Nyü-York, arxiv şəkli

"Qara sxem": daxili düşmən Amerikanı məhv edəcək, lakin Rusiyanı xilas edə bilər

2103
(Yenilənib 20:41 30.07.2020)
Artıq sabah ABŞ Demokratlar partiyasının konventində (onlayn formatda keçiriləcək) küçmiş vitse-prezident Co Bayden ola bilsin ki, təkbaşına Birləşmiş Ştatların Prezidentini seçsin.

 

BAKI, 30 iyul — Sputnik, Viktor Maraxovski. Artıq sabah ABŞ Demokratlar partiyasının konventində (onlayn formatda keçiriləcək) küçmiş vitse-prezident Co Bayden ola bilsin ki, təkbaşına Birləşmiş Ştatların Prezidentini seçsin.

Bunun baş vermə səbəbi belədir: Bayden hazırda öz rəqibini, hazırkı prezident Donald Trampı müxtəlif sorğulara əsasən, 2-10% qabaqlayır. Və onun prezidentliyi bir növ həll olunmuş məsələ kimi görünür.

Qeyd edək ki, Hillari Klintonun prezidentliyi də "br növ həll olunmuş məsələ kimi" görünürdü, lakin reallıq vəziyyətə düzəlişlər etdi.

Demək belə: Co Bayden prezident kimi and içsə, bunu 78 yaşında edə biləcək. O ən yaşlı president olacaq və əvvəlki rekordçu olan Donald Trampı təxminən on il üstələyəcək.

Yəni, Oval kabinetdə keçmiş prezidentlərdən çoxunun (45-dən 36-nın) artıq həyatda olmadığı yaşda ağalıq edəcək. Demokratların namizədinin davranışında hazırda baş verən qəribəlikləri nəzərə alsaq, hamı başa düşür ki, Bayden prezidentliyini sağ başa vurmaya bilər.

Bu faciəvi hadisə baş verərdə, president postuna müddətin sonunadək vitse-prezident yiyələnəcək. Və bu qanuni, lakin xalq tərəfindən seçilməmiş president nəhəng nüvə dövlətini 2015-ci ilədək idarə edəcək.

Bayden yaxın günlərdə məhz bu adamın adını çəkəcək.

Əvvəldən yalnız bir şey bilinir: bu adam qadın olacaq, Bayden hələ yazdan elə söz verib. Amerikanın siyasi gündəmində indi ortaya çıxan sual bu qadının kimliyidir.

Ən populyar bir neçə namizəd var — ilin əvvəlində partiyadaxili yarışda öz səslərini Baydenə vermiş senator Elizabet Uorren; Miçiqan ştatının qubernatoru Qrethen Uitmer (48 yaşı var); senator Temmi Dakvort (İraq müharibəsinin veteranı, orada iki ayağından məhrum olub, çinli qanı var); konqresvumen Vel Deminqs (qaradərili keçmiş polis); Karen Bass (qaradərili narkotiklər əleyhinə mübarizənin fəalı); Süzan Rays (Obamanın milli təhlükəsizlik üzrə keçmiş qaradərili müşaviri); Kamala Harris (yarı qaradərili, yarı hindu, Kaliforniyanın keçmiş baş prokuroru). Yeri gəlmişkən, məhz sonuncu ikisini vitse-prezident yarışının liderləri hesab edirlər.

Mənim namizədlərin irqi mənsubiyyətini və əlliliklərini qeyd etməyimdə məqsədim heç də vəziyyətin məşhur lətifədəki "ABŞ-ın növbəti prezidenti təkayaqlı zənci qadın olacaq" kimi oldğunu vurğulamaq deyil. İş ondadır ki, bütün bu irqi və əlillik xüsusiyyətlərini amerikalı analitiklər ciddi şəkildə əhəmiyyətli hesab edirlər.

Üstünlük qaradərililərdədir — çünki 2016-cı il uğursuzluğunun əsas amillərindən biri kimi Demokratlar Partiyasında Hillari Klintonla onun ağdərili vitse-prezident namizədinin ölkə əhalisinin 13%-ni təşkil edən zəncilər tərəfindən zəif şəkildə dəstəklənməsini hesab edirlər. Ona görə də onları vitse və ya prezident postu ilə cəlb etmək lazımdır.

