Qorxudan temp - üç günə 1 milyon insan yoluxur

© REUTERS / AKHTAR SOOMROТест на коронавирус, фото из архива
Тест на коронавирус, фото из архива - Sputnik Azərbaycan
Abunə olmaq
Dünya üzrə 11,3 milyon insan COVID-19 xəstəliyindən sağala bilib. Ölüm faizi ümumilikdə 6 faiz təşkil edib.

BAKI, 2 avqust — Sputnik. Pandemiya başlayandan dünyadan koronavirusa yoluxanların sayı 18 milyonu ötüb. Sputnik Azərbaycan bildirir ki, bu barədə məlumat Worldometer portalında qeyd olunub.

Saytın statistikasına görə, yoluxanların ümumi sayı 18 013 191 nəfər olub. Bunlardan 688 718 nəfər COVID-19-dan dünyasını dəyişib. 11,3 milyon insan isə sağala bilib. Ölüm faizi ümumilikdə 6 faiz təşkil edib.

Тест на коронавирус, фото из архива - Sputnik Azərbaycan
CƏMİYYƏT
Professor Akif Qurbanov: "Mutant virus ölkəmizə gəlib çıxa bilər"

Aktiv yoluxma sayı dünya üzrə 6 milyondan bir qədər azdır. Yoluxanların təxminən bir faizi (65 min adam) ciddi və ya ağır durumdadır.

Sutka ərzində 247 min nəfər yoluxub, ölənlərin sayı 5931 nəfər olub. Xəstələrin sayına görə ABŞ liderdir. Bu ölkədə 4,7 milyon nəfər SARS-CoV-2 koronavirusuna yoluxub. İkinci pillədə 2,7 milyon COVID-19 xəstəsi sayı ilə Braziliya qərarlaşıb. 1,7 milyon nəfər xəstəsi olan Hindistan üçüncü pillədədir. İlk beşliyə Rusiya (845 min) və CAR (503 min) də daxildir.

17 milyon xəstə sayı həddini dünya iyulun 29-da keçib. 16 milyon xəstə sayı isə iyulun 25-də qeydə alınmışdı.

Xatırladaq ki, SARS-CoV-2 yeni tip koronavirus ötən ilin sonunda Çinin Uhan şəhərindən yayılmağa başlayıb. Ümumdünya Səhiyyə Təşkilatı virusun törətdiyi xəstəliyin adını COVID-19 qoyub, martın 11-də isə epidemiyanı pandemiya elan edib.

 

Xəbər lenti
0