Meşə

Cəmi 20 il qalıb - Bəşəriyyət üçün dəhşətli proqnoz verilib

22
(Yenilənib 22:09 01.08.2020)
Ehtimal olunur ki, insanlar meşələrin tükənməsinin təsirini yüz ildən sonra deyil, daha əvvəl hiss etməyə başlayacaqlar.

BAKI, 1 avust — Sputnik. Meşələrin intensiv qırılması və əhalinin həddən artıq çox olması insan sivilizasiyasını 2040–cı ilə qədər məhv olma təhlükəsi ilə qarşı-qarşıya qoyur.

Sputnik Azərbaycan xarici mətbuata istinadla xəbər verir ki, Londonda yerləşən Alan Turinq İnstitutu və Çilidə olan Tarapaki universitetinin yeni araşdırmasına görə, bəşəriyyət "qarşısı alınmaz çökməyə" doğru hərəkət edir.

Elm adamları əhalinin artım tarixi, qaynaqların istehlakı və meşələrin qırılması tarixlərini araşdırıb. Və bu məlumatlarla riyazi düstur hazırlayıb.

Müəyyən edilib ki, vəhşi təbiətin məhv edilməsi davam edərsə, Yer artıq bir çoxmilyardlı əhalini saxlaya bilməyəcək.

Qrupun kədərli proqnozuna görə, əgər mövcud tendensiya dəyişməsə, qarşıda gələn 20-40 il ərzində sivilizasiya 90 faiz dağılma təhlükəsi ilə qarşı-qarşıya qalacaq.

Ekspertlər hesablayıblar ki, insan Yer üzünə gəlməmişdən öncə yer üzü 60 milyon kvadart kilometr meşə örtüyü ilə əhatələnmiş olub. Bu gün həmin rəqəm 40 milyon kv. kilometrə düşüb.

Önümüzdəki illərdə əhəmiyyətli miqdarda yaşıl sahənin itiriləcəyi ehtimal edilir. Fiziklərin hesablamalarına görə, 100-200 il ərzində meşələr Yer üzündən silinə bilər.

Ehtimal olunur ki, insanlar meşələrin tükənməsinin təsirini yüz ildən sonra deyil, daha əvvəl hiss etməyə başlayacaqlar.

"İnsan cəmiyyətinin yalnız son ağac kəsildikdən sonra əzab çəkməyə başlayacağını düşünmək sadəlövhlük olardı", -  deyə tədqiqat müəllifləri qeyd ediblər.

Sağlam meşələr karbon saxlamaq, oksigen istehsal etmək, heyvan və insan qidası sistemlərini saxlanılması və s. üçün əhəmiyyətli dərəcədə vacibdir. BMT ekspertləri qeyd edirlər ki, 1990-cı ildən bəri meşələrin qlobal tempdə azalma səviyyəsi düşüb, amma buna baxmayaraq ağacların kəsilməsi ciddi problem olaraq qalır. Belə ki, keçən il 178 milyon hektar meşə ərazisi (Liviya ərazisi) məhv edilib.

22
Qağayı fırtına zamanı dəniz üzrəində uçur, arxiv şəkli

Atlantik okeanı yenə qudurdu - bu dəfə Meksika körfəzini ağuşuna alacaq

108
(Yenilənib 08:54 19.09.2020)
Fırtınanın sabah axşam istiqamətini dəyişdirəcəyi və bazar ertəsi Meksika Körfəzinin qərb sahillərinə yaxınlaşacağı proqnozlaşdırılıb.

BAKI, 19 sentyabr — Sputnik. Dünən Atlantik okeanında tropik "Beta" fırtınası meydana gəlib.

Sputnik Azərbaycan xarici KİV-lərə istinadla xəbər verir ki, bu barədə məlumatı ABŞ-ın Milli Qasırğa Müşahidəsi Mərkəzi yayıb.

Məlumata görə, tropik fırtınanın yaratdığı küləyin sürəti 18 m/s-ə çatır. Meksikanın liman şəhəri olan Tampikodan təqribən, 545 km şimal-şərqdə yaranan fırtına hazırda şimal-şərq istiqamətində təxminən, 15 km/saat sürətlə hərəkət etməkdədir.

Fırtınanın bazar günü axşam istiqamətini dəyişdirəcəyi və bazar ertəsi Meksika Körfəzinin qərb sahillərinə yaxınlaşacağı proqnozlaşdırılıb.

108
Teqlər:
qasırğa, fırtına, Meksika körfəzi, Atlantik okeanı
Xəstəxana, arxiv şəkli

Türk dünyasının "diva"sı təcili xəstəxanaya yerləşdirilib

19
(Yenilənib 08:57 19.09.2020)
Bülənt Ərsoy: Səhər saatlarında mədəmdəki xoradan qaynaqlanan qanaxmaya görə bir müddət müalicə alacam

BAKI, 18 sentyabr — Sputnik. Türk dünyasının "diva"sı sayılan Bülənt Ərsoy xəstəxanaya yerləşdirilib. Sputnik Azərbaycan xəbər verir ki, xəstəxanaya yerləşdirilən müğənninin mədə qanaması keçirdiyi məlum olub. O, bu barədə özünün "İnstagram" sosial şəbəkəsində yazıb.