Boston Globe kimi nəşrlər birbaşa yazırlar: Baydenin vitse-prezident namizədi qaradərili olmalıdır.

Güman olunur ki, qaradərili tandemdə təqib olunan qara azlıq mövqelərindən aqressiv şəkildə Trampın və respublikaçıların irqçi mahiyyətini ifşa edəcək, Bayden isə elan edəcək ki, Obama ilə birgə ölkəni idarə etdikləri dövrdə cəmiyyətdə belə qütbləşmə yox idi və onun missiyası ölkənin yenidən birləşdirilməsidir.

...Amma maraqlı məqam var.

Belə bi fikir var ki, belə bir tandem ölkəni Trampdan daha yaxşı birləşdirə bilməyəcək.

Ola bilsin ki, daha pis birləşdirdi.

Bu yaxınlarda bizdə adı çəkilmiş, on il əvvəl 2020-ci ildə ABŞ-da siyasi qeyri-sabitlik olacağını demiş biri kimi qəflətən ortaya çıxmış Konnektikut Universitetinin professoru Pyotr Turçin bu qeyri-sabitliyin əsas amillərindən biri kimi "elitaların həddindən çoxluğunu" göstərmişdi.

Bu çoxluq isə nə qədər qəribə olsa da, zəngin insanların faizinin artması kimi pozitiv bir tendensiyadan ortaya çıxır.

Biz isə burada həmişə fikirləşirik ki, ən pisi varlılarla kasıbların arasındakı uçurumun getdikcə dərinləşməsidir.

Lakin deyəsən, problemi ilk baxışda müsbət görünən dəyişikliklər yaradır. Biz artıq yazmışdıq ki, 1970-ci ildə əhalinin 62%-ni, indi isə haradasa yarısını təşkil edən ABŞ-ın orta təbəqəsi ya varlanır, ya da yoxsullaşır. Maraqlıdır ki, bu təbəqənin sıralarını son 10 ildə tərk edənlərin üçdə ikisi yoxsullara yox, zənginlərə qoşulublar.

Bundan əlavə, hətta həddindən zənginlərin sayı artıb: ABŞ-ın ən zəngin vətəndaşlarının şərti "brilyant faizi" artıq iki faizi də keçib. 1995-ci il qiymətləri ilə hesablananda on milyon dollardan çox sərvəti olan ailələrin sayı 1983-dən 2010-cu ilədək beş dəfə artıb (indi daha da çoxdur). ABŞ-da indi elita nümayəndəsi həddindən çoxdur, təxminən 19 milyon milyonçu var (Rumıniya və Qazaxıstanın əhalisi qədər), desimilyonçular yarım milyon, milyarderlər isə haradasa 650 nəfərdirlər.

Əslində bu yaxşıdır?

Lakin bir nüans var. İnsanlar varlananda təbii olaraq hakimiyyətə iddia etməyə başlayırlar. Onlar özlərinin iqtisadi qüdrətlərini hiss edirlər və onu siyasi gücə çevirməyə çox can atırlar. Onlar şəhərlərə, ştatlara, Konqresə, Ağ evə iddia irəli sürürlər.

Lakin hakimiyyətdəki yerlərin sayı artmayıb. 450 yerlik Konqresə heç bütün milyarderlər sığışa bilmzz.

Elitadakı belə "basabasa" görə onların arasında heç bir həmrəylik olmur, əksinə, dəhşətli qırğın başlayır.

Yeri gəlmişkən, düşünməyin ki, bu qırğında yalnız varlılar iştirak edirlər.

İş ondadır ki, digərləri, yəni, həmin orta təbəqə və kasiblar hiss edəndə ki, əsl pullar, qüvvə və rifah onlardan harasa yuxarıya doğru aralaşır, onlar da qüvvələrini cəm edib varlıların və böyüklərin parlayan dünyasına düşmək üçün sosial liftlərə doğru axışdırlar.

