Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər

1396
(Yenilənib 23:19 29.07.2020)
Qərbdə Çinlə qarşıdurmanın qaçılmaz olduğunu dərk edirlər: Rusiyanın G7-yə qayıtması onun Qərbə məxsus olduğunu təsdiq edə bilərdi.

Qaliya İbrahimova, RİA Novosti

BAKI, 29 iyul — Sputnik. Vaşinqton və Berlin mübahisə edir ki, "Böyük yeddilik"in növbəti sammitinə Moskvanı dəvət etmək lazımdırmı? Donald Tramp Vladimir Putini danışıqlarda görmək istəyir, AFR-in xarici işlər naziri Hayko Maas isə Ukrayna problemi üzündən Rusiya lideri ilə ünsiyyətin mümkünsüzlüyünü göstərir. Kreml də cavab verir ki, G7-də iştirak etmək istəyi yoxdur və BMT Təhlükəsizlik Şurasının beş daimi üzvü olan "Nüvə beşliyi" ilə qarşılaşmağa üstünlük verir. Hadisələrin hansı ssenari üzrə inkişaf etmə ehtimalı daha çoxdur? Bu barədə RİA Novosti-nin materialında.

"Təhlükəsizlik - mal deyil"

Almaniya Federativ Respublikası və ABŞ bu il diplomatik münasibətlərin 65 illiyini qeyd edir. Vaşinqton və Berlin İttifaqı Avroatlantik təhlükəsizliyə zəmanət sayılır. Amma yubiley ovqatı təlx ola bilər.

Yayın əvvəlində ABŞ prezidentinin blef etmədiyi və həqiqətən də, 9,5 min amerikalı hərbçini Almaniyadan çıxarmağa hazırlaşdığı aydın oldu. Əsas səbəb alman hökumətinin Şimali Atlantika Alyansına xərcləri artırmaq istəməməsidir. Ağ Evi Berlinin Amerika mallarına olan rüsumları azaltmaqdan imtina etməsi qane etmir.

"Tramp NATO-nu ticarət təşkilatı ilə qarışdırır. Təhlükəsizlik mal deyil və yalnız qarşılıqlı ola bilər", — deyə Almaniyanın müdafiə naziri Anneqret Kramp-Karrenbauer Amerika liderinə etiraz etməyə çalışıb. Amma əbəs yerə.

"Əgər almanlar bizim himayəmiz altında olmaq istəyirlərsə, qoy borclarını ödəsinlər və NATO-nun büdcəsinə ödənişləri artırsınlar", - deyə Berlindəki keçmiş amerikalı səfir Riçard Qrenell bildirib. Tramp onunla həmrəy olub.

Avropa İttifaqının enerji təhlükəsizliyi məsələsində də vahid mövqeyi yoxdur. Amerikalılar israr edirlər ki, "Şimal Axını-2" və "Türk axını" avropalıların Rusiya qazından asılılığını artırır və siyasi risklər yaradır.

Almanlar razı deyil, Vaşinqtonun müdaxiləsi onların xoşuna gəlmir. Amerikalılar isə Rusiyanın enerji layihələrinin avropalı iştirakçılarına qarşı yeni sanksiyalar tətbiq etməklə öz bildiklərini əldən qoymurlar.

"Anti-Çin Alyansı"

Guya Berlin Vaşinqtonla Moskva ilə bağlı konsensusa malikdir: Krımın Rusiya ilə birləşməsini tanımamaq, Kiyevi Ukraynanın cənub-şərqindəki münaqişədə dəstəkləmək. Lakin digər problemlər barəsində bu yaxınlarda fikir ayrılıqları yarandı.

Dövlət Departamenti ötən həftə Çinə qarşı alyans yaratmaq planlarını açıqlayıb. Özü də Mayk Pompeo buna Moskvanı cəlb etməyi təklif etdi. Prezident Tramp sentyabrda keçiriləcək G7 sammitinə Vladimir Putini dəvət etmək ideyasını xatırladı. "Böyük səkkizlik"in bərpasından danışılmasa da, bu, anti-Çin İttifaqını müzakirə etmək üçün yaxşı imkandır. Görünür, Vaşinqtonda bu cür müzakirələr aparılıb.

