Putin və Tramp

Trampın Putinə “son hədiyyəsi”

19
(Yenilənib 17:11 02.08.2020)
Tramp Almaniyanın Rusiyadan qorunmasının vacibliyinə şübhə etmişdi. Onun sözlərinə görə, Berlinin il ərzində enerjiyə görə Moskvaya milyardlarla dollar ödədiyi nəzərə alınsa, bu, qəribədir

BAKI, 2 avqust — Sputnik.  ABŞ qoşunlarının üçdə birindən çoxunun Almaniyadan çıxarılması, ola bilsin ki, ABŞ-ın hazırkı Prezidenti Donald Trampın Rusiya lideri Vladimir Putinə “sonuncu hədiyyəsi”dir.

Sputnik Azərbaycan bildirir ki, bunu analitik Nik Robertson CNN üçün hazırladığı məqalədə deyib. 

Ekspert hesab edir ki, Amerika liderinin Birləşmiş Ştatların geosiyasi rəqiblərinə hədiyyələri onun bütün prezidentliyi dövründə davam edib. Robertson Avropa komandanlığının qoşunlarının dislokasiyasını ağır səhv hesab edir.

Robertson qeyd edib ki, bu qərarı elan etmək üçün Trampa cəmi 2 saniyə bəs elədi, amma “bu qərarın hərbi alyansa vuracağı zərərin aradan qaldırılması üçün illər lazım ola bilər”.

Tramp Almaniyanın Rusiyadan qorunmasının vacibliyinə şübhə etmişdi. Onun sözlərinə görə, Berlinin il ərzində enerjiyə görə Moskvaya milyardlarla dollar ödədiyi nəzərə alınsa, bu, qəribədir. Bundan başqa, ABŞ rəhbəri AFR-in NATO-ya üzvlük haqqını ödəmək üçün büdcəsindən kifayət qədər pul xərcləməyə tələsmədiyini də diqqətə çatdırıb.

İyulun 29-da ABŞ-ın Müdafiə naziri Mark Esper bildirib ki, Pentaqon Almaniyadan təxminən 11.9 min hərbçini çıxaracaq, eləcə də ABŞ SQ-nin Avropa komandanlığının qərargahını Belçikaya köçürəcək. Hərbçilərin 5.6 mini NATO-nun digər üzv ölkələrinə yönəldiləcək, qalanları isə ABŞ-a qayıdacaq və rotasiya əsasında Avropaya qayıdacaqlar. Onlar, həmçinin Rusiyanın “qarşısının alınması üçün” şərqdə və Qara dəniz rayonunda da xidmət edəcəklər.

19
Əlaqədar
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
ABŞ Rusiya layihəsinin tərəfdarlarını qorxutdu
“Lütün” biri imiş ki... Trampın gəlirləri açıqlandı
"Qara sxem": daxili düşmən Amerikanı məhv edəcək, lakin Rusiyanı xilas edə bilər
Rəqibdir, rəqib deyil? ABŞ artıq Rusiyanı güclü saymır

Çin Azərbaycan Ermənistanı siyasi dialoqa çağırdı

20
(Yenilənib 12:41 28.09.2020)
"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir."

BAKI, 28 sentyabr — Sputnik. Çin ümid edir ki, Azərbaycan və Ermənistan Dağlıq Qarabağdakı son gərginlik fonunda sakitlik və təmkin nümayiş etdirəcək və fikir ayrılıqlarını siyasi yolla həll edə biləcəklər.

Sputnik Azərbaycan xarici mediaya istinadən xəbər verir ki, bunu Çin Xarici İşlər Nazirliyinin sözçüsü Van Venbin bazar ertəsi brifinqdə deyib.

"Çin regional sülhün və sabitliyin təmin edilməsinin Ermənistan və Azərbaycan da daxil olmaqla bütün tərəflərin maraqlarına cavab verdiyini qəbul edir. Ümid edirik ki, müvafiq tərəflər sakitlik və təmkin nümayiş etdirəcək, vəziyyətin daha da gərginləşməsindən qaçacaq və mövcud ziddiyyətləri və fikir ayrılıqlarını siyasi dialoq yolu ilə həll edəcəklər", - diplomat bildirib.

20
Чрезвычайный и полномочный посол Армении в России Вардан Тоганян

Ermənistan səfiri ATƏT-ə yalvarır: "Müdaxilə edin"

106
"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – Ermənistan səfiri bildirib.

BAKI, 28 sentyabr — Sputnik. Dağlıq Qarabağ ətrafındakı vəziyyət ATƏT-in Minsk Qrupunun həmsədrlərindən sürətli müdaxiləni tələb edir.

Sputnik Azərbaycan xəbər verir ki, bu barədə RİA Novosti-yə Ermənistanın Rusiyadakı səfiri Vardan Toqanyan bildirib.

"Təcili (görüşə) çağırış məsələsi Minsk Qrupunun müstəsna hüququdur... Lakin vəziyyət aydındır və o, həmsədrlərin sürətli müdaxiləsini tələb edir", – səfir bildirib.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Azərbaycan Ordusunun ön xətt bölmələri qarşı tərəfin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

106
Глава пресс-службы Минобороны АР полковник Вагиф Даргяхлы

MN: "Ermənistanın hərbi komandanlığı öz əsgərlərinə qarşı silah tətbiqi əmrini verib"

0
(Yenilənib 14:43 28.09.2020)
Məqsəd təşviş içində Ermənistana axın edən əhalinin ərazini tərk etməməsi və silahı ataraq ordusundan fərarilik edən erməni hərbi qulluqçularının tutulub saxlanılmasıdır.

Eldar Tanrıverdiyev, Sputnik Azərbaycan

BAKI, 28 sentyabr — Sputnik. "Ermənistanın hərbi komandanlığı öz əsgərlərinə qarşı silah tətbiq edilməsi əmrini verib".

Əldə etdiyimiz kəşfiyyat məlumatına əsasən, Ermənistanın hərbi komandanlığı işğal olunmuş ərazilər ilə Ermənistan arasındakı yollarda komendant postları qurub. Sputnik Azərbaycan xəbər verir ki, bunu Azərbaycan Müdafiə Nazirliyinin Mətbuat Xidmətinin rəisi polkovnik Vaqif Dərgahlı jurnalistlərə açıqlamasında bildirib.

O qeyd edib ki, məqsəd təşviş içində Ermənistana axın edən əhalinin ərazini tərk etməməsi və silahı ataraq ordusundan fərarilik edən erməni hərbi qulluqçularının tutulub saxlanılmasıdır: "Bəzi xəbərlərə görə artıq həmin postlarda silahın tətbiqi ilə ciddi insidentlər qeydə alınıb, ölən və yaralananlar var".

0