Nəticədə все ABŞ-da son illər ərzində əhalinin artımını xeyli qabaqlayan templərlə hüquqşünasların, politoloqların və "ictimai elmlər üzrə mütəxəssislərin" sayı artmağa başlayıb. Yəni, nəzəri olaraq sonradan siyasi karyeraya çevrilə bilən və çevriləcək ixtisaslardan söhbət gedir.

Bu adamların çoxu nəinki siyasi karyeraya başlaya bilməyib, heç öz sahəsində uğur qazanmayıb.

Onlar qəzəblidirlər, əsəbidirlər və prinsip etibarı ilə hazırkı Amerikanın alovlanmasının əleyhinə deyillər. Çünki böhran həm də, bəziləri üçün imkanlar pəncərəsi rolunu oynayır.

Bu insanlar ola bilsin ki, ayrı-ayrılıqda Amerikaya çox vətənpərvərcəsinə yanaşırlar, lakin bir yerdə ölkənin əsas daxili düşmənidirlər.

Həm də Rusiyadan fərqli olaraq amerikalıları ölkədən heç yerə çıxarmaq olmur. Rusiyada barışmaz elita nümayəndələri və yaxud istəklərinə rəğmən elə ola bilməyənlər sadəcə mühacirətə gedirlər və sonradan Florida, Kolorado, yaxud da bəxtləri gətirməsə Kiyevdən Rusiyanın dəhşətlərinə "layk" qoymağa başlayırlar. Amerikalılar isə artıq ABŞ-dadırlar, onlar uğur qazanmaq üçün artıq hər şeyi ediblər, indi isə onların göstərdikləri vekseli nağdlaşdırmaq istəmirlər.

Diqqət, sual: "Co baba" və qara dəmir ledi bu adamların nə ilə könlünü ala və sakitləşdirə biləcəklər? İki ali məmurdan birinin cinsini və rəngini dəyişməklə hədəf qrupu qarşısında real qüdrətə doğru irəlilədiklərini imitasiya etməklə? Bu, elita nümayəndələrinin daxili rəqabət problemlərini necəsə həll edəcək?

Hakimiyyət əvvəlki kimi rezindən deyil.

...Yeri gəlmişkən, hakimiyyət haqqında.

Müxtəlif ölkələrdəki elitaların bir-birilərindən nə iləsə fərqləndiyini düşünmək lazım deyil. Biz Rusiyanın misalında görürük ki, vaxtaşırı olaraq yerli boyarların müxtəlif hissələri hər şeyi unudaraq həvəslə iğtişaş yaratma oyunlarına girişdiklərini görürük. Bunu dəfələrlə, davamlı olaraq edirlər. O vaxta qədər ki, obrazlı desək, meşəbəyi gəlib çıxır.

Və məhz ona görə dünyanın ən əhəmiyyətli dövlətlərindən biri kimi ABŞ-ın hazırkı və gələcək taleyi bizim elitalara da açıq dərs olacaq.

Və bununla da biz qabaqcıl Amerika təcrübəsini təkrar etməkdən qurtulacağıq.

2103
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

60
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

60
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
ABŞ-da epidemioloji vəziyyət

Koronavirusa yoluxanların sayı 21 milyona yaxınlaşır

1
Avropada virusa yoluxanların sayına görə Rusiya ilk yerdədir. Belə ki, bu ölkədə 905 752 yoluxma qeydə alınıb

 

BAKI, 14 avqust — Sputnik. Dünyada koronavirusa yoluxanların sayı 20 907 410 nəfəri keçib. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 55 612 nəfər vəfat edib, 12 995 523 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 5 milyon 249 min 155 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 905 752 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

 

1
Teqlər:
dünya, Koronavirus, COVID-19
Mövzu:
Dünyanı cənginə almış bəla
Əlaqədar
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Hindistan koronavirus əleyhinə dərmanın satışına başladı - 64 manata
Həkim koronavirusun insanın beynini necə sıradan çıxarmasından danışıb
Koronavirusa qarşı peyvənddən xəstələnmək olarmı?
Əhalinin vaksinasiyaya münasibəti pisləşib: Epidemiya yoxdursa, niyə vaksin vurursuz
 Pandemiya zamanı imtahan, arxiv şəkli