Almaniyanın başqa məntiqi var. Angela Merkel hesab edir ki, Çin, doğrudan da "əsas xarici siyasət çağırışıdır", özü də yalnız ABŞ üçün deyil, həm də Avropa üçün. Amma AFR kanslerinin fikrincə, hələlik heç bir ölkə ÇXR-ə qarşı duruş gətirə bilmir.

"G7-nin anti-Çin Alyansına çevrilməsi Berlinin maraqlarına cavab vermir", - Merkel əmindir. O, hələ də pandemiyanın ortasında ABŞ zirvəsinə gedib-getməmək arasında tərəddüd edir.

Alman diplomatiyasının rəhbəri Hayko Maas Trampın Putini sammitə çağırmaq niyyətinin qəti əleyhinədir.

"Krım və Ukraynanın cənub-şərqindəki hərbi qarşıdurma Rusiyanın G8-dən çıxarılmasına təsir göstərib. Nə qədər ki, bu məsələlər həllini tapmaylıb, mən Moskvanın bu formatda üzvlüyünü bərpa etmək zərurətini görmürəm", — deyə o bəyan edib.

Və əlavə edib ki, bu, dialoqun mümkün olmadığı anlamına gəlmir. Maas Ukrayna, Suriya və Liviyadakı münaqişələrin həllində Rusiya olmadan irəliləyişə nail olunmayacağını bildirib.

"Beşlər sammiti" üzrə konsensus

Diskussiyaya Moskvada da reaksiya verilib. XİN-də və Federasiya Şurasında hər hansı anti-Çin birliklərində iştirak etməyi istisna ediblər, Çinlə əməkdaşlığın Rusiya üçün prioritet olduğunu vurğulayıblar.

"Yeddilər qrupu" Qərb dünyasının birliyini nümayiş etdirmək alətinə çevrilib, lakin yeni qərarlar qəbul etməyi dayandırıb. Rusiya hər zaman istənilən formatda dialoqa hazırdır, lakin yalnız iştirakçıların bərabərliyi şərti ilə", — deyə Federasiya Şurasının beynəlxalq məsələlər üzrə komitəsinin rəhbəri Konstantin Kosaçev bildirib.

Prezidentin mətbuat katibi Dmitri Peskov Moskvanın "Böyük yeddiliyə" qayıtmağı hədəfləmədiyini təsdiqləyib.

"Rusiya müasir iqtisadi reallıqlara daha yaxşı cavab verən G20-nin işinin səmərəliliyindən razıdır", — deyə Peskov bildirib.

Bunu G7-də də etiraf ediblər. Vladimir Putinin BMT Təhlükəsizlik Şurasının daimi üzvü olan beş dövlətin Sammitini təşkil etmək təşəbbüsü də az maraq doğurmayıb.

"Beynəlxalq məsələlərdə dünyanın aparıcı ölkələrinin, rəsmi dövlətlərin daim diqqətini tələb edən qeyri-müəyyənliklər olduqca çoxdur. Buna görə də, mənim fikrimcə, belə bir görüş vaxtında tələb olunur və faydalı olardı", — deyə Rusiya prezidenti öz ideyasını şərh edib.

"Beşlər sammiti"nin formatı və gündəliyi haqqında uzun müzakirələrdən qaçmaq mümkün olub. ABŞ, Fransa, Çin, Böyük Britaniya Rusiyanın təklifini dəstəkləyib və razılaşıblar ki, onların danışmağa sözü var.

Əvvəlcə "Beşlər sammiti" sentyabr ayına planlaşdırıldı. Pandemiyaya görə videokonfrans variantı istisna edilmir. İndi müzakirə üçün mövzuların dairəsini müəyyən edirlər. Məlumdur ki, münaqişə bölgələrindəki vəziyyət, strateji silahlara nəzarət və terrorizmə qarşı birgə mübarizə diqqət mərkəzində olacaq.

Rusiyaya praqmatik baxış

Corc Marşall adına Təhlükəsizlik məsələlərinin öyrənilməsi üzrə Avropa Mərkəzinin mütəxəssisi Pal Dunay RİA Novosti ilə söhbətində tələsik nəticələr barədə xəbərdarlıq edib. Rusiyanın G7-də iştirakı da daxil olmaqla, bir çox beynəlxalq məsələlər üzrə hazırkı Amerika-Almaniya ziddiyyətlərini "söz müharibəsi" adlandırıb.

