Koronavirus vaksini, arxiv şəkli

Vaksin yarışı: Çin ikinci koronavirus peyvəndini hazır etməyə tələsir

528
(Yenilənib 22:54 07.07.2020)
ABŞ da daxil olmaqla bir çox digər ölkələr vaksin yarışını qazanmaq üçün özəl sektorla sıx əməkdaşlıq edir. Çin isə bu sahədə bir çox problemlərlə üzləşib

BAKI, 7 iyul — Sputnik. Çin COVID-19 pandemiyasına qarşı mübarizə aparmaq üçün vaksin yaradılması yarışında irəliyə çıxır.

Sputnik Azərbaycan "Reuters" agentliyinə istinadən xəbər verir ki, "Sinovac Biotech" şirkətinin eksperimental vaksini ölkədə son test mərhələsinə daxil olacaq ikinci, dünyada isə üçüncü belə preparatdır.

Qlobal vaksin sənayesində geriləməsinə baxmayaraq, yeni koronavirusun mənbəyi olduğu hesab olunan Çin dünyada 500 mindən çox insanın həyatını almış bu xəstəliklə mübarizəyə dövlət, hərbi və özəl sektorları cəlb edib.

Amerika Birləşmiş Ştatları da daxil olmaqla bir çox digər ölkələr vaksin yarışını qazanmaq üçün özəl sektorla sıx əməkdaşlıq edir. Çin isə bu sahədə bir çox problemlərlə üzləşib.

Çinin əsas problemlərindən biri odur ki, ölkədə epidemiya dayanıb və bu, böyükmiqyaslı sınaqlar aparmağa imkan vermir.

Pekin diqqətini xaricə yönəldib, lakin yalnız bir neçə ölkə – BƏƏ, Kanada, Braziliya, İndoneziya və Meksika əməkdaşlığa hazır olduqlarını bildiriblər. Nə böyük Avropa ölkələri, nə də Birləşmiş Ştatlar Çinin COVID-19 vaksinlərinə maraq göstəriblər. Onlar yalnız öz layihələrinə diqqət yetirirlər.

Çin son illərdə keyfiyyətsiz peyvəndlərin səbəb olduğu bir neçə qalmaqaldan sonra vaksinlərinin keyfiyyəti və təhlükəsizliyi ilə bağlı narahatlığı da aradan qaldırmalıdır.

528
Teqlər:
Çin, vaksin, Koronavirus, COVID-19
Mövzu:
Dünyanı cənginə almış bəla (495)
Əlaqədar
ÜST Rusiyanın COVID-19 vaksini ilə maraqlanıb
Sonun başlanğıcı – Koronavirus vaksininin vurulduğu könüllülər ilk dəfə danışdılar
Tramp: “Koronavirus əleyhinə vaksin ilin sonuna qədər hazır olacaq”
Rusiyadan yaxşı xəbər: vaksinlər təsirini göstərir
"Bizim koronavirusa qarşı peyvəndimizin təsiri 2 ildən çox olacaq"
Türkiyə Böyük Millət Məclisinin sədri Mustafa Şentop

Azərbaycan Türkiyə spikerləri: "Bu iki qardaş xalq həmişə bir-birinin yanında olacaq"

3
(Yenilənib 23:27 29.10.2020)
Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

BAKI, 29 oktyabr — Sputnik. Oktyabrın 29-da Milli Məclisin Sədri Sahibə Qafarova Türkiyə Böyük Millət Məclisinin Sədri Mustafa Şentopla telefonla danışıb.

Sputnik Azərbaycan-ın məlumatına görə, Milli Məclisin Sədri türkiyəli həmkarına 29 oktyabr - Cümhuriyyət Günü münasibətilə təbriklərini çatdırıb, qardaş türk xalqına tərəqqi və firavanlıq arzulayıb.

Milli Məclisin Sədri qardaş Türkiyə Respublikasının Ermənistan-Azərbaycan Dağlıq Qarabağ münaqişəsi ilə bağlı ölkəmizə göstərdiyi dəstəyə görə bir daha minnətdarlığını bildirib, iki qardaş xalqın həmişə bir-birinin yanında olacağına əminliyini ifadə edib.

Sahibə Qafarova Ermənistanın son dövrlər döyüş meydanında məruz qaldığı uğursuzluqlarla barışmayaraq mülki əhalini hədəfə aldığını və bunun insanlıq əleyhinə yönələn müharibə cinayəti olduğunu ifadə edib.

Sahibə Qafarova telefon söhbətinin sonunda bildirib ki, bütün Azərbaycan xalqı öz dövlətinin və Prezidentinin yanındadır. "Möhtərəm Prezidentimiz İlham Əliyevin rəhbərliyi ilə Azərbaycanda bərqərar olmuş güclü idarəçilik sistemi, iqtidarla xalq arasında mövcud olan sarsılmaz birlik Dağlıq Qarabağ məsələsinin tamamilə həllini təmin edəcək".

Təbriklər və xoş sözlər üçün təşəkkürünü bildirən Türkiyə Böyük Millət Məclisinin Sədri Mustafa Şentop Türkiyənin bundan sonra da Azərbaycanın yanında olacağını və Azərbaycan torpaqlarının tezliklə tamamilə düşmən tapdağından azad olunacağı günü səbirsizliklə gözlədiklərini diqqətə çatdırıb.

3
Ramil Quliyev

Dünya çempionu da "Qarabağ Azərbaycandır!" dedi

14
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

14
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0