DİM kolleclərlə bağlı abituriyentlərə müraciət etdi

0
(Yenilənib 12:20 14.08.2020)
İmtahanlar təsviri sənət, musiqi sənəti və teatr, kino və xoreoqrafiya sənəti istiqamətləri üzrə keçiriləcək. Ümumilikdə 15 Yaradıcılıq Qabiliyyətinin Yoxlanılması Komissiyası (YQYK) təşkil ediləcək

BAKI, 14 avqust — Sputnik. Dövlət İmtahan Mərkəzi 9 illik orta təhsil bazasında kolleclərin xüsusi qabiliyyət tələb edən ixtisaslarına qəbul olmaq istəyən abituriyentlərə müraciət edib. Bu barədə Sputnik Azərbaycan-a DİM-dən məlumat verilib.

Bildirilib ki, abituriyentlər "qabiliyyət imtahanına buraxılış vərəqəsi"ni çap edə bilərlər.

Dövlət İmtahan Mərkəzi tərəfindən 17-21 və 24 avqust tarixlərində 2020/2021-ci tədris ili üçün ümumi orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisaslarına qəbul olmaq üçün qeydiyyatdan keçmiş abituriyentlərin qabiliyyət imtahanları keçiriləcək.

İmtahanlar təsviri sənət, musiqi sənəti və teatr, kino və xoreoqrafiya sənəti istiqamətləri üzrə keçiriləcək. Ümumilikdə 15 Yaradıcılıq Qabiliyyətinin Yoxlanılması Komissiyası (YQYK) təşkil ediləcək. 8 komissiya üzrə qabiliyyət imtahanları ilk dəfə olaraq onlayn keçiriləcək.

İmtahanlar Bakı, Naxçıvan, Gəncə və Bərdə şəhərlərində 7 binada təşkil ediləcək.

Abituriyentlər 14-18 avqust 2020-ci il tarixlərində DİM-in saytından "qabiliyyət imtahanına buraxılış vərəqəsi"ni çap edə bilərlər.

Qabiliyyət imtahanları təsviri sənət istiqaməti ilə başladığına görə bu istiqamət üzrə imtahan verən abituriyentlərə buraxılış vərəqələrini avqustun 16-na qədər çap etmək tövsiyə olunur.

İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.

Xatırladaq ki, kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- qabiliyyət imtahanına buraxılış vərəqəsini;

- Sağlamlıq haqqında bəyannaməni (buraxılış vərəqi ilə birlikdə çap edirsiniz və imzalayırsınız);

- şəxsiyyəti təsdiq edən sənədin əslini:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahana buraxılış vərəqəsi abituriyentin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır.

142, 143, 342-ci komissiyaları (xoreoqrafiya və rəqs müəllimliyi) seçən abituriyentlər qabiliyyət imtahanına gələrkən komissiyaya çəkisi, boyu, onurğa sütunu, ürəyi, ağ ciyərləri, görmə qabiliyyəti haqqında tibbi arayış təqdim etməli­ və özləri ilə rəqs paltarı gətirməlidirlər.

Sərtləşdirilmiş xüsusi karantin rejiminin tətbiq olunduğu şəhər və rayonlara giriş-çıxışa məhdudiyyət qoyulduğu üçün imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək. İmtahan iştirakçısına "İmtahana buraxılış vərəqəsi" ilə bir yerdə onu müşayiət edəcək 1 nəfər üçün arayış da çap etmək imkanı yaradılıb. Arayış imtahan iştirakçısı tərəfindən doldurulmalı və imza ilə təsdiqlənməlidir. Arayış yoxlama zamanı şəxsiyyət vəsiqəsi ilə birlikdə təqdim edilir və imtahan iştirakçısının özü iştirak etdikdə (imtahan binasının yaxınlığında gözləmək istisna olmaqla) və onun müvafiq sənədləri (şəxsiyyət vəsiqəsi, imtahana buraxılış vərəqəsi) təqdim edildikdə etibarlıdır.

Diqqət! Bir imtahan iştirakçısını birdən artıq şəxs müşayiət edə bilməz.

0