Məşhur müğənni izləyivcilərinə tezliklə sağalacağını deyib: "Mənə görə narahat olmayın. Səhər saatlarında mədəmdəki xoradan qaynaqlanan qanaxmaya görə bir müddət müalicə alacam. Bir neçə gün sonra normal həyatıma dönəcəm. Diqqətinizə görə təşəkkür edirəm".

View this post on Instagram

A post shared by Bülent Ersoy (@bulentersoy.com.tr) on

Məlumat üçün bildirək ki, əsl adı Bülənt Ərsoy olan bu sənətçi məşhurlaşdığı vaxt, 1970-ci illərdə görünüşünü sürətlə dəyişib. Kişi olduğu halda səhnəyə qadın qiyafətlərində çıxmağa başlayıb. O illərdə bu hərəkət diqqəti cəlb etməyə bilməzdi, ona görə də bu müğənni sərt təpkilərlə qarşılaşıb.

1981-ci ildə Londonda keçirdiyi cinsiyyət dəyişdirmə əməliyyatı ilə qadın olan Bülənt Ərsoy indi də məşhur müğənnilər siyahısındadır. O, kişi olduğu dövrə aid fotoşəkillərinin mətbuatda yayımlanmasından çox narahat olur. Vaxtilə kişi olduğunu unutmaq istəyən Bülənt Ərsoy plastik əməliyyatlardan sonra cinsiyyətindən əlavə dərisinin rəngində, dodaqlarında, yanaqlarında, burnunda, qaşlarında və bir çox başqa yerlərində də dəyişikliklər etdirib. Dövlətin qoyduğu qadağalara görə, bu durumda o, səhnəyə qayıda bilməzdi. Çünki Türkiyə hökuməti transseksualların səhnədə görünməsinə icazə vermirdi. Birbaşa olaraq dövlət başçısı bu kimi hallara qadağa qoymuşdu. Nəticədə Bülent Ərsoy uzun müddət səhnədən uzaqlaşdırılıb. 1976-cı ildə onun həyatına aid "Sıralardakı həyəcan" adlı film çəkilib.

19
Teqlər:
türk, Bülənt Ərsoy
Azərbaycan Ordusunun rəhbər heyəti ilə xidməti müşavirə

"Ordumuz istənilən təxribatın qarşısını almağa hazırdır" - Müdafiə naziri

0
Azərbaycan Ordusunun xüsusilə ön xətdə yerləşən bölmələrinin döyüş qabiliyyətinin, peşəkarlığının daim artırılması, şəxsi heyətin döyüşə hazırolma səviyyəsinin yüksəldilməsi

Eldar Tanrıverdiyev, Sputnik Azərbaycan

BAKI, 19 sentyabr — Sputnik. Sentyabrın 19-da Müdafiə naziri general-polkovnik Zakir Həsənov Azərbaycan Ordusunun rəhbər heyəti ilə xidməti müşavirə keçirib.

Müdafiə Nazirliyindən Sputnik Azərbaycan-a verilən məlumata görə, əvvəlcə Azərbaycan xalqının ümummilli lideri Heydər Əliyevin və ölkəmizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib.

Müdafiə naziri bildirib ki, son vaxtlar əldə olunan məlumatlar və kütləvi informasiya vasitələrində yayılan xəbərlər, eləcə də Ermənistanın hərbi-siyasi rəhbərlərinin çıxışlarındakı müharibə ritorikası, səfərbərlik tədbirlərini həyata keçirməsi və bölgəyə kənar qüvvələri cəlb etməsi düşmənin genişmiqyaslı təxribatlar törətmək və vəziyyəti gərginləşdirmək niyyətində olduğunu açıq-aydın göstərir. Bunu nəzərə alaraq sərəncamda olan qüvvə və vasitələrimiz nəinki hər hansı təxribatın qarşısını almağa, hətta sərt qabaqlayıcı tədbirlərin görülməsinə tam hazır olmalıdır. Bu məqsədlə kəşfiyyat fəaliyyətinə, döyüş təminatına xüsusi diqqət yetirilməli, bütün istiqamətlərdə mütəşəkkil addımlar atılmalıdır.

Azərbaycan Ordusunun xüsusilə ön xətdə yerləşən bölmələrinin döyüş qabiliyyətinin, peşəkarlığının daim artırılması, şəxsi heyətin döyüşə hazırolma səviyyəsinin yüksəldilməsi, işğal olunmuş torpaqların azad edilməsinə yönələn təlim və məşqlərin keyfiyyətinə nəzarət gücləndirilməlidir.

Müdafiə naziri Azərbaycan Ordusunda silah, döyüş və xüsusi texnikanın istismarının qış mövsümünə keçirilməsi, qışa hazırlıq prosesinin effektivliyi və vaxtında yekunlaşdırılması, bölmələrin hərtərəfli təminatı, hərbi qulluqçuların sağlamlığına, eləcə də COVID-19 pandemiyası ilə mübarizə tədbirlərinə xüsusi diqqət yetirilməsi barədə vəzifəli şəxslərə tapşırıqlar verib.

Sonda general-polkovnik Z.Həsənov fəaliyyət planına uyğun olaraq döyüş hesabatlarının və səfərbərlik ehtiyatlarının müvafiq qurumlarla dəqiqləşdirilməsi və ehtiyatda olan hərbi vəzifəlilər ilə müxtəlif ixtisaslar üzrə toplanışların, çöl çıxışlarının və döyüş hazırlığı məşğələlərinin keçirilməsinə hazırlıqla bağlı göstərişlər verib.

0