"Berlin Vaşinqtonla ictimai qovğalardan qaçmağa çalışır. Alman isteblişmenti anlayır ki, Trampın bütün əməlləri indi Amerika seçkiqabağı kampaniyasına hesablanıb. ABŞ prezidenti NATO-dakı müttəfiqlərə qarşı qətiyyət nümayiş etdirməyə çalışır. Amma əsas məsələlər — istər "Şimal Axını-2" olsun, istər Amerika hərbçilərinin Almaniyada olması, istərsə də, Rusiya ilə qarşılıqlı fəaliyyət — AFR hökuməti öz mövqeyini dəqiq şəkildə ortaya qoyur", - deyə Dunay bildirir.

Ekspert qarşıdakı G7 sammiti ətrafında spekulyasiyaları uydurma hesab edir. O, "Yeddilik" də demək olar ki, hər kəsin dəfələrlə etiraf etdiyinə diqqət çəkir: qlobal problemləri Çin, Hindistan, CAR, Braziliya kimi regional fövqəldövlətlər olmadan həll etməyə çalışmaq mənasızdır. Dunay vurğulayır ki, Aİ-də bir sıra Yaxın Şərq münaqişələrinin həllində Rusiyanın mühüm rolunu da dərk edirlər.

"Avropa Rusiyaya praqmatik baxır, Amerika haqqında isə bunu deyə bilməzsən. Trampın G7 zirvəsinə Putinin dəvət edilməsi ritorikası populist gedişdən başqa bir şey deyil. Almaniyanı isə Moskva ilə ən azı enerji birləşdirir. Bu məqamda Berlinin mövqeyi tam aydındır: Vaşinqtonun təzyiqlərinə baxmayaraq, almanlar "Şimal Axını-2"dən imtina etməyəcək. Hətta onu gecikmə ilə başa çatdırsalar belə", - Dunay bildirib.

Rusiya beynəlxalq məsələlər Şurasının baş direktoru Andrey Kortunov hesab edir ki, G7 hazırda ən yaxşı formada deyil, Rusiya isə yeganə "şər alması" deyil.

"Yeddilər qrupu" daim özünü "İyirmilər qrupu" (G20) ilə müqayisə etməyə məcburdur. Və bu, öz xeyrinə deyil. Lakin qarşıdan gələn sammitdə Moskvanın iştirakı ilə bağlı diskussiya hər halda maraqlıdır. Onu göstərir ki, Qərbdə Çinlə qarşıdurmanın qaçılmaz olduğunu dərk edirlər. Rusiyanın bu formata qayıtması onun Qərbə məxsus olduğunu təsdiq edə bilərdi. Bu o demək olardı ki, biz hələ də Şimali Atlantika sivilizasiyasının dəyərlərinə istiqamətlənmişik. Lakin Rusiya bu cür geosiyasi adaptasiyaya, çətin ki, gedə bilsin", - deyə Kortunov vurğulayır.

Ekspertlər yekdil fikirdədirlər ki, daxili yenidənqurma və məqsədlərin dərk edilməsi mərhələsi G8-in dirçəlişi üçün ən yaxşı vaxt deyil. "Beşlər sammiti" daha perspektivlidir. BMT Təhlükəsizlik Şurasının daimi üzvləri diskussiyalarda heç də həmişə bir-birini eşitmirlər. Dövlət başçılarının şəxsi görüşünün vəziyyəti dəyişəcəyi istisna edilmir.

1396
Azərbaycan Respublikasının Prezidenti İlham Əliyev və Gürcüstan Prezidenti xanım Salome Zurabişvili mətbuata bəyanatlarla çıxış ediblər

Gürcüstan prezidenti Azərbaycanla sərhədlərin delimitasiyası məsələsini qaldırdı

49
(Yenilənib 20:25 24.09.2020)
Gürcüstan Prezidenti Salome Zurabişvili: "Sərhədlərin delimitasiyası prosesinin vaxtında başa çatdırılması qarşılıqlı strateji maraq kəsb edir".

BAKI, 24 sentyabr — Sputnik. "Sərhədlərin delimitasiyası prosesinin vaxtında başa çatdırılması qarşılıqlı strateji maraq kəsb edir".

