Gürcüstanda epdimioloji vəziyyət

Gürcüstan COVID-19-a belə qalib gəlir - Sadəcə 15 ölüm

243
(Yenilənib 15:29 09.07.2020)
Gürcüstan əldə etdiyi bu uğura görə Azərbaycan və eyni zamanda da Ermənistanla müqayisədə də yüksək nəticələr əldə edib

BAKI, 9 iyul — Sputnik. Bu gün Avropa Birliyinin qənaətinə görə, Gürüstan sərhədlərini aça biləcək və güvənli hesab edilə biləcək 15 ölkədən, eyni zamanda Sovet Birliyindən çıxmış, bu göstəricilərinə görə, yeganə belə ölkədir. Sputnik Azərbaycan-ın "BBC"-yə isitnadən məlumatına görə, Gürcüstanda bu uğurun arxasında elm adamları dayanır.

3 milyon 700 min əhalisi olan Gürcüstanda COVID-19-a ilk yoluxmadan bu günədək rəqəmlər artmayıb. Bu ölkədə ümumi yoluxanların sayı 1000, ölənlərin sayı isə 15 olub. Bu gün bütün dünyanın savaşdığı COVID-19 virusu ilə bağlı Gürcüstanda rəqəmlərin az qeydə alınmasının arxasında "3 silahdaş" olaraq adlandırılan Gürcüstanın Beynəlxalq Pandemik Xəstəliklərə Nəzarət və Xalq Sağlıq Mərkəzinin (NCDC) rəhbəri Amiran Gamkrelidze, Laboratoriyalar Mərkəzinə görə səlahiyyətli olan Paata İmnadze və Tbilisi Pandemiya Xəstəlikləri, QİÇS və İmmunitetlə bağlı Araşdırmalar Mərkəzinin baş virusoloqu Tengiz Tsertsvadze dayanır.

Belə ki, Gürcüstan əldə etdiyi bu uğura görə Azərbaycan və eyni zamanda da Ermənistanla müqayisədə də yüksək nəticələr əldə edib. Belə ki, Ermənistanda ümumilikdə COVID-19-a yoluxanların sayı 26 mini, ölənlərin sayı 500 mini ötdüyü halda artıq demək olar ki, Gürcüstanda COVID-19-la bağlı rəqəmlər donub.

Bəs Gürcüstan buna necə nail oldu?

Ölkədə ilk koronavirusa yoluxma faktının qeydə alındığı bu ilin fevralından bir qədər sonra, martda Gürcüstanda bütün təhsil müəssisələri bağlandı. Martın 21-də karantin elan olundu və insanların toplu yığışması, səyahət etməsi qadağan olundu. Qəbiristanlığı ziyarət etmək qadağan olundu.

Gürcüstanın baş naziri isə açıqlamasında bu uğura necə nail olduqları ilə bağlı danışaraq bildirib ki, onlar hələ bu ilin yanvarında, yəni, ölkədə ilk yoluxma faktının qeydə alınmasından bir ay öncə, dünyada virusun o qədər geniş vüsət almadığı dövrdə elm adamları ilə birgə ümumi vəziyyəti dəyərləndirə bilmişdilər.  

Bu qabaqlayıcı tədbirlərin görülməsi və vəziyyətin nəzarətə alınması üçün ölkənin ən sayılıb-seçilən elm adamları da bu işə cəlb edildilər. Davamlı olaraq maarifləndirmə aparıldı ki, əhali arasında çaşqınlıq yaranmasın. Bundan başqa, ciddi və sərt qadağalar tətbiq edildi. Zamanında qaydalara, tələblərə məhəl qoymayanlara qarşı sərt qərarlar verilib. Belə ki, qaydaları pozan fiziki şəxslərə 1000 dollar, hüquqi şəxslərə isə 3000 dollar cərimə tətbiq edildi.

Alim Amiran Gamkrelidze ölkənin pandemiya ilə mübarizəsindəki uğurunu isə belə izah edir: "Əhalinin hər bir milyonuna 30 min test edərək alt standartları əldə etməyə nail olduq. Beləcə Gürcüstanda müsbətə doğru, yəni, yaxşılaşma ilə bağlı nəticələr ümumi nəticələrin 86 faizini təşkil etdi. Lakin təəssüf ki, itkilərimiz də oldu, 15 nəfər dünyasını dəyişdi. Bu da təxminən 1.6 faiz deməkdir, lakin digər ölkələrlə müqayisədə bu rəqəm kifayət qədər aşağıdır".

"Bu gün Gürcüstan onunla qonşu olan ölkələr arasında bir ada rolunu oynamaqla ən sağlam mühit kimi görünürsə belə, rəqəmlər aşağı olduğu halda belə, biz rahatlaşmamalıyıq, təhlükəni hər an gözə almalıyıq", - deyə o əlavə edib.

Beləcə sərt qaydalar və cərimələrin də hökm sürdüyü bir ərəfədə əksəriyyət elm adamlarının tövsiyələrinə əməl etməyə üstünlük verdi. Hökumət isə qoyulan bütün tələblərə əməl etdiyi üçün əhaliyə xüsusi təşəkkür edib.

Hazırda Gürcüstanda vəziyyət necədir?

Bu gün Gürcüstanda iş yerlərinin, kafe və restoranların çoxu bağlıdır. Bu cür yerlərin qapalı olanlarında isə maska taxmaq mütləqdir.

Hökumət iyulun 1-dən etibarən sərhədləri açmağı düşünsə də, hələlik bu qərarı təxirə salıb.

243
Teqlər:
təcrübə, Gürcüstan, COVID-19, Koronavirus
Mövzu:
Dünyanı cənginə almış bəla (495)
Əlaqədar
Koronavirusa yoluxanların sayı 12 milyonu keçdi
Azərbaycanın bir rayonuna giriş-çıxış məhdudlaşdırıldı - koronavirusa görə
Koronavirusdan sağalan insanlar yenidən yoluxa bilərlər
Azərbaycana koronavirusa görə xarici mütəxəssislər gətirildi
Səhiyyə Nazirliyi koronavirus xəstələrinin evdə müalicə prosedurunu açıqladı
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

19
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

19
Ramil Quliyev

Dünya çempionu da "Qarabağ Azərbaycandır!" dedi

29
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

29
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0