən şəhər...
Təbriz aksiyasına İstanbuldan dəstək
Təbriz nümunəvi müsəlman şəhəri seçilib
Görüş yeri dəyişdirildi, Təbriz proqramdan çıxarıldı
Rusiyanın Xarici İşlər naziri Sergey Lavrov, arxiv şəkli

Lavrov: "Rusiya işğal olunmuş 5 rayonun geri qaytarılmasının tərəfdarıdır"

645
(Yenilənib 14:37 23.09.2020)
Rusiya tərəfi nizamlama prosesində işğal olunmuş 5 rayonun geri qaytarılmasının, əraziyə sülhməramlıların yerləşdirilməsinin və nəqliyyat-kommunikasiya sisteminin bərpa olunmasının tərəfdarıdır

BAKI, 23 sentyabr — Sputnik. Rusiya ATƏT-nin Minsk qrupunun həmsədri kimi Ermənistan-Azərbaycan Dağlıq Qarabağ münaqişəsi probleminin həllinə öz dəstəyini verir və bu sahədə səylərini əsirgəmir. Sputnik Azərbaycan Milli Məclisin Mətbuat və ictimaiyyətlə əlaqələr şöbəsinə istinadən xəbər verir ki, bunu Rusiyanın Xarici İşlər naziri Sergey Lavrov Azərbaycan Milli Məclisinin Sədri Sahibə Qafarova ilə görüşü zamanı bildirib.

© Photo : Milli Mejlis of the Azerbaijan Republic
Rusiyanın Xarici İşlər naziri Sergey Lavrov və Azərbaycan Milli Məclisinin Sədri Sahibə Qafarova arasında görüş

Lavrov qeyd edib ki, Ermənistanın Baş naziri N.Paşinyanın Dağlıq Qarabağla bağlı səsləndirdiyi fikirlər münaqişənin nizamlanması prosesinə maneə törədir:

"Bu, rəsmi Moskvanın mövqeyidir. Rusiya tərəfi nizamlama prosesində işğal olunmuş 5 rayonun geri qaytarılmasının, əraziyə sülhməramlıların yerləşdirilməsinin və nəqliyyat-kommunikasiya sisteminin bərpa olunmasının tərəfdarıdır".

Milli Məclisin Sədri Sahibə Qafarova ATƏT-in Minsk Qrupunun həmsədri kimi Rusiyanın Dağlıq Qarabağ münaqişəsinin həllində vasitəçi olaraq əlindən gələni əsirgəməyəcəyinə inamını ifadə etdi.

Sonra görüşdə tərəfləri maraqlandıran digər məsələlər ətrafında fikir mübadiləsi aparılıb.

645
Teqlər:
Qarabağ, Sahibə Qafarova, Rusiya xarici işlər naziri Sergey Lavrov, Rusiya XİN rəhbəri Sergey Lavrov, Sergey Lavrov

Strateji yol xəritəsi: Azərbaycanda COVID-19 vaksini kimlərə vurulacaq?

16
(Yenilənib 16:08 23.09.2020)
TƏBİB İdarə Heyətinin sədri Ramin Bayramlı bildirib ki, hazırda seroloji testlər aparılır. ÜST-ün də tövsiyəsinə əsasən, ilkin olaraq əhalinin 20 faizinə peyvənd vurulması yetərli sayılır.

BAKI, 23 sentyabr — Sputnik. Ölkəmizdə koronavirusla mübarizəyə dair effektiv tədbirlər öz nəticəsini verib.

Sputnik Azərbaycan xəvər verir ki, bunu bu gün Koronavirusla Mübarizəyə Dəstək Fondunun İctimai Nəzarət Şurasının SARS-COV-2 virusuna qarşı vaksinasiya məsələlərinə həsr olumuş iclasında TƏBİB İdarə Heyətinin sədri Ramin Bayramlı bildirib.