Sputnik Azərbaycan Gürcüstan prezidentinin mətbuat xidmətinə istinadla xəbər verir ki, bunu Gürcüstan Prezidenti Salome Zurabişvili Azərbaycanın xarici işlər naziri Ceyhun Bayramovla görüşü zamanı deyib.

Bildirib ki, bu məsələnin əhəmiyyəti, Gürcüstan Prezidenti tərəfindən ötən il Bakıda Azərbaycan Prezidenti ilə görüşündə müzakirə edilib.

"Gürcüstan Prezidenti əmindir ki, bu prosesə heç kim və heç nə mane ola bilməz", - deyə Gürcüstan Prezidentinin mətbuat xidmətinin məlumatında vurğulanıb.

Məlumatda qeyd edilib ki, görüş zamanı xarici işlər naziri C.Bayramov Azərbaycanın Gürcüstanın ərazi bütövlüyü və suverenliyinə verdiyi güclü dəstəyi bir daha xatırladıb. Gürcüstan Prezidenti isə öz növbəsində, ölkəsinin Azərbaycanın suverenliyini və ərazi bütövlüyünü dəstəklədiyini bildirib.

Gürcüstan prezidenti ölkəsinin münaqişə tərəflərinin istəyi ilə bölgədə sülh və sabitliyi təşviq etmək üçün bir platforma olmağa hazır olduğunu qeyd edib.

Görüş zamanı Gürcüstan Prezidenti S.Zurabişvili Azərbaycan Prezidentini və vitse-prezidentini Gürcüstana səfərə dəvət edib.

49
Teqlər:
Azərbaycan xarici işlər nazirliyi, Ceyhun Bayramov, Salome Zurabişvili
İskəndər M raket kompleksi

Moskva ABŞ-ı böyük səhvdən çəkindirir

40
(Yenilənib 20:09 24.09.2020)
Vaşinqton dialoqa razılaşsa, perspektivdə Çin, Fransa, Böyük Britaniya, Hindistan və Pakistan — yəni nüvə silahına malik dövlətlər də müzakirəyə qoşula bilər.

BAKI, 24 sentyabr — Sputnik, Qaliyə İbrahimova, Sofiya Melniçuk. Rusiya Strateji Hücum Silahları Haqqında Müqavilənin (SHS-3) qorunub saxlanmasının tərəfdarıdır və ABŞ-ı onu uzatmağa çağırır. Danışıqlar yaydan bəri uzanır. Vaşinqton sənədin yenidən nəzərdən keçirilməsini tələb edir, Moskva isə nəyisə dəyişməkdən imtina edir. Problemin mahiyyəti nədədir? Ətraflı RİA Novosti-nin materialında.

"Reaksiya eşitmirik"

"Operativ şəkildə həll oluna bilən və həll edilməli olan prioritet məsələ, əlbəttə ki, 2021-ci ilin fevralında başa çatacaq Rusiya ilə ABŞ arasında Strateji Hücum Silahları Haqqında Müqavilənin uzadılmasıdır. Biz amerikalı tərəfdaşlarımızla belə danışıqlar aparırıq", – Vladimir Putin BMT Baş Assambleyasının 75-ci sessiyasının açılışında bildirib.

Rusiya prezidenti ölkələri yeni raket sistemlərinin yerləşdirilməsində də təmkinli olmağa çağırıb. Ötən il Birləşmiş Ştatlar Kiçikmənzilli və Ortamənzilli Raketlərin Ləğvi Barədə Müqavilədən çıxıb. Bundan sonra Moskva raketlərin Avropada yerləşdirilməsinə moratorium elan edib.

Putin vurğulayıb: "Təəssüf ki, biz hələ ki nə amerikalı tərəfdaşlarımızdan, nə də onların müttəfiqlərindən təklifimizə reaksiya eşitmirik".

SHS-3-ü uzatmağı BMT Baş katibi Antoniu Quterreş dəfələrlə tövsiyə edib. Amma o, ABŞ-ın Çini də müqaviləyə qatmaq tələbinə mənfi reaksiya verib. Amerikalıları "böyük səhv" etməkdən Rusiyanın daimi nümayəndəsi Vasili Nebenzya da çəkindirib.

