Rusiyanın hərbi polisi, arxiv şəkli

Rusiya Liviyada hərbi baza yaratması məsələsinə aydınlıq gətirildi

14
(Yenilənib 19:43 30.07.2020)
İyunun 8-i Milli Birlik Hökumətinin Daxili İşlər naziri Fathi Baqşi bəyan edib ki, Rusiyanın ölkə ərazisində iki hərbi bazanın yaradılmasına dair planları var.

BAKI, 30 iyul — Sputnik. Rusiyanın Liviyada hərbi baza yaratmaq planı yoxdur. 

Sputnik Azərbaycan xəbər verir ki, bunu Rusiyanın Misirdəki səfiri Qeorqi Borisenko "TEN" telekanalına müsahibəsində Liviyada Milli Birlik Hökumətinin iddialarını şərh edərkən bildirib.

Onun sözlərinə görə, Liviya rəhbərliyinə hər hansı bir hərbi və ya dəniz bazasının yaradılması ilə bağlı sorğu göndərilməyib. Borisenko qeyd edib ki, Rusiya Liviyanı müstəqil və suveren ölkə kimi qəbul edir və ona görə də yerli rəhbərliyin razılığı olmadan onun daxili işlərinə qarışmaq istəmir.

Qeyd edək ki, iyunun 8-i Milli Birlik Hökumətinin Daxili İşlər naziri Fathi Baqşi bəyan edib ki, Rusiyanın ölkə ərazisində iki hərbi bazanın yaradılmasına dair planları var. O qeyd edib ki, hərbi bazanın biri Sirt liman şəhərində, digər isə Tripolidən 600 kilometr cənub-şərqdə yerləşən əl-Cufra hərbi bazasında yaradılacaq.

14
Ermənistanın sabiq prezidenti Robert Köçəryan

Ermənistanın sabiq prezidenti Türkiyəyə qarşı tələ qurduqlarını etiraf etdi

3
(Yenilənib 12:32 05.12.2020)
Ermənistanın ikinci prezidenti olmuş Köçəryan rəsmi İrəvan hökumətinin Dağlıq Qarabağ müharibəsini başlamaq üçün bütün imkanlarından yararlandığını deyib

BAKI, 5 dekabr — Sputnik. Ermənistanın sabiq prezidenti Robert Köçəryan: "Türkiyəni birbaşa müharibəyə cəlb etmək üçün çalışdıq, amma bacarmadıq", - deyə etiraf edib.

Sputnik Azərbaycan-ın Türkiyə mediasına istinadən xəbərinə görə, Ermənistanın ikinci prezidenti olmuş Köçəryan rəsmi İrəvan hökumətinin Dağlıq Qarabağ müharibəsini başlamaq üçün bütün imkanlarından yararlandığını deyərək Türkiyəni də bu müharibəyə cəlb etmək istədiklərini, lakin buna müvəffəq ola bilmədiklərini bildirib. "Fəaliyyətləri ilə Azərbaycana beynəlxalq legitimlik qazandırdılar", - deyə Koçaryan əlavə edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

3
Teqlər:
müharibə, Türkiyə, etiraf, Robert Koçaryan, Ermənistan, Azərbaycan, Qarabağ
Mövzu:
Azərbaycan və Ermənistan arasında müharibə
Rusiyada tibb işçiləri, arxiv şəkli

COVID-19-a yoluxanların sayı 66 milyonu ötdü - Çin Azərbaycandan da geri pillədə

8
Xəstəliyin ilkin mənbəyi hesab olunan Çin yoluxmaya görə artıq xeyli pillə geriləyərək 75-ci yerdə qərarlaşıb

BAKI, 5 dekabr — Sputnik. Sutka ərzində qeydə alınan rəqəmlərə görə, hazırda dünyada COVID-19-a  yoluxanların sayı 66 milyon 231 min 472-dir. Sputnik Azərbaycan-ın www.worldometers-ə istinadən xəbərinə görə, ümumilikdə bu günədək xəstəlikdən ölənlərin sayı 1 milyon 524 min 972-dir. Son sutkaya olan rəqəmlərə görə, virusdan sağalanların sayı isə 45 milyon 812 min 972-dir. Hazırda dünyada aktiv xəstə sayı 18 milyon 894 min 74-dür.

Qeyd edək ki, hazırda xəstəliyə ən çox yoluxma halı ABŞ, Hindistan və Braziliyada qeydə alınıb. Xəstəliyin ilkin mənbəyi hesab olunan Çin isə yoluxmaya görə artıq xeyli pillə geriləyərək 75-ci yerdə qərarlaşıb. Azərbaycan yoluxma sayına görə dünyada 55-cidir.

8
Teqlər:
Braziliya, Hindistan, ABŞ, dünya, yoluxma, Koronavirus, epidemiya, COVID-19, Uhan
Mövzu:
Dünyanı cənginə almış bəla