Evsiz, arxiv şəkli

Kasıblarla varlılar arasındakı uçurumu doldurmaq istəyirlər

13
(Yenilənib 10:14 11.07.2020)
Layihənin təşkilatçıları qeyd edirlər ki, zəmanətli baza gəlirləri nəinki kasıblığa qalib gəlməyə kömək edəcək, həm də koronavirus pandemiyası dövründə aztəminatlı vətəndaşları maliyyə və karyera zərbələrindən qoruyacaq

BAKI, 11 iyul — Sputnik. Twitter sosial şəbəkəsinin yaradıcılarından biri və hazırkı rəhbəri Cek Dorsi pul paylamağın yeni yolunu təklif edib. O, 14 Amerika şəhər rəhbərinin təşkil etdiyi, ümumi baza gəlirləri üzrə “Merlər zəmanətli gəlirləri dəstəkləyirlər” (Mayors for a Guaranteed income, MGI) adlı eksperimental layihəyə üç milyon dollar ianə edib.

Sputnik Azərbaycan bildirir ki, bu barədə Business insider yazır.

Dorsinin sözlərinə görə, bu ideya varlılar və kasıblar arasında fərqi azaltmaq, sistemli irqçiliyi və gender bərabərsizliyini aradan qaldırmaq, eləcə də ailələr üçün maliyyə təhlükəsizliyi yaratmaq baxımından ABŞ üçün yeni üsullardan biridir.

​Layihənin təşkilatçıları qeyd edirlər ki, zəmanətli baza gəlirləri nəinki kasıblığa qalib gəlməyə kömək edəcək, həm də koronavirus pandemiyası dövründə aztəminatlı vətəndaşları maliyyə və karyera zərbələrindən qoruyacaq.

Proqramın nə vaxt işə düşəcəyi hələ bəlli deyil, çünki təşəbbüskarlar onu federal səviyyəyə çıxarmaq niyyətindədirlər. Hazırda o, yeddi milyon insanı, o cümlədən Los-Anceles, Atlanta və Nyu-Cersi sakinlərini əhatə edir. Ödəməni etmək hüququna kimin sahiblənəcəyi, eləcə də maliyyə yardımının məbləği hələlik açıqlanmır.

Apreldə Dorsi koronavirusla mübarizə aparmaq üçün Start Small xeyriyyə fonduna öz kapitalının təxminən 28 faizini – 1 milyard dollar ianə etmişdi. Hələ o zaman Twitter-in rəhbəri demişdi ki, pandemiyadan sonra fond diqqətini baza gəlirləri və qızların təhsili və səhhəti məsələlərinə yönəldəcək.

İyul ayında Almaniyanın Welthungerhilfe xeyriyyə təşkilatı bildirmişdi ki, yaxın aylarda planetdə ac insanların sayı 1 milyard nəfəri aşacaq. Səbəb kimi isə koronavirus pandemiyasının səbəb olduğu iqtisadi böhranı göstərmişdi. 

 

13
Mövzu:
Dünyanı cənginə almış bəla (522)
Əlaqədar
Ciddi böhranın ayaq səsləri eşidilir – Amma bu dəfə heç nə bizdən asılı deyil
Koronavirus pandemiyası 1998-ci ildəki vəziyyəti xatırladır – Qref
Pul pul gətirər: Dünyanın ən varlısı daha da varlanıb
Koronavirusa görə Avstraliyanın ikinci ən böyük şəhəri yenidən bağlandı
Rusiya Müdafiə Nazirliyinin binası, arxiv şəkli

Moskva Qarabağa dair qurulacaq Mərkəz barədə: "Türkiyə hərbçilərinin sayı..."

70
(Yenilənib 17:58 01.12.2020)
Rusiya Müdafiə Nazirliyi və Türkiyə Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub.

BAKI, 1 dekabr — Sputnik. Rusiya və Türkiyə Dağlıq Qarabağda atəşkəsə nəzarət üzrə Ortaq Mərkəzə dair razılığa gəlib. Mərkəzdə hər iki ölkədən olan hərbçilərin sayı bərabər olacaq. Sputnik Azərbaycan "RİA Novosti"yə istinadən xəbər verir ki, bunu Rusiyanın müdafiə naziri general-mayor İqor Konaşenikov bildirib.

"Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub. Mərkəz Azərbaycan ərazisində yerləşəcək. Rusiya və Türkiyə hərbçilərinin sayı bərabər olacaq", - deyə Konaşenkov bildirib.

Qeyd edək ki, bu gün Türkiyənin Milli Müdafiə Nazirliyi məlumat yayaraq Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələrin başa çatdığını və tərəflər arasında anlaşma imzalandığını bildirib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

70
Çak Norris, arxiv şəkli

"Qarabağ, sən indi xoşbəxtsən" - amerikalı aktyor Azərbaycanı təbrik etdi

33
(Yenilənib 17:22 01.12.2020)
Norris açıqlamasında "Qarabağ, sən indi əsl ailənlə xoşbəxtsən" deyib. Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

BAKI, 1 dekabr — Sputnik. Məşhur amerikalı aktyor, film rejissoru və ssenaristi Çak Norris Qarabağla bağlı danışıb.

O, açıqlamasında "Qarabağ, sən indi əsl ailənlə xoşbəxtsən" deyib.

Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

Məlumat üçün bildirək ki, Norris Qərb yarımkürəsində taekvondo sistemi üzrə 8-ci dərəcəli qara kəmərə layiq görülən ilk idmançı, eləcə də Ümumdünya Təkbətək Döyüş Liqasının (World Combat League) banisi və prezidentidir.

Çak Norris çoxsaylı teleşouların yaradıcısı olmaqla yanaşı, öz jurnalını nəşr etdirir, bir neçə kitabın müəllifidir. ABŞ-da onun aktyorluq işi çoxdan ikinci plana çəkilib. Hazırda Norris milli miqyasda xristian missioneridir. Çoxsaylı dini təşkilat və fondlarda üzvlüklə yanaşı, Çak populyar "World Net Daily" saytında bir bölümə rəhbərlik edir. Həmin bölümün əsas mövzusu İncil və xristianlığın ABŞ-da fəal təbliğatından ibarətdir. O, bundan başqa, ondan artıq filmdə rol alıb.

33
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

0
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

0
Teqlər:
tələbələr, rejissor, Hindistan, prodüser, mükafat