R. Bayramlı deyib ki, hazırda ölkəmizdə epidemioloji situasiya sabitdir: "Hazırda virusa qarşı dərman əldə olunmayıb. Virus əleyhinə dərmanların tapılması uzun müddət tələb edir. Vaksinlərlə bağlı tədqiqatlara gəlincə, son mərhələyə gələn tədqiqatlar var. 18 sentyabr 2020-ci il tarixində İcbari Tibbi Sığorta üzrə Dövlət Agentliyi və GAVI (Global Alliance for Vaccines) təşkilatı arasında saziş imzalanıb. Sazişə görə, ÜST (Ümümdünya Səhiyyə Təşkilatı) tərəfindən təsdiqlənmiş və tələblərə cavab verən peyvənd istehsal olunduqda tez bir zamanda təşkilatın başqa üzv ölkələri ilə bərabər, Azərbaycan da təsdiqlənmiş peyvədlə təmin olunacaq. GAVI təşkilatının əsası 2000-ci ildə qoyulub. Təşkilatın mərkəzi ofisi İsveçrənin Cenevrə şəhərində yerləşir.

Çoxtərəfli platformalarda ölkələrin iştirakı məqsədilə, GAVI, CEPI və ÜST tərəfindən COVAX platforması yaradılıb. COVAX təşkilatı, geniş sayda peyvənd namizədlərini müxtəlif texnologiyalar vasitələrilə qiymətləndirərək təhlükəsiz COVID-19 peyvənd təkliflər portfelini istifadə etmə imkanı yaradan əvəzolunmaz mexanizmə malik sistemdir. COVAX platformasının əsas məqsədi COVID-19 ilə mübarizədə vaksin istehsalını sürətləndirmək və bütün ölkələr üçün ədalətli və bərabər əlçatanlıq imkanı yaratmaqdır".

R.Bayramlı qeyd edib ki, artıq imzalanmış sazişlə əlaqədar Koronavirusla Mübarizəyə Dəstək Fondunun İctimai Nəzarət Şurasına Fonddan vaksinlərin alınması üçün vəsait ayrılmasına dair müraciət ediləcək: "İndiyə qədər koronavirusla mübarizə üçün dövlət büdcəsindən vəsait ayrılıb. İndi isə hökumət vaksinlə bağlı imzalanmış sazişlə əlaqədar vəsaitin Fondun vəsaiti hesabına alınmasını məqbul sayıb və Fondun İctimai Şurasına da bununla bağlı müraciət ediləcək".

"Hesablamalar göstərir ki, əhalinin ilkin olaraq 20%-nə peyvəndlərin vurulması epidemioloji vəziyyətə effektiv nəzarət etmək üçün kifayət edə bilər. İstifadə oluna biləcək vaksinlər üzrə vacib tələblərdən biri vaksinin effektiv və təhlükəsiz olmasıdır", - Ramin Bayramlı deyib.

O, əlavə edib ki, hazırda seroloji testlər aparılır: "ÜST-ün də tövsiyəsinə əsasən, ilkin olaraq əhalinin 20 faizinə peyvənd vurulması yetərli sayılır".

"Vaksinasiyadan əldə etmək istədiyimiz nəticə xəstəliyin epidemiyasının aradan qalxmasıdır" - TƏBİB-in sədri bildirib. Onun sözlərinə görə, yoluxmanın aradan qalxması qlobal gözləntidir:

"Vaksinin kimlərə vurulması ilə bağlı strateji yol xəritəsi hazırlanır. Bizim elmi qurumlar, Səhiyyə Nazirliyi bu istiqamətdə öz işlərini görürlər. Təbii ki, tədqiqatlar başa çatmalıdır ki, vaksinlərin kimə vurulması göstəriş, kimə vurulmasının əks-göstəriş olduğu bəlli olsun. Bu barədə vaksinasiya strategiyasında yer alacaq. Vaksinasiya başa çatanda, vaksinasiya strategiyamız da tam formalaşmış olacaq".

16