ABŞ-da epidemioloji vəziyyət

Amerikalı gənclər COVID-19 gecələri keçirir, ilk yoluxana isə mükafat verilir

167
(Yenilənib 23:47 03.07.2020)
Əyləncə gecələri Tuskaluza şəhərində keçirilir və yoluxmuş insanlar qəsdən ora dəvət edilir ki, sağlam iştirakçılar da yoluxsun.

BAKI, 3 iyul — Sputnik. ABŞ-ın Alabama ştatında bəzi gənclər koronavirusu olan insanların iştirakı ilə COVID-19 əyləncə gecələri təşkil edirlər.

Sputnik Azərbaycan CNN-ə istinadən xəbər verir ki, bu əyləncə gecələrində ilk yoluxan iştirakçıya pul mükafatı verilir.

Əyləncə gecələri Tuskaluza şəhərində keçirilir və yoluxmuş insanlar qəsdən ora dəvət edilir ki, sağlam iştirakçılar da yoluxsun. Bu barədə CNN-ə şəhər şurasının üzvü Sonia MakKinstri bildirib. O, əvvəlcə bu barədə yanğınsöndürənlərdən eşitdiyini deyib.

"Əvvəlcə fikirləşdik ki, bu, sadəcə bir şayiədir. Biz bəzi tədqiqatlar apardıq və təkcə həkimlər deyil, həm də ştat rəsmiləri belə məlumatların olduğunu təsdiqlədilər", - o bildirib.

MakKinstri deyib ki, yanğınsöndürənlərin rəisi Rendi Smit də bu həftə şəhər şurasında çıxışı zamanı şəhər gənclərinin əyləncə gecələri təşkil etdiklərini və koronavirusa yoluxanlara pul verdiklərini deyib.

O bildirib ki, həkim tərəfindən koronavirusa yoluxduğu təsdiqlənən ilk şəxs əyləncə gecəsinin biletlərinin satışından əldə olunan pulları qazanır. Son bir neçə həftə ərzində şəhər və onun ətrafında bir neçə belə əyləncə gecəsi təşkil olunub və yəqin ki, rəsmilər onların bəzisindən heç xəbərdar deyil.

Alabama ştatında təxminən 39000 insan koronavirusa yoluxub və 1000 nəfər ölüb.

Dünən ABŞ-da sutkalıq yoluxma faktlarının sayı rekord qıraraq 55 mini keçib.

167
Mövzu:
Dünyanı cənginə almış bəla (482)
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

38
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

38
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron
Şarl Mişel, arxiv şəkli

Şarl Mişel İlham Əliyevə zəng vurub: "Narahatıq"

31
(Yenilənib 19:47 30.09.2020)
Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

BAKI, 30 sentyabr — Sputnik. Sentyabrın 30-da Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan Azərbaycan Prezidentinin Mətbuat Xidmətinə istinadla xəbər verir ki, Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

Dövlətimizin başçısı Ermənistanın Azərbaycana qarşı törətdiyi və bu gün də davam edən növbəti hərbi təxribatı ilə bağlı vəziyyət barədə məlumat verərək qeyd edib ki, sentyabrın 27-də Ermənistan tərəfinin qoşunların təmas xətti boyu yaşayış məntəqələrimizi, hərbi birləşmələrimizin mövqelərini ağır artilleriya qurğularından atəşə tutması nəticəsində 14 mülki şəxsimiz və hərbi qulluqçularımız həlak olublar.

Prezident İlham Əliyev bildirib ki, Azərbaycan Ordusu buna cavab olaraq əks-hücum əməliyyatları həyata keçirir. Azərbaycan Prezidenti qeyd edib ki, Ermənistan rəhbərliyi şüurlu şəkildə danışıqlar prosesini pozur. Belə ki, Ermənistan baş nazirinin "Dağlıq Qarabağ Ermənistandır" bəyanatı danışıqlar prosesinə ciddi zərbə vurub. "Azərbaycan Dağlıq Qarabağla danışıqlar aparmalıdır" bəyanatı isə danışıqlar formatının dəyişdirilməsi cəhdidir ki, bu da qəbuledilməzdir və Minsk qrupunun rəhbərliyi də bunu bildirib.

Dövlətimizin başçısı vurğulayıb ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır, hərbi cinayətdir. Prezident İlham Əliyev bildirib ki, Ermənistan baş naziri hələ sentyabrın 27-si hərbi toqquşmalar baş verməzdən əvvəl on minlərlə könüllüdən ibarət hərbi birləşmələrin yaradılması barədə qərar vermişdi. Bu, Ermənistanın növbəti təcavüzə hazırlaşması mənası daşıyırdı.

Dövlətimizin başçısı Ermənistanın hərbi təxribatı ilə bağlı hadisələrin gələcək inkişafına görə məsuliyyətin Ermənistanın siyasi və hərbi rəhbərliyinin üzərinə düşdüyünü bildirib.

31