S-400 zenit-raket sistemi, arxiv şəkli

Türkiyə "S-400"ləri sınaqdan keçirdi - ABŞ qırıcılarına qarşı

1907
(Yenilənib 18:24 07.07.2020)
"S-400 Triumf" Rusiya istehsalı olan qısamənzilli və ortamənzilli zenit-raket kompleksidir. Bu sistem bütün müasir və perspektiv hava-kosmik hücum vasitələrinin məhv edilməsi üçün nəzərdə tutulub

Eldar Tanrıverdiyev, Sputnik Azərbaycan

BAKI, 7 iyul — Sputnik. Türkiyə Mürdət aviabazasında Rusiya istehsalı olan "S-400 Triumf" zenit-raket komplekslərini "F-16 Fighting Falcon" və "F-4 Phantom II" qırıcılarına qarşı sınaqdan keçirməyə davam edir. Bu barədə Sputnik Azərbaycan "Fighter Jets World"ə istinadən xəbər verir.

Məlumata əsasən, sınaqlar zamanı qırıcılar yüksək və alçaq hündürlükdə uçuşlar həyata keçirir. Zenit-raket sistemlərinin sınaqlarının bu ilin noyabr ayında bitirilməsi planlaşdırılır.

Qeyd edək ki, 2019-cu ilin noyabrında YouTube portalında Türkiyənin Ankara vilayətində Rusiya istehsalı "S-400" zenit-raket komplekslərinin 4-cü nəsil "F-16 Fighting Falcon" vasitəsilə sınaqdan keçirilməsinə dair görüntülər yayımlanmışdı.

Xatırladaq ki, "S-400 Triumf" Rusiya istehsalı olan qısamənzilli və ortamənzilli zenit-raket kompleksidir. Bu sistem bütün müasir və perspektiv hava-kosmik hücum vasitələrinin məhv edilməsi üçün nəzərdə tutulub.

Ankara və Vaşinqtonun münasibətlərində böhrana səbəb olan Rusiya istehsalı "S-400" zenit raket komplekslərinin tədarükü ötən ilin iyulun ortalarında başlayıb.

Birləşmiş Ştatlar bu sövdələşmədən imtina etməyi və əvəzində "Patriot" komplekslərini təklif edib. Vaşinqton bu məsələ ilə bağlı Türkiyəni "F-35" tipli qırıcıların satışını gecikdirmək və ya tamamilə dayandırmaqla, həmçinin sanksiyalarla hədələyib. Ankara güzəştə getməkdən imtina edib.

Qeyd edək ki, bu il Rusiya Türkiyəyə 2,5 milyard dollar qarşılığında dörd ədəd "S-400" divizionu tədarük edib. Tərəflər arasında müqavilədə daha bir divizion komplektinin də tədarükünün ola biləcəyi müddəası yer alır.

 

1907
Teqlər:
sınaq, F-16 qırıcı təyyarəsi, Türkiyə, S-400 zenit-raket kompleksi
Əlaqədar
Bunu ABŞ-dan heç kim gözləmirdi, indi də Türkiyədən "S-400"ləri alır
"Nifaq üçbucağı"nın yeni balası: Rusiya hətta kosmosdakıları vuracaq
Qamçı yaramadı, kökə işə düşüb: ABŞ Türkiyədən S-400-ləri almağı təklif edir
Rusiya ABŞ-ın Türkiyədən "S-400"-ləri almaq səbəbini açıqladı
Türkiyə ikinci S-400 alayını alacaq. "Patriot" və "Eurosam" sual altındadır
Rusiya Prezidenti Vladimir Putin, arxiv şəkli

Putin Paşinyanla görüşməkdən imtina etdi

6
(Yenilənib 18:09 30.11.2020)
Məlumatda qeyd olunur ki, səfərin ləğv olunmasına səbəb baş nazirin Rusiya rəhbərliyi ilə yüksək səviyyədə görüşə dair razılığın əldə olunmaması olub.

BAKI, 30 noyabr — Sputnik. Ermənistan Baş naziri Nikol Paşinyanın Rusiyaya səfəri təxirə salınıb. Bu barədə Spuntik Azərbaycan "News.am"-a istinadən xəbər verir.

Məlumatda qeyd olunur ki, səfərin ləğv olunmasına səbəb baş nazirin Rusiya rəhbərliyi ilə yüksək səviyyədə görüşünə dair razılığın əldə olunmaması olub.

"Ermənistanın Paşinyan – Putin görüşünü təşkil etmək cəhdləri iflasa uğrayıb. Ermənistan baş nazirinin protokol rəhbəri geri – Yerevana çağırılıb", - deyə məlumatda bildirilir.

 

6
Teqlər:
imtina, görüş, Nikol Paşinyan, Vladimir Putin, Ermənistan, Rusiya
Hadisə yerində

İran nüvə alimini öldürənləri müəyyənləşdirdiklərini bəyan etdi

9
(Yenilənib 17:24 30.11.2020)
Bu elektron avadanlığın istifadə olunduğu çətin əməliyyat idi. Hadisə yerində heç kim olmayıb, lakin ipucları var.

BAKI, 30 noyabr — Sputnik. İranın Milli Təhlükəsizlik üzrə Ali Şurasının Baş katibi Əli Şamhani rəsmi Tehranın nüvə üzrə alim Möhsün Fəxrizadənin ölümünü kimin təşkil etdiyini müəyyənləşdirdiyini bildirib. Bu barədə Sputnik Azərbaycan "Tasnim" agentliyinə istinadən xəbər verir.

"Bu, elektron avadanlığın istifadə olunduğu çətin əməliyyat idi. Hadisə yerində heç kim olmayıb, lakin ipucları var. Eyni zamanda bunu kimin planlaşdırdığını bilirik, onun keçmişi bəllidir", - deyə Şamhani qeyd edib.

Onun sözlərinə görə, bu hadisədə İsrail və "Mossad", həmçinin İranda qadağan olunan "İran Xalqının Mücahidləri Təşkilatı" da rol oynayıb.

Xatırladaq ki, noyabrın 27-də Tehranın şimal-şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif çıxış ediblər.

9
Teqlər:
qətl, nüvə, fizik, alim, İran