Strateji təhlükəsizliyin sütunları

SHS-3 nüvə texnologiyalarına nəzarət sahəsində əsas sənəddir. 2010-cu ildə onu imzalamaqla Moskva və Vaşinqton strateji arsenalları ixtisar etməyi öhdələrinə götürüblər. Bu proses hələ 70-ci illərin əvvəllərində soyuq müharibə tərəflərinin Strateji Silahların Məhdudlaşdırılması (SSM-1) haqqında ilk müqaviləni bağlaması ilə başlayıb. O vaxtdan bəri bu sahədə yeddi ikitərəfli saziş qəbul olunub.

ABŞ onları heç vaxt şübhə altına almayıb. Lakin Donald Trampın prezidentliyi hər şeyi dəyişib. Ağ Ev rəhbəri razılaşmaları müasir reallıqlara uyğunlaşdırmağa çalışır və yeni silahlanma yarışının başlaması perspektivi onu qorxutmur.

ABŞ 2019-cu ilin avqustunda Kiçikmənzilli və Ortamənzilli Raketlərin Ləğvi Barədə Müqavilədən çıxmaq barədə qərarını Rusiyaya olan iddiaları ilə izah edib. İddia olunurdu ki, Moskva sənədlə qadağan olunmuş SSC-8 (Rusiya təsnifatında 9M729) raketlərini sınaqdan keçirib. Amerikalılar aydın sübutlar təqdim etməyiblər.

Amma qeyri-formal söhbətlərdə onlar etiraf ediblər ki, problem Moskvanın hərəkətlərində deyil. Pentaqon Çini kiçikmənzilli və ortamənzilli raketləri yaratmaqda şübhəli bilib və Çin hökumətinin strateji silahlarla bağlı danışıqlara qoşulmasını tələb edib. Pekin isə bu arzulara məhəl qoymayıb.

2020-ci ilin mayında ABŞ Açıq Səma Müqaviləsindən (ASM) çıxıb və yenə Moskvanı günahlandırıb – guya ruslar təftiş uçuşlarına mane olur. Rusiya Müdafiə Nazirliyi bunu təkzib edib. Qurumda hesab edirlər ki, amerikalılar kosmosa daha fəal şəkildə yiyələnmək niyyətindədirlər. ASM isə onların əl-qolunu bağlayırdı.

Nüvə pariteti

"ABŞ və NATO Çinin nüvə proqramının sürətlə inkişaf etməsindən narahatdırlar. Görünür, çinlilər bu məsələdə Vaşinqton və Moskva ilə paritet əldə etmək niyyətindədirlər", – ABŞ-ın silahlara nəzarət üzrə xüsusi nümayəndəsi Marşall Billinqsli yayda bildirirdi.

Vaşinqtonun narazılığına səbəb olan daha bir faktor odur ki, SHS-3 Rusiyanın taktiki nüvə potensialını artırmasını məhdudlaşdırmır. Billinqsli strateji silahların hazırkı yoxlanılması mexanizmini də tənqid edib.

Diskussiyalara hər halda start verilib, amma amerikalılar növbəti şərtləri irəli sürüblər.

"ABŞ Rusiyanın ən yeni silahlarını da müzakirəyə daxil etməyi tələb edir ki, bu da açıq qapını döymək (yəni aşkar olanı, heç kəsin qarşı çıxmadığını sübut etmək – red.) deməkdir", — Nebenzya bildirib.

"Yaxşı təklif"

Görüşlərin ikinci mərhələsi sentyabrda heç bir irəliləyiş olmadan başa çatıb. ABŞ-ın yeni tələbi var – əlavə çərçivə sazişlərini qəbul etmək.

Amerikalılar oraya yalnız strateji deyil, həm də taktiki nüvə arsenallarını da əlavə etməyi təklif edirlər. Yeganə güzəşt – Vaşinqton Çinin danışıqlar prosesinə qoşulmasını təxirə salmağa razılıq verib.

"Biz Rusiyaya yaxşı təklif verdik", — Billinqsli bildirib.

Rusiya Xarici İşlər Nazirliyindən (XİN) bildiriblər ki, Moskva müqaviləni yalnız hazırkı formada uzadacaq. Onun qüvvədə olma müddəti bir neçə aydan sonra başa çatır və nəyisə dəyişməyə vaxt yoxdur. Qurumdan bildiriblər ki, razılaşmanı amerikalılar özləri uzadırlar.

