Çində epidemioloji vəziyyət

Çin çətin seçim qarşısında

9
Çinin ÜDM-inin 55 faizini təşkil edən istehlak sektoru ikinci rübdə 3.9 faiz azalıb. Bu, böhran fonunda əhalinin ödəmə qabiliyyətinin azalması ilə əlaqədardır

BAKI, 28 iyul — Sputnik. Bu ilin ikinci yarısında Çin hökuməti çətin iqtisadi siyasət seçimi qarşısında qalacaq. Əgər fiskal siyasətini zəiflətsə, dövlət gəlirləri xeyli azalacaq, xərclərin azaldılması isə dəhşətli nəticələrə səbəb olacaq. Sputnik Azərbaycan bildirir ki, bu barədə Project Syndicate yazır.

Nəşrin təxmininə görə, Çin maliyyə tələsinə düşüb: hökumət  xərcləri azaltmalıdır ki, defisitin artmasının qarşısını alsın, amma o zaman iqtisadiyyat 2.5 faizdən də az artacaq. Bu təqdirdə isə planlaşdırılmış iş yerlərinin açılması mümkün olmayacaq, bu isə öz növbəsində Çinin makroiqtisadi dayanıqlığına mənfi təsir göstərəcək.

Bu ilin brinci rübündə ölkənin ÜDM-i illik göstəricidə 6.8 faiz azalıb. İkinci rübdə isə iqtisadiyyat özünü doğrultmağa başladı və 3.2 faiz artdı. Ekspertlərin fikrincə, illik artım 2,5 faiz ola bilər.

Çinin ÜDM-inin 55 faizini təşkil edən istehlak sektoru ikinci rübdə 3.9 faiz azalıb. Bu, böhran fonunda əhalinin ödəmə qabiliyyətinin azalması ilə əlaqədardır. Nəşr bildirir ki, hökumət tələbin stimullaşdırılması üçün əlavə tədbirlər görməlidir.

 

9
S-400 kompleksləri, arxiv şəkli

Türkiyə S-400 zenit-raket kompleksini sınaqdan keçirdiyini təsdiqlədi

1
"Sınaqlar – satınalma proqramının bir hissəsidir və tamamilə texniki fəaliyyətdir ", – deyə rəsmi Ankara məsələyə münasibət bildirib.

BAKI, 22 oktyabr — Sputnik. Türkiyə Rusiya istehsalı S-400 zenit-raket kompleksinin Qara dəniz bölgəsindəki Sinop şəhərində sınaqdan keçirildiyini təsdiqləyib. Sputnik Azərbaycan-ın "RİA Novosti"yə istinadən verdiyi xəbərə görə, bu barədə Türkiyənin Müdafiə naziri Hulusi Akar məlumat verib. Nazir bildirib ki, sınaqlar plana uyğun şəkildə həyata keçirilib.

"Müdafiə sənayesi məhsullarının alınması bağlı bütün müqavilələrə onların sınaqdan keçirilməsi də daxildir. Bunlar satınalma proqramının bir hissəsidir və tamamilə texniki fəaliyyətdir", – deyə rəsmi Ankara məsələyə münasibət bildirib.

Qeyd edək ki, bir neçə gün bundan əvvəl türk mediası Sinop şəhərində S-400 zenit-raket kompleksinin sınaqdan keçirilməsi ilə bağlı video yaymış, Türkiyə hakimiyyəti isə bu barədə rəsmi açıqlama verməsə də, beynəlxalq NAVTEX bildirişində oktyabrın 13-dən 17-nə kimi Qara dəniz bölgəsindəki Sinop şəhərində artilleriya təlimlərinin keçiriləcəyini bəyan etmişdi.

Türkiyənin ABŞ-la münasibətlərində böhrana səbəb olan Rusiya istehsalı S-400 hava müdafiə sistemlərinin tədarükü 2019-cu ilin iyul ayından başlayıb. Bundan sonra Vaşinqton ABŞ-ın "F-35" qırıcı-təyyarələrinin Türkiyəyə satışını təxirə salacağını bəyan edib. ABŞ Türkiyəni sanksiyalar tətbiq etməklə hədələyərək Rusiya ilə sazişdən imtina etməsini və bunun əvəzində Amerikadan "Patriot" sistemlərinin alınmasını istəyib. Türkiyə tərəfi isə Rusiyadan S-400 zenit-raket kompleksinin növbəti partiyasının alınması ilə bağlı danışıqları davam etdirib.

1
COVİD-19 xəstəsi, arxiv şəkli

Ermənistanda koronavirusa yoluxanların sayı kəskin artdı

18
Ermənistan Respublikasında son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb.

BAKI, 22 oktyabr — Sputnik. Ermənistanda koronavirusa yoluxanların sayı 70836-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2306 nəfər artıb.

Ermənistanda son gündə daha 10 nəfər ölüb. Ümumilikdə bu virusdan ölənlərin sayı 1131-ə çatıb. Xəstəlikdən sağalanların sayı 49787 nəfər olub. Hazırda bu ölkədə 19591 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41 milyonu keçib, 1,13 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

18
Mövzu:
Dünyanı cənginə almış bəla