"Əgər ABŞ maraq balansı əsasında yeni bir şey hazırlamağa hazırdırsa, saziş mümkün olacaq. Amma vaxt lazım olacaq", - Rusiya Xarici İşlər nazirinin müavini Sergey Ryabkov bildirib.

"ABŞ preferensiyalar istəyir"

"Alternativlər azdır: ya SHS-3 dəyişilmədən uzadılır, ya da ondan tamamilə imtina edilir", - silahlara nəzarət problemləri üzrə mütəxəssis Yevgeni Myasnikov bildirir.

O, müqavilənin əsas dəyərini strateji silahların yoxlanılması sistemində görür: "Əvvəlki dövrlərdə bir-birinin fəaliyyətinə nəzarət etmək çətin idi. Tərəflər ən pis ssenaridən çıxış edirdilər ki, bu da gərginliyi artırırdı. Sistem dağılsa, keçmişin təkrarlanması riski artacaq".

PİR Mərkəzinin yeni texnologiyalar və beynəlxalq təhlükəsizlik proqramının direktoru Vadim Kozulin şübhə etmir: müqavilə uzadılacaq. O, ABŞ-ın tələblərini üstünlükləri artırmağa yönəlmiş oyun kimi qiymətləndirir.

"Tramp öz ampluasındadır: sazişin imzalanmasından əvvəl daha çox üstünlük əldə etmək istəyir. Lakin demək olar ki, vaxt qalmayıb və amerikalılar (sazişi - red.) uzatmağa razılaşacaqlar. Yeni şərtlər gələcək müzakirələrin mövzusudur. Üstəlik, Rusiyanın da taktiki nüvə arsenalı və Amerikanın Avropadakı silahlarına dair təklifləri var", – ekspert vurğulayır.

O qeyd edir ki, SHS-3-ə pilotsuz sistemlər daxil deyil, baxmayaraq ki, onlar da nüvə silahı daşıyıcıları hesab edilə bilər.

"Pilotsuz uçan aparatlar Rusiyada çox sayda suallar yaradır. Əslində onlar da elə qanadlı raketlərdir — çoxdəfəlik istifadə nəticəsində onlar ciddi təhlükə törədir. Lakin SHS-3 üzrə görüşlər çərçivəsində Moskva bu mövzuya hələ ki toxunmur", - Kozulin qeyd edir.

Onun sözlərinə görə, nəzarət sisteminin saxlanması indi əsasən ABŞ-dan asılıdır. Əgər Vaşinqton dialoqa razılaşsa, perspektivdə Çin, Fransa, Böyük Britaniya, Hindistan və Pakistan — yəni nüvə silahına malik dövlətlər də müzakirəyə qoşula bilər.

40
Əlaqədar
Medvedev: "Məgər nüvə silahlarının uçuş hədəflərini kimsə dəyişib?"
Çənədəki maska, Beyrut, nüvə silahı və millətin imicini "yuyan" dovşan qanı
Politoloq: “İran nüvə anlaşması ilə bağlı taktiki gedişlər etməyə çalışır”
Trampın elçisi: "Nüvə silahlarını Avropadan çıxarmayacağıq!"
ABŞ Rusiyaya bütün nüvə gücünü göstərəcək

Minik maşını sürüyə çırpıldı, 10 baş heyvan tələf oldu

0
(Yenilənib 23:48 24.09.2020)
Qəza zamanı “Vaz 21 010” markalı minik maşını da yararsız hala düşüb. Sürücü hadisədən xəsarətsiz ötüşüb.

Rahim Məmmədov, Sputnik Azərbaycan

BAKI, 24 sentyabr - Sputnik. Goranboyda minik maşını qoyun sürüsünə çırpılıb. Hadisə gecə saatlarında Goran-Qızılhacılı yolunun rayonun Boluslu kəndindən keçən hissəsində qeydə alınıb.

Qəza zamanı kənd sakini Sulduz Əliyevə məxsus 10 baş xırdabuynuzlu heyvan hadisə yerində tələf olub. Bir neçə heyvan isə yaralanıb.

“Vaz 21-010” markalı avtomobil sürüyə çırpıldıqdan sonra ön hissəsi yararsız hala düşüb. Yol-nəqliyyat hadisəsi zamanı sürücü xəsarət almayıb. Hadisənin başvermə səbəbləri araşdırılır.

0